Jr NTR Tweet Viral: ఈమధ్య కాలం లో సోషల్ మీడియా లో సినీ సెలబ్రిటీలపై పడుతున్న ట్రోల్స్ హద్దు మీరుతున్నాయి. ఒకప్పుడు స్టార్ హీరోలకు సంబంధించిన అభిమానులు తమ హీరోల కోసం బండ బూతులు తిట్టుకునే వారు. కానీ AI వచ్చిన తర్వాత ఈ ట్రోల్స్ తారా స్థాయికి చేరుకున్నాయి. హీరోలకు సంబంధించిన ఫోటోలను ఉపయోగించి , ఇష్టమొచ్చిన విధంగా మార్ఫింగ్ చేస్తున్నారు. ఆ AI జనరేటెడ్ ఫోటోలను చూస్తే నిజమైన ఫోటో ఎదో, ఫేక్ ఫోటో ఎదో కనిపెట్టడానికి చాలా కష్టం గా ఉండేది. ఆ రేంజ్ లో మార్ఫింగ్ చేస్తుండడం తో ఇక సినీ తారలు తమ వ్యక్తిగత సమాచారాన్ని భద్రతా కల్పించాలంటూ హై కోర్టు మెట్లు ఎక్కారు. ముందుగా ఐశ్వర్య రాయి బచ్చన్ తో ఇది మొదలైంది. ఆ తర్వాత ఆమె భర్త అభిషేక్ బచ్చన్ కూడా ఈ అంశంపై హై కోర్టుని ఆశ్రయించారు.
వీళ్ళని చూసి అక్కినేని నాగార్జున, హృతిక్ రోషన్, మెగాస్టార్ చిరంజీవి వంటి వారు కూడా హై కోర్టు ని ఆశ్రయించి తమ వ్యక్తిగత సమాచారం విషయం లో భద్రతని పొందారు. ఇక రీసెంట్ గానే జూనియర్ ఎన్టీఆర్(Junior NTR), డిప్యూటీ సీఎం పవన్ కళ్యాణ్(Deputy CM Pawan Kalyan) లు కూడా ఈ విషయమై ఢిల్లీ హై కోర్టు ని ఆశ్రయించారు. పవన్ కళ్యాణ్ కి భధ్రత మంజూరు చేసారో లేదో తెలియదు కానీ, ఎన్టీఆర్ కి మాత్రం నిన్ననే తన వ్యక్తిగత సమాచారానికి హై కోర్టు భధ్రత కల్పించింది. ఈ సందర్భంగా ఎన్టీఆర్ హై కోర్టు కి , హై కోర్ట్ జడ్జి కి, తన న్యాయవాదులకు కృతఙ్ఞతలు తెలియజేస్తూ ఒక ట్వీట్ వేసాడు. ఇది ఇప్పుడు సోషల్ మీడియాలో బాగా వైరల్ అయ్యింది.
ఎన్టీఆర్ మాట్లాడుతూ ‘సోషల్ మీడియా నుండి నా వ్యక్తిగత సమాచారానికి భధ్రత కలిగించినందుకు ఢిల్లీ హై కోర్టు కి ధన్యవాదాలు తెలియచేస్తున్నాను. ఈ సందర్భంగా నా కోసం పని చేసిన సుప్రీమ్ కోర్టు అడ్వొకేట్స్ డాక్టర్ బాలజానకి శ్రీనివాసన్, డాక్టర్ అల్కా డకార్,అదే విధంగా మిస్టర్ రాజేందర్ మరియు రైట్స్ & మార్క్స్ టీం కి ధన్యవాదాలు తెలియచేస్తున్నాను’ అంటూ చెప్పుకొచ్చాడు. ఇక ఎన్టీఆర్ సినిమాల విషయానికి వస్తే ఈ ఏడాది ‘వార్ 2’ చిత్రం తో మన ముందుకొచ్చిన ఆయన, ప్రస్తుతం ప్రశాంత్ నీల్ దర్శకత్వం లో ‘డ్రాగన్’ చిత్రం చేస్తున్నాడు. రెండు మూడు షెడ్యూల్స్ ని పూర్తి చేసుకున్న ఈ చిత్రం ప్రస్తుతానికి విరామం స్టేజి లో ఉంది. త్వరలోనే ఈ సినిమాకు సంబంధించిన భారీ షెడ్యూల్ మొదలు కానుంది.
I thank the Hon’ble Delhi High Court for granting a protective order that safeguards my personality rights in today’s digital age.
My sincere appreciation to Supreme Court Advocates Dr. Balajanaki Srinivasan and Dr. Alka Dakar, along with Mr. Rajender and team of Rights & Marks,…
— Jr NTR (@tarak9999) December 29, 2025
