Ramayan Movie: బాలీవుడ్ లో నితీష్ తివారీ దర్శకత్వం లో తెరకెక్కుతున్న ‘రామాయణ్’ పై అటు హిందీ ఆడియన్స్ లో , ఇటు తెలుగు ఆడియన్స్ లో అంచనాలు వేరే లెవెల్ లో ఉన్నాయి. ఆ అంచనాలకు తగ్గట్టుగానే ఈ సినిమాని భారీ బడ్జెట్ తో , ఎక్కడా కాంప్రమైజ్ అవ్వకుండా, తెరకెక్కించారని ట్రైలర్ చూస్తుంటే అర్థం అవుతోంది. బాలీవుడ్ ‘ఆదిపురుష్’ చిత్రాన్ని తీసి , రామాయణం ని చెడగొట్టారు అనే నిందని మోస్తోంది. ఆ నిందని నితీష్ తివారీ ‘రామాయన్’ చిత్రం తో తుడిపేయాలని ఫిక్స్ అయ్యినట్టు అనిపిస్తోంది. మొదట్లో విడుదల చేసిన టీజర్ లోని విజువల్ ఎఫెక్ట్స్ ని చూసి, ఇదేంటి 4000 కోట్లు ఖర్చు పెట్టామని అన్నారు , క్వాలిటీ చూస్తే సీరియల్ రేంజ్ లో ఉందని అంతా అనుకున్నారు. కానీ మొదటి ట్రైలర్ తో పర్వాలేదు విజువల్ ఎఫెక్ట్స్ బాగానే ఉన్నాయని ఒక క్లారిటీ వచ్చింది , ఇక రీసెంట్ గా రిలీజ్ చేసిన ట్రైలర్ అయితే బాహుబలి స్టాండర్డ్స్ ని అందుకుంది.
కచ్చితంగా ఈ చిత్రం ఆడియన్స్ కి మంచి థియేట్రికల్ అనుభూతి ఇస్తుందని బలమైన నమ్మకం తో ఉన్నారు మూవీ లవర్స్. ఇదంతా పక్కన పెడితే ఈ చిత్రానికి సంబంధించిన ప్రివ్యూ షో ని ముంబై లోని ఒక థియేటర్ లో ప్రత్యేకంగా కొంతమంది బయ్యర్స్ కి వేసి చూపించారట మేకర్స్. ఈ షో నుండి వచ్చిన టాక్ ఇప్పుడు సోషల్ మీడియా లో లీకై బాగా వైరల్ అయ్యింది. అయితే ఈ సినిమాలో రావణుడిగా యాష్ తన నటవిశ్వరూపం చూపించాడట. కేజీఎఫ్ సిరీస్, టాక్సిక్ చిత్రాల్లో నెగెటివ్ షేడ్స్ క్యారెక్టర్స్ బాగా అలవాటు పడడంతో , ఈ సినిమాలో రెచ్చిపోయాడట యాష్. శివానుగ్రహం తో రావణాసురుడు మూడు లోకాలను ఏలిన వీరుడు , అతనికి సాటి విశ్వం లో ఎవ్వరూ లేరు అనే విధంగా ప్రీ క్లైమాక్స్ వరకు ఆయన క్యారెక్టర్ ని తీర్చి దిద్దడారట. ఒక్క క్లైమాక్స్ లోనే రణబీర్ కపూర్ డామినేషన్ కనిపించిందని , అందులో కూడా యాష్ కి సానుభూతి కలిగేలా చాలా ఎమోషనల్ గా ఈ తెరకెక్కించారని అంటున్నారు.
రామాయణం కథలో గుండెల్ని పిండేసే ఎమోషన్స్ ఉంటాయి. అవి మనకు పాత సినిమాల్లో కనిపిస్తాయి. కానీ కొత్తగా రామాయణం ని వెండితెర మీదకు తీసుకొని రావాలని అనుకున్న వాళ్ళు , ఆ ఎమోషన్ ని పండించలేకపోయారు. కానీ ఈ సినిమాలో నితీష్ తివారీ ఆ ఎమోషన్ ని పండించాడట. ప్రేక్షకులు కచ్చితంగా కంటతడి పెట్టుకుంటారని , రాముడిగా రణబీర్ కపూర్ , రావణాసురిడిగా యాష్ ఇద్దరూ కూడా అద్భుతంగా సూట్ అయ్యారని , నేటి తరం లో ఈ పాత్రలు వీళ్ళు తప్ప , ఇంకెవ్వరు చెయ్యలేరు అనేంతలా జీవించారని అంటున్నారు. ఈ సినిమాకు ఆడియన్స్ నుండి కూడా అదే రేంజ్ టాక్ వస్తే మాత్రం ఆకాశమే హద్దు అనే విధంగా వసూళ్లు ఉంటాయి. బాహుబలి 2 వసూళ్లను ఇప్పటి వరకు ఏ చిత్రం కూడా అందుకోలేదు , కానీ ఈ సినిమాకు ఆ ఛాన్స్ ఉంది.
ఇప్పటికే ఈ చిత్రానికి సంబంధించిన అడ్వాన్స్ బుకింగ్స్ కొన్ని లిమిటెడ్ థియేటర్స్ లో ప్రారంభించారు. గడిచిన 24 గంటల్లో బుక్ మై షో యాప్ లో ఈ చిత్రానికి 26 వేలకు పైగా టికెట్స్ అమ్ముడుపోయాయి. ఇది చాలా డీసెంట్ ఆరంభం అనే చెప్పాలి. పూర్తి స్థాయిలో అడ్వాన్స్ బుకింగ్స్ మొదలైతే , వేరే లెవెల్ లో ట్రెండ్ ఉంటుందని అంటున్నారు విశ్లేషకులు. నవంబర్ 5 న ప్రపంచవ్యాప్తంగా అన్ని ప్రాంతీయ భాషల్లో విడుదల అవ్వబోతున్న ఈ చిత్రం పై మీ అభిప్రాయం ఏంటో కామెంట్ చేయండి , మరిన్ని లేటెస్ట్ అప్డేట్స్ కోసం మా ఛానల్ ని సబ్ స్క్రైబ్ చేసుకోండి.
