Karuppu 10 Days Collections: సౌత్ లో బిగ్గెస్ట్ సూపర్ స్టార్స్ లో ఒకరు సూర్య. అయితే గత 13 ఏళ్లుగా ఈయనకు సరైన సూపర్ హిట్ లేకపోవడం , ఓపెనింగ్ వసూళ్లు రాకపోవడం వల్ల, సూర్య పని ఇక అయిపోయింది , ఆయన సినిమాలను ఎవ్వరూ చూడరు అని ట్రేడ్ విశ్లేషకులు ఎన్నో వ్యాఖ్యలు చేసేవారు. కానీ రీసెంట్ గా విడుదలైన ‘కరుప్పు’ చిత్రం బాక్స్ ఆఫీస్ వద్ద సృష్టిస్తున్న సునామీ ని చూసి, సూర్య రేంజ్ ఇదా అని అందరూ షాక్ కి గురయ్యారు. విడుదలై 10 రోజులు అయ్యింది , ఈ పది రోజుల్లో ఈ చిత్రం తమిళనాడు లో సీఎం విజయ్ , సూపర్ స్టార్ రజినీకాంత్ సాధించిన రికార్డ్స్ ని కూడా అనేక ప్రాంతాల్లో బద్దలు కొట్టి సెన్సేషన్ క్రియేట్ చేసింది. 10 రోజుల్లో ఈ చిత్రం ప్రాంతాల వారీగా రాబట్టిన వసూళ్లను ఒకసారి చూద్దాం.
ముఖ్యంగా తెలుగు రాష్ట్రాల గురించి ప్రత్యేకించి చెప్పుకోవాలి. మన తెలుగు రాష్ట్రాల్లో సూర్య కి ఒకప్పుడు ఇక్కడి స్టార్ హీరోలతో సమానమైన మార్కెట్ , క్రేజ్ ఉండేది. కానీ వరుస ఫ్లాప్స్ కారణంగా ఇక ఆయన కం బ్యాక్ ఇవ్వడం కష్టమని మన ఆడియన్సు కూడా ఫిక్స్ అయిపోయారు. కానీ ఈ ‘కరుప్పు’ చిత్రాన్ని అన్నపూర్ణ స్టూడియోస్ సంస్థ ‘వీరభద్రుడు’ అనే పేరుతో విడుదల చేసింది. కేవలం 7 కోట్ల రూపాయలకు థియేట్రికల్ రైట్స్ ని కొనుగోలు చేయగా, బాక్స్ ఆఫీస్ వద్ద 10 రోజుల్లో 13 కోట్ల రూపాయిలు వచ్చాయి. గ్రాస్ వసూళ్లు దాదాపుగా 26 కోట్ల రూపాయిలు వచ్చాయి. ఓవరాల్ గా అప్పుడే 5 కోట్ల రూపాయిలకు పైగా లాభాలు వచ్చాయి. ఇది సాధారమైన విషయం కాదు. అదే విధంగా ఇతర రాష్ట్రాల నుండి వచ్చిన గ్రాస్ వసూళ్ల లెక్కలు కూడా ఒకసారి చూద్దాం.
తమిళనాడు ప్రాంతం నుండి ఈ చిత్రానికి 10 రోజుల్లో 115 కోట్ల రూపాయిల గ్రాస్ వసూళ్లు వచ్చాయి. సూర్య కి సొంత రాష్ట్రం నుండి ఇదే మొట్టమొదటి 100 కోట్ల గ్రాస్ సినిమా అనుకోవచ్చు. అదే విధంగా కర్ణాటక రాష్ట్రము నుండి 18 కోట్ల రూపాయలకు పైగా గ్రాస్ వసూళ్లు రాగా, కేరళ నుండి 11 కోట్ల రూపాయిలు, హిందీ + రెస్ట్ ఆఫ్ ఇండియా నుండి 3 కోట్ల రూపాయిలు , ఓవర్సీస్ నుండి 65 కోట్ల రూపాయిల గ్రాస్ వసూళ్లు వచ్చాయి. ఓవరాల్ గా ఈ చిత్రానికి విడుదలకు ముందు 71 కోట్ల రూపాయిల ప్రీ రిలీజ్ జరగ్గా, 238 కోట్ల రూపాయిల గ్రాస్ వసూళ్లు , 114 కోట్ల రూపాయిల షార్ట్ వసూళ్లు వచ్చాయి. అంటే బయ్యర్స్ కి ఇప్పటి వరకు 42 కోట్ల రూపాయిల లాభాలు వచ్చాయి అన్నమాట.
