Allu Arjun music used by PM Modi: ప్రస్తుతం ఐకాన్ స్టార్ అల్లు అర్జున్ కి పాన్ ఇండియా లెవెల్ లో ఏ రేంజ్ క్రేజ్ ఉందో ప్రత్యేకించి చెప్పనవసరం లేదు. ట్రేడ్ వర్గాలు చెప్తున్నది ఏమిటంటే , ప్రస్తుతానికి అల్లు అర్జున్ రేంజ్ రజినీకాంత్ , బాలీవుడ్ ఖాన్స్ ని మించినది అని , నార్త్ ఇండియా లో ఆయనకు ఉన్న మార్కెట్ ఏ హీరో కి లేదని అంటున్నారు. ఎందుకంటే ‘పుష్ప 2’ తో ప్రపంచవ్యాప్తంగా అల్లు అర్జున్ సృష్టించిన సునామీ అలాంటిది మరి. ఈ సినిమా తర్వాత ఆయన తమిళ టాప్ డైరెక్టర్ అట్లీ తో ‘రాకా’ అనే చిత్రం చేస్తున్నాడు. శరవేగంగా షూటింగ్ కార్యక్రమాలను జరుపుకుంటున్న ఈ చిత్రం , వచ్చే ఏడాది సెకండ్ హాఫ్ లో ప్రేక్షకుల ముందుకు రాబోతుంది. ఈ సినిమా సంగతి పక్కన పెడితే , అల్లు అర్జున్ ప్రముఖ తమిళ స్టార్ డైరెక్టర్ లోకేష్ కనకరాజ్ తో కూడా ఒక సినిమా ఒప్పుకున్నా సంగతి తెలిసిందే.
ఈ సినిమాకు సంబంధించిన ప్రకటన ఒక స్పెషల్ కాన్సెప్ట్ వీడియో తో గ్రాండ్ గా ప్రకటించారు. ఈ చిత్రానికి అనిరుద్ మ్యూజిక్ డైరెక్టర్. ఆయన ఈ కాన్సెప్ట్ వీడియో కి ఇచ్చిన బ్యాక్ గ్రౌండ్ మ్యూజిక్ సోషల్ మీడియా లో ఎంతటి సెన్సేషన్ సృష్టించిందో ప్రత్యేకించి చెప్పనవసరం లేదు. ఇప్పటి వరకు ఈ మ్యూజిక్ పై ఇన్ స్టాగ్రామ్ లో 12 లక్షల రీల్స్ పడ్డాయి. నేడు ఈ మ్యూజిక్ ని మన భారత దేశ ప్రధాని నరేంద్ర మోడీ కూడా ఉపయోగించుకున్నాడు. విదేశీ పర్యటనలో భాగంగా బ్రటిస్లావా దేశానికీ వెళ్లిన ప్రధాని ని , ఆ దేశ ప్రెసిడెంట్ పీటర్ పెల్లెగ్రినీ ‘ది ఆర్డర్ ఆఫ్ ది వియ డబల్ క్రాస్’ అనే సత్కారం తో సన్మానించారు. అందుకు సంబంధించిన ఫోటోలకు , #AA23 మ్యూజిక్ ని అటాచ్ చేశారు.
దీంతో ఇప్పుడు ఇది సోషల్ మీడియా లో పెద్ద చర్చ అయ్యింది. అల్లు అర్జున్ మ్యూజిక్ ని ఏకంగా ప్రధాన మంత్రి నరేంద్ర మోడీ ఉపయోగించాడంటే , మా హీరో పాన్ ఇండియా రీచ్ ఏ రేంజ్ లో ఉందో అర్థం చేసుకోవచ్చు అంటూ సోషల్ మీడియా లో అల్లు అర్జున్ ఫ్యాన్స్ కాలర్ ఎగరేస్తూ కామెంట్స్ చేస్తున్నారు. కేవలం ప్రకటన కు సంబంధించిన వీడియో నే ఈ రేంజ్ సెన్సేషన్ క్రియేట్ చేస్తే , రాబోయే రోజుల్లో ఈ కాంబినేషన్ లో రాబోయే సినిమాకు సంబంధించిన టీజర్స్, ట్రైలర్స్, పాటలు వచ్చినప్పుడు ఏ రేంజ్ మేనియా ఉంటుందో మీరే ఊహించుకోండి అంటూ సోషల్ మీడియా లో అల్లు అర్జున్ ఫ్యాన్స్ కామెంట్స్ చేస్తున్నారు.
View this post on Instagram
