Vijay Devarakonda: ఐకాన్ స్టార్ అల్లు అర్జున్ – సుకుమార్ కాంబోలో వచ్చిన ‘ఆర్య’ ఎంతటి ఘన విజయాన్ని సాధించిందో అందరికీ తెలిసిందే. దీనికి కంటిన్యూ గా వచ్చిన ‘ఆర్య 2’ కూడా ప్రేక్షకులను మెప్పించింది. ఈ తరుణంలో త్వరలోనే ఆర్య 3 కూడా ఉంటుందని ఇటీవలే సుకుమార్ స్పష్టం చేశారు. అయితే ఈ సినిమాలో అల్లు అర్జున్ కాదని సమాచారం. ఈ మూవీ లో హీరోగా రౌడీ బాయ్ ” విజయ్ దేవరకొండ ” నటించనున్నారని సినీ వర్గాల్లో చర్చించుకుంటున్నారు. విజయ్ దేవరకొండ ప్రస్తుతం పూరి జగన్నాథ్తో ‘లైగర్’ చిత్రం చేస్తున్నారు. అనన్య పాండే హీరోయిన్గా నటిస్తోన్న ఈ మూవీలో దిగ్గజ బాక్సర్ మైక్ టైసన్ కీలకపాత్ర పోషిస్తున్నారు.
అలానే ప్రస్తుతం సుకుమార్ కూడా అల్లు అర్జున్ తో ‘పుష్ప’ తెరకెక్కిస్తూ బిజీగా ఉన్నారు. ఈ సినిమా షూటింగ్ పూర్తవ్వగానే విజయ్ దేవరకొండతో మూవీని పట్టాలెక్కించాలని సుక్కు ప్లాన్ చేస్తున్నారట. సుకుమార్ – విజయ్ దేవరకొండ కాంబోలో మూవీ ఉండబోతుందని గతంలో ప్రకటించిన విషయం తెలిసిందే. కాగా ఆ మూవీ ఆర్య 3 ఏ అని సోషల్ మీడియా లో టాక్ నడుస్తుంది.
ఈ చిత్రానికి సంబంధించిన ప్రీ ప్రొడక్షన్ పనులు త్వరలోనే ప్రారంభమవుతాయని తెలుస్తోంది. ఏదేమైనా అధికార ప్రకటన వచ్చే వరకు ఎదురు చూడాల్సిందే. ప్రస్తుతం బన్నీతో సుకుమార్ తెరకెక్కిస్తోన్న ‘పుష్ప’… పూర్తి మాస్ అంశాలతో కూడుకున్న సినిమా. రష్మిక హీరోయిన్గా చేస్తున్న ఈ మూవీలో సునీల్, ఫవాద్ ఫాజిల్ విలన్లుగా కనిపించనున్నారు. రెండు భాగాలుగా రూపొందుతున్న ఈ మూవీ మొదటి పార్ట్ క్రిస్మస్ కానుకగా డిసెంబర్ 17న ప్రేక్షకుల ముందుకు రానుంది.
Web Title: Rumors going on arya 3 hero is vijay devarakonda
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
