Godse Movie: యంగ్ హీరో సత్యదేవ్ హీరోగా వస్తున్న సినిమా గాడ్సే. జ్యోతిలక్ష్మి సినిమాతో హీరోగా తెలుగు తెరకు పరిచయం అయ్యారు ఈ టాలెంటెడ్ యంగ్ హీరో. ఆ సినిమాలో తన నటనకు మంచి మార్కులు పడిన ప్రేక్షకుల్లో హీరోగా అంత గుర్తింపు పొందలేదు. వైవిధ్యమైన కథలతో, విలక్షణమైన పాత్రలు మెప్పించి అభిమానులను సొంతం చేసుకున్నారు. ఇటీవల విడుదలైన ఉమామహేశ్వర ఉగ్రరూపస్య , తిమ్మరుసుతో చిత్రంతో హిట్ అందుకోని విజయ బాటలో దూసుకెళ్తున్నారు సత్యదేవ్. కాగా తాజాగా ఈ సినిమా టీజర్ ని విడుదల చేయడానికి చిత్ర బృందం సిద్ధం అవుతుంది.
ఈ మేరకు ఈరోజు మధ్యాహ్నం 12:01 గంటలకు మెగా స్టార్ చిరంజీవి చేతుల మీదుగా టీజర్ ను విడుదల చేయనున్నట్లు అధికారికంగా ప్రకటించారు. దానికి సంబంధించిన పోస్టర్ ను కూడా చిత్ర యూనిట్ విడుదల చేసింది. కాగ గాడ్సే సినిమాను గోపి గణేశ్ దర్శకత్వంలో తెరకెక్కుతుంది. అలాగే సీకే స్క్రీన్స్ బ్యానర్ పై సీ కళ్యాణ్ ఈ సినిమా ను నిర్మిస్తున్నారు. ఈ సినిమాలో మలయాళ నటి ఐశ్వర్య లక్ష్మి మొదటి సారి తెలుగు లో హీరోయిన్ గా నటిస్తుంది. అలాగే నాసర్, సాయాజీ షిండే, కిషోర్, బ్రహ్మజీ కీలక పాత్రలలో నటిస్తున్నారు. కాగ ఈ సినిమా షూటింగ్ ఈ ఏడాది ఫిబ్రవరిలోనే ప్రారంభం అయింది. కానీ కరోనా వైరస్ కారణంగా ఇప్పటి వరకు ఆలస్యం అవుతూ వచ్చింది. కాగ ఈ సినిమాను త్వరలోనే విడుదల చేయాలని చిత్ర బృందం ప్లాన్ చేస్తుంది. అలానే బాలీవుడ్ స్టార్ హీరో అక్షయ్ కుమార్, జాక్వెలైన్ ఫెర్నాండెజ్ జంటగా అభిషేక్ శర్మ దర్శకత్వంలో రూపొందుతున్న ‘రామ్ సేతు’ చిత్రంలో సత్యదేవ్ కీలక పాత్ర పోషిస్తున్నారు
