Dacoit Collections: అడివి శేష్(Adivi Sesh) హీరో గా నటించిన లేటెస్ట్ చిత్రం ‘డెకాయిట్'(Dacoit Movie) విడుదలైన మొదటి ఆట నుండే డీసెంట్ టాక్ ని సొంతం చేసుకొని , మంచి ఓపెనింగ్స్ ని సొంతం చేసుకున్న సంగతి తెలిసిందే. 60 కోట్ల రూపాయిల బడ్జెట్ తో నిర్మించిన ఈ చిత్రం , థియేట్రికల్ + నాన్ థియేట్రికల్ కలిపి మొదటి మూడు రోజుల్లోనే రీకవరీ మార్కుని అందుకుంది. ఇప్పుడు కేవలం ఈ సినిమాని కొన్న బయ్యర్స్ మాత్రమే బ్రేక్ ఈవెన్ మార్కుని పొందాలి. వీకెండ్ తర్వాత ఈ సినిమా కలెక్షన్స్ భారీ లెవెల్ లో డ్రాప్ అయిపొతుందెమో అని అంతా అనుకున్నారు. కానీ మొదటి సోమవారం రోజున అద్భుతమైన హోల్డ్ ని సాధించి, బలమైన లాంగ్ రన్ ని సూచించింది ఈ చిత్రం. బుక్ మై షో యాప్ లో ఈ చిత్రానికి నిన్న 53 వేల టిక్కెట్లు అమ్ముడుపోయాయి.
ఇక ట్రేడ్ పండితులు అందిస్తున్న సమాచారం ప్రకారం చూస్తే, ఈ చిత్రానికి నాల్గవ రోజున కోటి రూపాయలకు పైగా షేర్ వసూళ్లు తెలుగు రాష్ట్రాల నుండి వచ్చాయి. ఓవరాల్ వరల్డ్ వైడ్ గా 1 కోటి 66 లక్షల రూపాయిల రేంజ్ లో షేర్ వసూళ్లను సొంతం చేసుకుంది ఈ చిత్రం. గ్రాస్ అయితే దాదాపుగా 3 కోట్ల 40 లక్షల రూపాయిల వరకు వచ్చిందట. వర్కింగ్ డే లో ఈ రేంజ్ వసూళ్లు నమోదు అవ్వడం అనేది సాధారణమైన విషయం కాదు. ఓవరాల్ గా 4 రోజుల్లో ఈ చిత్రం 62 శాతం రీకవరీ ని సొంతం చేసుకుంది. ప్రాంతాల వారీగా నాలుగు రోజుల్లో వచ్చిన షేర్ వసూళ్లను ఒకసారి పరిశీలిస్తే, ఒక్క నైజాం ప్రాంతం నుండే ఈ చిత్రానికి 5 కోట్ల 53 లక్షల రూపాయిల షేర్ వసూళ్లు వచ్చాయి.
అదే విధంగా ఆంధ్ర ప్రాంతం నుండి నాలుగు రోజుల్లో ఈ చిత్రానికి 3 కోట్ల 14 లక్షల రూపాయిల షేర్ వసూళ్లు రాగా , సీడెడ్ ప్రాంతం నుండి 74 లక్షల రూపాయిల షేర్ వసూళ్లు వచ్చాయి. అన్ని ప్రాంతాల్లో డీసెంట్ స్థాయి వసూళ్లు నమోదు అవుతున్నాయి కానీ, సీడెడ్ నుండి మాత్రం డిజాస్టర్ రేంజ్ వసూళ్లు వస్తున్నాయి. ఓవరాల్ గా మొదటి నాలుగు రోజుల్లో ఈ చిత్రానికి తెలుగు రాష్ట్రాల నుండి 16 కోట్ల 65 లక్షల రూపాయిల గ్రాస్ వసూళ్లు, 9 కోట్ల 41 లక్షల రూపాయిల షేర్ వసూళ్లు వచ్చాయి. కర్ణాటక + రెస్ట్ ఆఫ్ ఇండియా నుండి 2 కోట్ల రూపాయిల షేర్ వసూళ్లు రాగా, హిందీ నుండి 2 కోట్ల 80 లక్షలు, ఓవర్సీస్ నుండి 5 కోట్ల 10 లక్షల రూపాయిల షేర్ వసూళ్లు వచ్చాయి. ఓవరాల్ వరల్డ్ వైడ్ గా ఈ చిత్రానికి 4 రోజుల్లో 40 కోట్ల రూపాయిల గ్రాస్ వసూళ్లు , 19 కోట్ల 32 లక్షల రూపాయిల షేర్ వసూళ్లు వచ్చాయి. బ్రేక్ ఈవెన్ మార్కుని అందుకోవడానికి ఇక కేవలం 11 కోట్ల 68 లక్షల రూపాయిల షేర్ వసూళ్లు మాత్రమే రావాలి , ఈ వీకెండ్ తో ఆ మార్కుని ఈ చిత్రం కచ్చితంగా అందుకుంటుందని అంటున్నారు ట్రేడ్ విశ్లేషకులు.
