RRR Movie: టాలీవుడ్ దర్శకధీరుడు రాజమౌళి దర్శకత్వంలో రామ్ చరణ్ తేజ్, జూనియర్ ఎన్టీఆర్లు హీరోలుగా కలిసి నటిస్తున్న చిత్రం “రౌద్రం రణం రుధిరం”. పీరియాడిక్ యాక్షన్ డ్రామాగా తెరకెక్కుతున్న ఈ సినిమాలో మెగా, నందమూరి ఫ్యామిలిలకు చెందిన ఇద్దరు స్టార్ హీరోలు కలిసి నటిస్తుండడంతో మూవీపై భారీ అంచనాలు నెలకొన్నాయి. పాన్ ఇండియా లెవెల్లో తెలుగు, తమిళ్, కన్నడ, మలయాళం, హిందీ భాషల్లో జనవరి 7న ప్రపంచవ్యాప్తంగా విడుదల చేయనున్నారు.
ఈ మూవీలో తారక్ కొమరం భీమ్గా కనిపించనుండగా… చరణ్ అల్లూరి సీతారామరాజు పాత్రలో దర్శనమివ్వనుననారు. కాగా నిన్న ఈ సినిమా ట్రైలర్ను మేకర్స్ రిలీజ్ చేశారు. రిలీజ్ అయిన కొన్ని గంటల్లోనే రికార్డు స్థాయిలో వ్యూస్కు చేరుకుని… ప్రభంజనం సృష్టించింది.
Also Read: “ఆర్ఆర్ఆర్” మూవీ ఓటీటీ రిలీజ్ పై క్లారిటి ఇచ్చిన మూవీ యూనిట్…
అయితే, తాజాగా దర్శకుడు రాజమౌళి మీడియా సమావేశం ఏర్పాటు చేయగా.. ఇందులో ఈ సినమా హీరోలు కూడా హాజరయ్యారు. ఈ క్రమంలోనే మీడియాపై జక్కన్న తనదైన శైలిలో పంచులు విసిరారు. ఈ సినిమా తర్వాత ఏ హీరోతో చేయబోతున్నారని అడగ్గా.. సదరు స్టార్ హీరోతో సినిమా చేయబోతున్నాడని హెడ్లైన్ పెడతారు.. అప్పుడు ఆర్ఆర్ఆర్ ప్రమోషన్స్ కిందకు పోతుంది. కాబట్టి ఆ సంగతి నాకు బాగా తెలుసు కనుక.. దానికి తగ్గ ప్రశ్నలే అడగండి.. ఇప్పుడు ఆర్ఆర్ఆర్ ప్రమోషన్స్కు మాత్రమే వచ్చాం. అని కౌంటర్ ఇచ్చారు. ఒకవేళ అంతగా మీకు ఆ విషయంపై సమాధానం కావాలంటే.. త్వరలోనే చిన్న చిట్చాట్ సెషన్ పెట్టుకుందామని అన్నారు. ఈ సమాధానంతో సమావేశం మొత్తం నవ్వులు విరిసాయి.
Also Read: “ఆర్ఆర్ఆర్” ట్రైలర్ పై స్పందించిన మెగా స్టార్ చిరంజీవి, మహేష్ బాబు…
