Mahesh Babu: సూపర్స్టార్ మహేశ్ బాబు- త్రివిక్రమ్ కాంబోలో సినిమా వస్తోందంటే చాలు.. ప్రేక్షకుల్లో భారీగా అంచనాలు నెలకొంటాయి. వీరిద్దరి కలయికలో గతంలో వచ్చిన అతడు, ఖలేజా ఎంత విజయం సాధించాయో ప్రత్యేకంగా చెప్పనక్కర్లేదు. త్రివిక్రమ్ తన సినిమాకు కొన్ని సిద్ధాంతాలు ఫాలో అవుతాడని ఆయన సినిమాలు ఫాలో అయినవాళ్లకు బాగా తెలుస్తుంది. తన సినిమాలో హీరోలను ఎంత తెలివిగా చూపిస్తాడో.. విలన్లను కూడా అంతే ధీటుగా చూపిస్తాడు. ఇంకా చెప్పాలంటే.. హీరో కంటే విలన్కే తెలివెక్కువ అన్నట్లు చూపిస్తాడు.
అందుకే, త్రివిక్రమ్ సినిమాలంటే ఓ రకమైన ఆసక్తి నెలకొంటుంది. ఇక మహేశ్తో కలిసి తెరకెక్కిస్తోన్న ఈ సినిమా కోసం ఈ మాటల మాంత్రికుడు ఓ బలమైన విలన్ పార్తను సృష్టిస్తున్నట్లు తెలుస్తోంది. అందులో తమిళ హీరో ఆర్య కనిపించనున్నట్లు సమాచారం. కాగా, ఈ విషయంపై ఆర్యతో ముచ్చటించగా.. ఆర్య కూడా ఓకే చెప్పినట్లు తెలుస్తోంది. ఇప్పటికే స్క్రిప్ట్ పనులు పూర్తి కావస్తున్న నేపథ్యంలో.. త్వరలోనే బడ్జెట్పై ఓ నిర్ణయం తీసుకుని సినిమా మొదలు పెట్టనున్నట్లు సమాచారం. ‘అరవింద సమేత, ‘అల వైకుంఠపురములో’ వంటి వరుస హిట్ చిత్రాల తర్వాత త్రివిక్రమ్ చేస్తోన్న సినిమా ఇది. అందుకే ఈ సినిమాకి రెట్టింపు భారీ అంచనాలు ఉన్నాయి.
మరోవైపు, సర్కారు వారి పాట సినిమాతో ప్రస్తుతం ఫుల్ బిజీగా ఉన్నారు మహేశ్. పరశురామ్ దర్శకత్వంలో తెరకెక్కుతోన్న ఈ సినిమాలో కీర్తి సురేష్ హీరోయిన్గా నటిస్తుండగా… ఈ చిత్రాన్ని మైత్రీ మూవీ మేకర్స్, జీఎంబీ ఎంటర్టైన్మెంట్, 14 రీల్స్ సంయుక్తంగా నిర్మిస్తున్నారు. ఈ సినిమాకు తమన్ మ్యూజిక్ అందిస్తుండగా.. వెన్నెల కిశోర్, సుబ్బరాజు కీలకపాత్రలలో నటిస్తున్నారు. వచ్చే ఏడాది ఏప్రిల్లో ఈ సినిమా విడుదల కానుంది.
Web Title: Hero arya will be villain in mahesh trivikram combo movie
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
