Rajamouli On Kalki 2898: నిరీక్షణకు తెరపడింది. ప్రభాస్ లేటెస్ట్ మూవీ కల్కి టీజర్ వచ్చేసింది. ఒక నిమిషానికి పైగా ఉన్న టీజర్ ఫ్యాన్స్ అంచనాలను అందుకుంది. విజువల్స్, నిర్మాణ విలువలు, సాంకేతికత ఉన్నతంగా ఉన్నాయి. ముఖ్యంగా ప్రభాస్ లుక్ ఆకట్టుకుంది. టీజర్లో దీపికా పదుకొనె, అమితాబ్, పశుపతిలను పరిచయం చేశారు. అమితాబ్ రోల్ వీరోచితంగా ఉంది. దీపికా లుక్ క్యూరియాసిటీ పెంచేసింది. పశుపతి కనిపించడం సర్ప్రైజ్. తమిళ నటుడు పశుపతి కల్కి చిత్రంలో నటిస్తున్నట్లు సమాచారం లేదు.
ప్రాజెక్ట్ కే ఫస్ట్ లుక్ నిరాశపరిచిన నేపథ్యంలో కనీసం టీజర్ తో అయినా నాగ్ అశ్విన్ మెప్పిస్తాడా? అనే సందేహాలు మొదలయ్యాయి. ఫస్ట్ లుక్ విషయంలో విమర్శలపాలైనప్పటికీ టీజర్ తో మెప్పించాడు. నాగ్ అశ్విన్ హాలీవుడ్ రేంజ్ లో కల్కి చిత్రాన్ని పెద్ద ఎత్తున ప్లాన్ చేశాడని అర్థమవుతుంది. కాగా కల్కి టీజర్ పై రాజమౌళి స్పందించారు. ఆయన కామెంట్స్ ఒకింత ఆసక్తి రేపాయి. కల్కి చిత్ర రిలీజ్ డేట్ ఎప్పుడని అడగడం ప్రాధాన్యత సంతరించుకుంది.
దర్శకుడు నాగి, నిర్మాణ సంస్థ వైజయంతి మూవీస్ అద్భుతం చేశారు. ఫ్యూచరిస్టిక్ చిత్రాన్ని ఇంత ఉన్నతంగా తెరకెక్కించడం చాలా కష్టం. మీరు అసాధ్యం సుసాధ్యం చేశారు. టీజర్లో ప్రభాస్ లుక్ మైండ్ బ్లాక్ చేసింది. కానీ ఒకటే సందేహం? మూవీ విడుదల ఎప్పుడు?… అని రాజమౌళి ట్వీట్ చేశాడు. ఆద్యంతం పొగిడి చివర్లో కల్కి విడుదల తేదీ ఎప్పుడని అడగడం అనుమానాలకు దారి తీసింది. కారణం ప్రాజెక్ట్ కే 2024 సంక్రాంతికి విడుదల చేస్తున్నట్లు చాలా రోజుల క్రితమే ప్రకటించారు.
చిత్ర యూనిట్ అదే ప్రచారం చేస్తున్నారు. కల్కి సంక్రాంతి రేసులో ఉందని రాజమౌళికి తెలియదు అనుకోవడం అపోహే. విడుదల తేదీ అధికారికంగా ప్రకటించాక, రాజమౌళి ప్రత్యేకంగా ఎందుకు ఆ పాయింట్ లేవనెత్తాడు? అనేది ఆలోచించాల్సిన విషయం. చెప్పినట్లు ఈ సినిమా సంక్రాంతికి రాదని అభిప్రాయపడ్డారా? లేక టీజర్ ఏమంత గొప్పగా లేదని సైలెంట్ గా సెటైర్ వేశాడా? అనే సందేహాలు కలుగుతున్నాయి.
రాజమౌళి ట్వీట్ కి బాహుబలి నిర్మాత శోభు యార్లగడ్డ స్పందించారు. చూడండి ఎవరు విడుదల తేదీ గురించి అడుగుతున్నారో… అని లాఫింగ్ సింబల్స్ జోడించారు. రాజమౌళి ట్వీట్ వైరల్ అవుతుంది.
Great job Nagi and Vyjayanthi movies. Creating an authentic futuristic movie is such a difficult task and you guys made it possible..👏🏻👏🏻
Darling looks smashing..
Only one question remains…
Release date…🥰 #Kalki2898AD https://t.co/kKefpCvovr— rajamouli ss (@ssrajamouli) July 21, 2023
