Pawan Kalyan Fulfills Child Wish: గత కొంతకాలంగా వరంగల్ లోని హన్మకొండ లో తీవ్రమైన అనారోగ్య సమస్యలతో బాధపడుతున్న నిరంజన్ అనే 17 ఏళ్ళ కుర్రాడు , పవన్ కళ్యాణ్ ని ఒక్కసారి కలవాలని ఉందని చివరి కోరిక కోరడం , ఆ వీడియో సోషల్ మీడియా లో బాగా వైరల్ అయ్యి , పవన్ కళ్యాణ్ వరకు చేరడంతో, ఆయన వెంటనే నేడు వరంగల్ కి చేరుకొని ఆ చిన్నారికి , అతని కుటుంబానికి ఆర్ధిక సాయం అందించి , వాళ్లకు బోలెడంత ధైర్యం చెప్పి , బాలుడి వైద్యానికి అవసరమయ్యే ఖర్చులు మొత్తం తానే భరిస్తానని మాటిచ్చాడు. అంతే కాకుండా, తల్లిదండ్రులకు ఉపాధి కోసం ఒక క్యాంటీన్ ని కూడా పెట్టించాడు. అందుకు సంబంధించిన వీడియోలు ఇప్పుడు సోషల్ మీడియా లో బాగా వైరల్ అయ్యాయి. పవన్ కళ్యాణ్ చూపించిన ఈ చొరవ ని చూసి , సోషల్ మీడియా లో ఆయన అభిమానులు ఎంతో మురిసిపోతున్నారు.
ఆ చిన్నారి ‘మీతో కలిసి సినిమా చూడాలని ఉంది’ అని అడగ్గా, పవన్ కళ్యాణ్ అందుకు బదులిస్తూ ‘కచ్చితంగా నీకు కాస్త ఆరోగ్యం కుదుట పడ్డాక ఇద్దరం కలిసి ఓజీ చిత్రాన్ని చూద్దాం. నేను ఒకవేళ ఓజీ 2 తీస్తే , నువ్వే నా స్పెషల్ చీఫ్ గెస్ట్’ అంటూ చెప్పుకొచ్చాడు పవన్ కళ్యాణ్. ఇక రామ్ చరణ్ వద్ద ఉన్నటువంటి పుడుల్ జాతి కుక్క ఎంత ఫేమస్ అయ్యిందో అందరికీ తెలిసిందే. దీన్ని రామ్ చరణ్ ‘రైమ్’ అని పిలుస్తుంటాడు. వీటిలో ఒక కుక్క తనకు కావాలని నిరంజన్ అడగ్గా , అందుకు పవన్ కళ్యాణ్ సమాధానం చెప్తూ ‘రామ్ చరణ్ దగ్గర మూడు కుక్కలు ఉన్నాయి, నువ్వు ఏ కుక్క ని కోరుతున్నావో తెలియదు. సింహం లాగా ఉంటుంది అదేనా?, నేను ఇంటికి వెళ్లిన తర్వాత కచ్చితంగా నీకోసం పంపిస్తాను’ అంటూ చెప్పుకొచ్చాడు పవన్ కళ్యాణ్.
కుర్రాడితో పవన్ కళ్యాణ్ జరిపిన ఈ సంభాషణలు కేవలం అభిమానులను మాత్రమే కాదు , ఇతర హీరోల అభిమానులను , ఇతర పార్టీల కార్యకర్తలను కూడా ఆకర్షించింది. ఆ చిన్నారి ఎక్కువ కాలం బ్రతకడు , ఈ అరుదైన వ్యాధి కోటి లో ఒకరిద్దరికి మాత్రమే ఉంటుంది, దీనికి ప్రపంచం లో ఎక్కడా కూడా ట్రీట్మెంట్ లేదు. ఒకవేళ ట్రీట్మెంట్ ఉండుంటే , పవన్ కళ్యాణ్ కచ్చితంగా ఈ చిన్నారి కి మెరుగైన వైద్యం అందేలా చేసి , ప్రాణాలను కాపాడి ఉండేవాడు. కానీ ఏమి చేస్తాం చెప్పండి, విధి రాత ని ఎవ్వరూ మార్చలేరు. అయినప్పటికీ ఆ బాలుడు బ్రతికేందుకు 1 శాతం అవకాశం ఉన్నా , బ్రతకాలని మనస్ఫూర్తిగా ఆ దేవుడిని కోరుకుందాం. ఎన్ని రోజులు అతను ఈ భూమి మీద ఉంటాడో తెలియదు కానీ , ఉన్నన్ని రోజులు కచ్చితంగా నేడు పవన్ కళ్యాణ్ అతనికి ఇచ్చిన సర్ప్రైజ్ కారణంగా సంతోషంగా బ్రతుకుతాడు.
View this post on Instagram
