Pawan Kalyan Surender Reddy movie update: ఒకపక్క పవన్ కళ్యాణ్(Deputy CM Pawan Kalyan) అభిమానులు ‘ఉస్తాద్ భగత్ సింగ్'(Ustaad Bhagat Singh) మూవీ అప్డేట్స్ కోసం ఎంతో ఆతృతగా ఎదురు చూస్తూ ఉన్నారు, ఇంతలోపే ఆయన సురేందర్ రెడ్డి(surender reddy) తో చేయబోయే సినిమాకు సంబంధించిన అప్డేట్స్ సోషల్ మీడియా లో చక్కర్లు కొడుతున్నాయి. ఈ సినిమాని ఉగాది పర్వదినాన పూజా కార్యక్రమాల ద్వారా మొదలు పెట్టనున్నారు. ఇక తర్వాత ఏప్రిల్ లేదా మే నెల నుండి రెగ్యులర్ షూటింగ్ ని ప్రారంభించనున్నారు మేకర్స్. ఈ సినిమాకు వక్కంతం వంశీ స్టోరీ ని అందిస్తున్నాడు. సురేందర్ రెడ్డి తో కలిసి ప్రస్తుతం ఆయన క్లైమాక్స్ స్క్రిప్ట్ ని సిద్ధం చేసే పనిలో ఉన్నట్టు తెలుస్తోంది. ఈ చిత్రం కూడా ‘ఓజీ’ లాగానే గ్యాంగ్ స్టర్ నేపథ్యం లో తెరకెక్కబోతుంది. సురేందర్ రెడ్డి చిత్రాల్లో హీరో క్యారెక్టర్స్ చాలా భిన్నంగా ఉంటాయి. పవన్ కళ్యాణ్ కి కూడా అలాంటి భిన్నమైన క్యారెక్టరైజేషన్ డిజైన్ చేసినట్టు సమాచారం.
గత కొంతకాలంగా పవన్ కళ్యాణ్ సరికొత్త హెయిర్ స్టైల్ లో కనిపించడం మనం చూస్తూనే ఉన్నాం. ఈ హెయిర్ స్టైల్, మేకోవర్ సురేందర్ రెడ్డి సినిమా కోసమేనట. లుక్ టెస్ట్ కూడా జరిగింది. అభిమానులకు ఈ లుక్ తెగ నచ్చేసింది. ఇదంతా పక్కన పెడితే ఈ సినిమాని వచ్చే ఏడాది సంక్రాంతి కానుకగా విడుదల చేయడానికి సన్నాహాలు చేస్తున్నారట మేకర్స్. పవన్ కళ్యాణ్ కి ఇది మూడవ సంక్రాంతి సినిమా. అయితే పవన్ కళ్యాణ్ కి సంక్రాంతి ఇప్పటి వరకు పెద్దగా కలిసిరాలేదు. గతం లో ఆయన ప్రత్యేక పాత్రలో కనిపించిన ‘గోపాల గోపాల’ చిత్రం సంక్రాంతి కానుకగా విడుదలై, కమర్షియల్ గా యావరేజ్ రేంజ్ లో నిల్చింది. ఇక ఆ తర్వాత మళ్లీ ఆయన సంక్రాంతికి ‘అజ్ఞాతవాసి’ చిత్రం తో వచ్చాడు. భారీ అంచనాల నడుమ విడుదలైన ఈ చిత్రం కమర్షియల్ గా ఎంత పెద్ద డిజాస్టర్ గా నిల్చిందో అందరికీ తెలిసిందే.
ఈ ట్రాక్ రికార్డు చూసి, పవన్ కళ్యాణ్ కి సంక్రాంతి సెంటిమెంట్ అసలు కలిసి రావడం లేదు,అలాంటి సంక్రాంతికి రావడం ఎందుకు?, ఇప్పటికే వచ్చే సంక్రాంతికి వెంకటేష్, అనిల్ రావిపూడి సినిమా రాబోతుంది. ఇక ఆ తర్వాత మెగాస్టార్ చిరంజీవి, బాబీ కాంబినేషన్ లో తెరకెక్కే సినిమాకు కూడా సంక్రాంతి నే టార్గెట్. బాలయ్య , గోపీచంద్ మలినేని కాంబినేషన్ చిత్రం, అదే విధంగా నాగార్జున 100 వ సినిమా కూడా సంక్రాంతి నే టార్గెట్ చేశాయి. పవన్ కళ్యాణ్ లాంటి బిగ్గెస్ట్ సూపర్ స్టార్ సినిమా బ్రేక్ ఈవెన్ అవ్వాలంటే, ఇన్ని సినిమాలు పోటీ ఉండకూడదు. పైగా గ్యాంగ్ స్టర్ జానర్ సినిమాలకు సంక్రాంతి సీజన్ కరెక్ట్ కాదు. మరి ఈ చిత్రం ఎంత వరకు వర్కౌట్ అవుతుందో చూడాలి.
