Mrityunjay Movie Box Office Collection: శ్రీ విష్ణు(Sree Vishnu) హీరో గా నటించిన లేటెస్ట్ చిత్రం ‘మృత్యుంజయ్'(Mrityunjay Movie) ఎలాంటి అంచనాలు లేకుండా విడుదలై మంచి రివ్యూస్ ని తెచ్చుకొని డీసెంట్ ఓపెనింగ్స్ ని సాధించింది. అసలు ఈ సినిమా రిలీజ్ అయ్యిందో లేదో కూడా తెలియదు, కనీస స్థాయి వసూళ్లు కూడా రావని అంతా అనుకున్నారు. కానీ శ్రీ విష్ణు కి యూత్ ఆడియన్స్ లో ఉన్న బ్రాండ్ ఇమేజ్ కారణంగా ఈ సినిమాకు మంచి వసూళ్లు నమోదు అవుతున్నాయి. బుక్ మై షో యాప్ లో మొదటి రోజు ఈ చిత్రానికి 15 వేల టిక్కెట్లు అమ్ముడుపోగా, రెండవ రోజు ఏకంగా 25 వేల టిక్కెట్లు అమ్ముడుపోయాయి. ఈ స్థాయి గ్రోత్ ఈ సినిమాకు ఉంటుందని బహుశా నిర్మాతలు కూడా ఊహించి ఉండరు. మొదటి రోజు ప్రపంచవ్యాప్తంగా కోటి 30 లక్షల రూపాయిల షేర్ వసూళ్లను రాబట్టిన ఈ సినిమాకు , రెండవ రోజు ఎంత వచ్చిందో ఒకసారి చూద్దాం.
ట్రేడ్ విశ్లేషకులు అందిస్తున్న లెక్కల ప్రకారం ఈ సినిమాకు రెండవ రోజున తెలుగు రాష్ట్రాల నుండి కోటి రూపాయలకు పైగా షేర్ వసూళ్లు వచ్చాయట. కర్ణాటక + ఓవర్సీస్ + రెస్ట్ ఆఫ్ ఇండియా కలిపి మరో 40 లక్షల షేర్. మొత్తం మీద ఈ చిత్రానికి ప్రపంచవ్యాప్తంగా కోటి 40 లక్షల రూపాయలకు పైగా షేర్ వసూళ్లు వచ్చాయని తెలుస్తోంది. ఓవరాల్ గా రెండు రోజులకు కలిపి ఈ చిత్రానికి ప్రపంచవ్యాప్తంగా 2 కోట్ల 70 లక్షల రూపాయిల షేర్ వసూళ్లు వచ్చాయి. ఈరోజు కచ్చితంగా రెండవ రోజు కంటే ఎక్కువ వసూళ్లు నమోదు అవ్వొచ్చు. విడుదలకు ముందు ఈ సినిమాకు జరిగిన ప్రీ రిలీజ్ థియేట్రికల్ బిజినెస్ 6 కోట్ల 50 లక్షల రూపాయిలు . మూడు రోజులకు కలిపి ఈ చిత్రం 4 కోట్ల రూపాయలకు పైగా షేర్ వసూళ్లను రాబట్టే అవకాశం ఉంది.
కాబట్టి కచ్చితంగా ఈ చిత్రం లాంగ్ రన్ లో బ్రేక్ ఈవెన్ మార్కుని దాటుతుందని అంటున్నారు ట్రేడ్ విశ్లేషకులు. వారం రోజుల క్రితమే శ్రీ విష్ణు హీరోగా నటించిన ‘విష్ణు విన్యాసం’ చిత్రం భారీ అంచనాల నడుమ విడుదలై , డివైడ్ టాక్ తెచ్చుకొని కూడా బాక్స్ ఆఫీస్ వద్ద డీసెంట్ థియేట్రికల్ రన్ ని సొంతం చేసుకుంది. దాదాపుగా బ్రేక్ ఈవెన్ మార్కుకి ఈ చిత్రం దగ్గరగా వచ్చింది. ఇప్పుడు ‘మృత్యుంజయ్ ‘ చిత్రం ఎలాంటి అంచనాలు లేకుండా విడుదలై మంచి టాక్ తెచ్చుకొని ఇది కూడా బ్రేక్ ఈవెన్ వైపు అడుగులు వేస్తోంది. చూస్తుంటే శ్రీవిష్ణు టైం ప్రస్తుతం మామూలు రేంజ్ లో నడవడం లేదు.
