ఈటీవీలో వచ్చే ‘జబర్దస్త్’ ప్రోగ్రామ్ కు ఎంతో మంది అభిమానులు ఉన్నారు. ఇక ముఖ్యంగా హైపర్ ఆది టీమ్ కు అయితే విపరీతమైన ఫాలోయింగ్ ఉంది. యూట్యూబ్ లో ఎక్కువ వ్యూస్ సంపాదించే వారిలో హైపర్ ఆది ముందు వరుసలో ఉంటారు. ఇప్పుడు హైపర్ ఆది టీమ్ కు చెందిన ఇద్దరు “జబర్దస్త్” ఆర్టిస్ట్ లు దొరబాబు, పరదేశిలు ఒక వ్యభిచార గృహంలో పట్టుబడ్డారు.
విశాఖపట్నం మాధవధారలోని ఓ ఇంట్లో వ్యభిచారం జరుగుతుందన్న పక్కా సమాచారంతో పోలీసులు దాడులు నిర్వహించగా ఈ దాడుల్లో దొరబాబు, పరదేశి పట్టుబడ్డారు. వీరితో పాటు మరొక ఏడుగురిని కూడా అదుపులోకి తీసుకున్న పోలీసులు ఎయిర్పోర్ట్ పోలీస్ స్టేషన్ కు తరలించి విచారణ చేపట్టినట్లు తెలుస్తుంది.
