Tina Ambani: ఓడలు బండ్లవుతుంటాయి. బండ్లు ఓడలవుతుంటాయి. ఈ సామెతకు ఎవరూ అతీతం కాదు. కాకపోతే ఈ నటి జీవితంలో అది అత్యంత నాటకీయంగా జరిగింది. దీనిని కనుక ఒక కథగా మలిచి సినిమాగా రూపొందిస్తే సూపర్ హిట్ అవడం ఖాయం. ఇంతకు ఎవరు ఆ నటి? ఏమిటి ఆమె దివాళా కథ. ఏంటో మీరూ చదివేయండి..
అది 90 ల కాలం. ఆ బాలీవుడ్ నటి కోసం రిషికపూర్ నుంచి మొదలు పెడితే సంజయ్ దత్ వరకు కొట్టుకుంటున్నారు. ఆమె తమ సినిమాలో నటిస్తే చాలు సూపర్ హిట్ అవుతుందనే భావనే ఇందుకు కారణం. పైగా మంచి వయసులో ఉండటంతో ఆమె నటనకు, డ్యాన్సులకు ప్రేక్షక లోకం ఊగిపోయేది.. దేశ్ పరదేశ్ అనే సినిమా ద్వారా రంగ ప్రవేశం చేసిన ఆమె బాలీవుడ్ లో గోల్డెన్ లెగ్ లాగా మారింది. రిషి కపూర్,రాజేష్ ఖన్నా,అమల్ పారేఖ్ దిగ్గజ నటులతో ఆడి పాడింది. వరుస విజయాలతో తిరుగులేని స్టార్ డం అనుభవించింది. తర్వాత వరుస పరజయాలతో ఇబ్బంది పడింది.
హీరోలు కొట్టుకున్నారు
వరుసగా ప్లాపులు ఉన్నప్పటికీ 1987లో ఆమె రెండు సినిమాలు చేసింది. 1991లో జిగర్వాలా చిత్రంలో చివరిసారిగా కనిపించింది. అయితే సదరు నటి చాలామందితో ప్రేమాయణం నడిపిందని పుకార్లు వినిపించేవి. చివరికి రిషి కపూర్ తో కూడా ఎఫైర్ ఉందని అప్పట్లో గుసగుసలు వినిపించేవి. అయితే అదంతా అబద్ధమని రిషి కపూర్ తన ఆత్మ కథలో వెల్లడించారు. అయితే ఇది నిజం అనుకోని సంజయ్ దత్ గొడవపడేందుకు తన ఇంటికి వచ్చాడని ఆయన అందులో రాసుకొచ్చారు. అంటే దీనిని బట్టి అర్థం చేసుకోవచ్చు ఆమెకు ఎంత క్రేజ్ ఉందో.
1991 ఫిబ్రవరి 2న ఆమె ఒక వ్యాపారవేత్తను పెళ్లి చేసుకుంది. తర్వాత సినిమాలకు విరామం ప్రకటించింది. ఒకానొక దశలో ఆమె వ్యక్తిగత ఆస్తుల విలువ పదివేల కోట్లకు చేరింది. తర్వాత తరచూ వివాదాలలో తల దూర్చడం వల్ల ఆమె సంపద, ఆమె భర్త సంపద కరిగిపోవడం ప్రారంభమైంది. ఇలా ఆమె ఆస్తులు ప్రస్తుతం 2000 కోట్లకు పడిపోయాయి. ఇంతకీ ఆమె ఎవరో కాదు అనిల్ అంబానీ భార్య టీనా అంబానీ. అంబానీ పెళ్లి చేసుకోక ముందు ఆమె బాలీవుడ్లో నటిగా ఒక వెలుగు వెలిగింది. అప్పట్లో చాలామందికి పోటీ ఇచ్చింది. ఆమె నటించిన సినిమాలు సూపర్ హిట్ కావడంతో పెద్దపెద్ద హీరోలకు మంచి ఆప్షన్ గా ఉండేది. తర్వాత వరుసగా పరాజయాలు ఎదురు కావడంతో సినిమాలకు క్రమంగా దూరమైంది. అనిల్ అంబానేని పెళ్లి చేసుకున్న తర్వాత బిలియనీర్ గా ఎదిగింది. తర్వాత క్రమంగా పడిపోయింది.
