టాలీవుడ్ లో కామెడీకి కొత్త అర్థం చెప్పిన హీరో ‘సంపూర్ణేశ్ బాబు’. ఓవర్ యాక్షన్ నటనతో.. ఓవర్ కామెడీతో సరికొత్త థీమ్ తో టాలీవుడ్ లో కామెడీ హీరోగా ఎదిగాడు. ఈయన సినిమాల్లో చేసే అతి చూస్తే నవ్వకుండా ఉండలేరు. విభిన్నమైన సినిమాలు తీస్తూ కామెడీ పండస్తూ ప్రేక్షకులకు చేరువైన సంపూర్ణేశ్ బాబు నుంచి ప్రస్తుతం మరో సినిమా వస్తోంది. అదే ‘బజార్ రౌడీ’? తాజాగా సినిమా ట్రైలర్ విడుదలైంది.
‘హృదయకాలేయం’, కొబ్బరిమట్ట, సింగం123 అంటూ ఓవర్ యాక్షన్ కామెడీ పండించిన సంపూ తాజాగా ‘బజారు రౌడీ’తో అంతకుమించిన ఓవర్ యాక్షన్ తో కామెడీ పండించాడు. సంపూర్ణేశ్ బాబు హీరోగా.. మహేశ్వరి వద్ది హీరోయిన్ గా నటిస్తున్న ఈ మూవీకి వసంత నాగేశ్వరరావు దర్శకత్వం వహిస్తున్నారు.
ఈ ట్రైలర్ లో సంపూ భారీ ఫీట్లు చేస్తూ నానా హంగామా చేశారు. ‘రామాయణం చెబితే రౌడీలు రావణాసుడిని ఫాలో అవుతారు కానీ రాముడిని కాదు’ అంటూ సంపూర్ణేశ్ బాబు చెప్పిన డైలాగులూ టీజర్ కి హైలెట్ గా నిలిచాయి.
ఫైట్స్ లో దాదాపు గాల్లోనే ఎగురుతూ.. గాల్లోనే విలన్లను కొడుతూ.. గాల్లోనే బైక్ లను తన వద్దకు తెప్పించుకుంటూ గాలి వీరుడిగా సంపూ చేసిన ఫైట్స్ యాక్షన్ సీన్లు ఆకట్టుకున్నాయి.
‘బజారు రౌడీ’లో సంపూ డబుల్ యాక్షన్ చేస్తున్నట్టు తెలిసింది. ఈ మధ్యనే కన్నుమూసిన క్రిటిక్, కత్తి మహేష్ కూడా ఇందులో కీలక పాత్రలో నటించారని తెలిసింది. ఈ నెల 20న ఈ సినిమాను ప్రేక్షకుల ముందుకు తీసుకొస్తున్నారు.
బజారు రౌడీ ట్రైలర్ ను కింద చూడొచ్చు
