IMDB Releases Top 10 Indian Films: అంతర్జాతీయ ప్రఖ్యాత సమీక్ష సంస్థ ఐఎమ్డీబీ ( IMDb) 2022కి గానూ భారతదేశంలో అత్యంత ప్రజాదరణ పొందిన టాప్-10 చిత్రాల జాబితాను రిలీజ్ చేసింది. ఇందులో ‘విక్రమ్'(తమిళం) అగ్రస్థానంలో నిలిచింది. అయితే తొలి పది స్థానాల్లో ఒక్క ‘ఆర్ఆర్ఆర్’ తప్ప, మరో తెలుగు సినిమా లేకపోవడం ఆలోచించాల్సిన విషయం. ఇంతకీ అత్యంత ప్రజాదరణ పొందిన ఈ టాప్-10 చిత్రాల లిస్ట్ చూద్దాం రండి.
1. విక్రమ్ సినిమా :
‘విక్రమ్’ సినిమాకు ఐఎమ్డీబీ ( IMDb) 8.6 రేటింగ్ ఇచ్చింది. యూనివర్సల్ హీరో కమల్ హాసన్ హీరోగా వచ్చిన ఈ సినిమాలో విజయ్ సేతుపతి, ఫహాద్ ఫాజిల్ కూడా ప్రధాన పాత్రలు పోషించారు. ముఖ్యంగా హీరో సూర్య విలన్ గా కనిపించడం ఈ సినిమాకు బాగా కలిసి వచ్చింది. కమల్ కెరీర్ లోనే భారీ కలెక్షన్ల చిత్రంగా ఈ చిత్రం రికార్డులకెక్కింది.
Also Read: Heroine Anjali: ఐటమ్ సాంగ్ చేసిందని తప్పించారట.. పాపం అంజలి
2. ‘కేజీఎఫ్ 2’ :
‘KGF: చాప్టర్ 2’ సినిమాకు ఐఎమ్డీబీ ( IMDb) 8.5 రేటింగ్ ఇచ్చింది. కన్నడ రాకింగ్ స్టార్ యశ్ హీరోగా వచ్చిన ఈ చిత్రం, యావత్తు మాస్ ప్రేక్షక లోకాన్ని చాలా బాగా ఆకట్టుకుంది. అత్యధిక వసూళ్లు రాబట్టి, విమర్శకుల నుంచి ప్రశంసలు పొందింది. వెయ్యి కోట్ల క్లబ్లో కూడా చేరింది. ఇప్పుడు అత్యంత ప్రజాదరణ పొందిన చిత్రాల్లో రెండో స్థానాన్ని కైవసం చేసుకుంది.
3. ‘ది కాశ్మీర్ ఫైల్స్’ :
‘ది కాశ్మీర్ ఫైల్స్’ సినిమాకు ఐఎమ్డీబీ ( IMDb) 8.3 రేటింగ్ ఇచ్చింది. ఈ సినిమాకి మూడో స్థానం లభించింది. ‘ది కశ్మీర్ ఫైల్స్’.. చిన్న సినిమాగా విడుదలైన సంచలనం సృష్టించింది. బాలీవుడ్ దర్శకుడు వివేక్ అగ్నిహోత్రి తెరకెక్కించిన సరికొత్త రికార్డులు క్రియేట్ చేసింది. డైరెక్టర్ వివేక్ అగ్నిహోత్రి ఈ సినిమాతో పేలుడు పదార్థాలు కంటే ఎక్కువగా ఫైర్ అయ్యాడు. ఆ రేంజ్ లో ఈ సినిమాని తీశాడు.
4. ‘హృదయం’ (మలయాళం) :
హృదయం 2022లో విడుదలైన మలయాళం సినిమా. విశాఖ్ సుబ్రమణియం నిర్మించిన ఈ సినిమాకు వినీత్ శ్రీనివాసన్ దర్శకత్వం వహించాడు. ప్రణవ్ మోహన్ లాల్, కల్యాణీ ప్రియదర్శన్, దర్శన రాజేంద్రన్ ప్రధాన పాత్రల్లో నటించారు. ఈ సినిమా అఖండ విజయం సాధించింది. అందుకే, ఈ లిస్ట్ లో నాలుగో ప్లేస్ లో ఉంది. ఐఎమ్డీబీ ఈ చిత్రానికి 8.1 రేటింగ్ ఇచ్చింది.
5. ‘ఆర్ఆర్ఆర్’ :
‘ఆర్ఆర్ఆర్’ 5వ స్థానంలో నిలవడం కొంత ఆశ్చర్యకరమే. ఈ సినిమా ఇంకా ముందు స్థానాల్లో రావాల్సింది. కానీ ఈ సినిమాకు ఐఎమ్డీబీ ( IMDb) 8.0 రేటింగ్ ఇచ్చింది. నేషనల్ విజువల్ డైరెక్టర్ రాజమౌళి డైరెక్షన్ లో ‘ఎన్టీఆర్ – రామ్ చరణ్’ హీరోలుగా వచ్చిన క్రేజీ భారీ మల్టీస్టారర్ భారీ విజయాన్ని సాధించింది.
6. ఏ థర్స్ డే :
ఏ థర్స్ డే హిందీలో విడుదలైన థ్రిల్లర్ సినిమా. ఆర్.ఎస్.వి.పి మూవీస్ బ్యానర్పై నిర్మించిన ఈ సినిమాలో యామీ గౌతమ్, అతుల్ కులకర్ణి, నేహా ధూపియా, డింపుల్ కపాడియా, కరణ్ వీర్ శర్మ నటించారు. డిస్నీ+ హాట్స్టార్లో ఫిబ్రవరి 17 2022న స్ట్రీమింగ్ అయ్యింది. ఐఎమ్డీబీ ఈ చిత్రానికి 7.8 రేటింగ్ ఇచ్చింది.
7. ఝుండ్ :
ఝుండ్ 2022లో హిందీలో విడుదలైన స్పోర్ట్స్ డ్రామా సినిమా. ఈ సినిమాకు నాగరాజ్ మంజులే దర్శకత్వం వహించాడు. సినిమా సూపర్ హిట్ అయ్యింది. భూషణ్ కుమార్, కిషన్ కుమార్, రాజ్ హిరేమత్, సవితా రాజ్ హిరేమత్, నాగ్ రాజ్ మంజుల, గార్గీ కులకర్ణి, మీనూ అరోరా లాంటి సినీ ప్రముఖులు అందరూ కలిసి ఈ చిత్రాన్ని నిర్మించారు. ఐఎమ్డీబీ ఈ చిత్రానికి 7.84 రేటింగ్ ఇచ్చింది.
8. ‘రన్వే 34’ :
‘రన్ వే 34’ అనే సినిమా కూడా హిందీ సినిమానే. హీరో అజయ్ దేవ్గణ్ నిర్మించి, దర్శకత్వం వహించిన చిత్రం ఇది. ఈ సినిమాకు మొదట ‘మేడే’ గా ప్రకటించి అనంతరం ‘రన్వే 34’గా పేరు మార్చారు. ఈ చిత్రానికి ఐఎమ్డీబీ 7.1 రేటింగ్ ఇచ్చింది. దాంతో ఈ సినిమా 8 ప్లేస్ లో నిలిచింది.
9. ‘గంగూభాయ్ కతియావాడీ’
‘సంజయ్లీలా భన్సాలీ’ సినిమా అంటేనే… భారీ తనంతో మిళితమైన ఓ వైవిధ్యభరితం. అలాంటి గ్రేట్ విజువల్ డైరెక్టర్ దర్శకత్వంలో ‘గంగూభాయ్ కతియావాడీ’గా కనిపించి అలరించింది అలియా భట్. ఈ సినిమాకు ఐఎమ్డీబీ ( IMDb) 7.0 రేటింగ్ ఇచ్చింది
10.’సామ్రాట్ పృథ్వీరాజ్’ :
సామ్రాట్ పృథ్వీరాజ్ కూడా హిందీ సినిమానే. ఢిల్లీని పరిపాలించిన చక్రవర్తి పృథ్వీరాజ్ చౌహాన్ జీవిత చరిత్ర ఆధారంగా ఆదిత్య చోప్రా నిర్మించిన ఈ సినిమాకు చంద్రప్రకాష్ ద్వివేది దర్శకత్వం వహించాడు. ఈ సినిమాకు ఐఎమ్డీబీ ( IMDb) 7.0 రేటింగ్ ఇచ్చింది. ఈ ఏడాది అత్యంత ప్రజాదరణ పొందిన భారతీయ చిత్రాలు ఇవే.
Also Read:Mokshagna: ‘పవన్ కళ్యాణ్’ డైరెక్టర్ తో మోక్షజ్ఞ సినిమా.. బాలయ్య గ్రీన్ సిగ్నల్
