Neha Shetty- NTR: ఎన్టీఆర్ కు మ‌ర‌ద‌లిగా ‘డీజే టిల్లు’ హీరోయిన్.. ఇక రచ్చ రచ్చే

Neha Shetty- NTR: టాలీవుడ్ లో ప్రస్తుతం కుర్ర భామల జోరు యమా స్పీడ్ గా ఉంది. చిన్న సినిమాలతోనే యంగ్ హీరోయిన్లు చేస్తున్న సంద‌డి మామూలుగా ఉండ‌డం లేదు. ప్రస్తుతానికి కృతిశెట్టి, శ్రీ‌లీల వంటి బ్యూటీలు ఫుల్ ఫామ్‌లో దూసుకుపోతున్నారు. ఇప్పుడు వీరి సరసన మరో భామ పేరు కూడా ప్రముఖంగా వినిపిస్తోంది. డీజే టిల్లు సినిమాతో నేహా శెట్టి ఒక్కసారిగా ఇండస్ట్రీని ఆకట్టుకుంది. అమాయకమైన మొహంతో ఫుల్ హాట్ హాట్ కనిపిస్తూ మొత్తానికి నేహా శెట్టి షేక్ చేసింది.

అందుకే, నేహా శెట్టి ప్రస్తుతం అర‌డ‌జ‌ను సినిమాలతో బిజీగా మారింది. నేహా శెట్టికు ఆఫ‌ర్లు మామూలుగా రావ‌డం లేదు. ఏకంగా రవితేజ సినిమాలోనే న‌టించే చాన్స్ కొట్టేసింది. రవితేజ కొత్త సినిమాలో ఈ అమ్మడు హీరోయిన్ గా సెలెక్ట్ అయ్యింది. అలాగే, హిందీలో కూడా ఓ సినిమా చేస్తోంది. అమితాబ్ ప్రధాన పాత్రగా వస్తున్న చిత్రంలో అమితాబ్ కుమార్తెగా నేహా శెట్టి క‌నిపించనుంద‌ని స‌మాచారం.

Also Read: MP Arvind- CM KCR కేసీఆర్ కు భయపడిపోతున్న ఎంపీ అరవింద్.. సంచలన నిర్ణయం

నిజానికి నేహా శెట్టి హిందీ సినిమాల‌తో ఎంట్రీ ఇచ్చినా, ఆమెకు గుర్తింపు వ‌చ్చింది మాత్రం తెలుగు సినిమాతోనే. ఈ క్ర‌మంలోనే తెలుగులో ఆమెకు ఆఫ‌ర్లు వ‌రుస‌గా వ‌స్తున్నాయి. నేహా శెట్టి లిస్ట్ లో నితిన్ సినిమా కూడా ఉంది. నితిన్ కొత్త సినిమాలోనూ న‌టించే చాన్స్‌నూ ద‌క్కించుకుంది నేహా శెట్టి. దీంతోపాటు ఇంకో కొత్త మూవీలో కూడా న‌టించ‌నుంద‌ని తెలుస్తోంది.

అయితే, తాజాగా మ‌ళ్లీ నేహా శెట్టి ఇంకో బిగ్ మూవీలో న‌టించే చాన్స్ కొట్టేసింద‌ని అంటున్నారు. ఎన్టీఆర్ మూవీలో నేహా శెట్టి న‌టించ‌నుంద‌ని స‌మాచారం. ఎన్టీఆర్, కొరటాల సినిమాలో ఇప్ప‌టికే సాయి పల్లవిని హీరోయిన్ గా ఎంపిక చేశారు. అయితే ఆమె చెల్లెలి పాత్ర‌లో.. అంటే ఎన్టీఆర్ కు మ‌ర‌ద‌లి పాత్ర‌లో నేహా శెట్టి న‌టించ‌నుంద‌ట‌. ఈ విష‌యం ఇంకా అధికారికంగా క‌న్‌ఫామ్ కాలేదు.

కానీ ఈ వార్త పై త్వ‌ర‌లోనే ప్ర‌క‌ట‌న‌ను విడుద‌ల చేస్తార‌ని సమాచారం. ఇక ఎన్టీఆర్, కొరటాల కాంబో మూవీ ఆగ‌స్టులో ప్రారంభం కానుంది. అలాగే, సూర్యదేవ‌ర నాగ‌వంశీ నిర్మాణంలో రాబోతున్న డీజే టిల్లు 2 లో కూడా నేహా శెట్టి హీరోయిన్ గా నటిస్తోంది. ఈ సినిమాకు విమ‌ల్ కృష్ణ ద‌ర్శ‌క‌త్వం వ‌హిస్తున్నాడు. సిద్ధు జొన్న‌ల‌గ‌డ్డ‌ హీరోగా ఈ చిత్రం రానుంది.

Also Read:Janasena Chief Pawan Kalyan: జనసేన’పై పెరుగుతున్న ఇంట్రెస్ట్..: అసంతృప్తి నాయకులంతా పవన్ వైపు..?