కరీనా వద్దు కంగనానే ముద్దు.. ఇది సీత ‘రామాయణం’ !

నేషనల్ రైటర్ విజయేంద్ర ప్రసాద్ ‘రామాయణం’ కథని సీత పాయింట్ ఆఫ్ వ్యూలో చెప్పే ఆలోచనతో ‘సీత’ అనే ఓ పౌరాణిక కథను రాశారు. ఇప్పటికే స్క్రిప్ట్ వర్క్ కూడా పూర్తి అయింది. మొదట ‘సీత’ పాత్రలో దీపిక పదుకోన్ ఐతే బాగుంటుంది అనుకున్నా.. ఆ తర్వాత దర్శక, నిర్మాతలు కరీనా కపూర్ ను ఖరారు చేసుకున్నారు. ఆమె కూడా ఆ పాత్ర చేయడానికి ఒప్పుకుంది.

అయితే, ఈ ప్రాజెక్ట్ కి సంబంధించి తాజాగా నిర్మాతలు షెడ్యూల్స్ ప్లాన్ చేస్తూ.. రెమ్యునరేషన్ లను కూడా ఫిక్స్ చేస్తున్నారు. ఈ క్రమంలో కరీనా కపూర్ కి దాదాపు 9 కోట్లు వరకు కేటాయించారు. అయితే, కరీనా మాత్రం తనకు 12 కోట్లు కావాలంటూ డిమాండ్ చేసింది. కరీనా ఫామ్ లో ఉన్న హీరోయిన్ కాదు కదా, పైగా ఇద్దరు బిడ్డలకు తల్లి, అలాంటి ఆమె 12 కోట్లు డిమాండ్ చేయడం ఏమిటి అంటూ షాక్ అయ్యారు నిర్మాతలు.

మొత్తానికి ఈ వార్త సోషల్ మీడియాలో వైరల్ కూడా అయింది. దాంతో, కరీనా కపూర్ ను సోషల్ మీడియాలో నెటిజన్లు ట్రోల్ చేస్తూ.. ‘సీత’ పాత్రలో నటించే అవకాశం వస్తే.. కళ్ళు మూసుకొని ఒప్పుకోవాలి గానీ, అంత కావాలి, ఇంత కావాలి అని డిమాండ్స్ చేయడం ఏంటి ?’ అంటూ కరీనాని తెగ ట్రోల్ చేస్తున్నారు. పనిలో పనిగా కరీనాకి వయసు అయిపోయిందని, ఆమెలో మునపటి పట్టు లెదని ఆమె యాంటీ ఫ్యాన్స్ ఆమె పై విరుచుకుపడుతున్నారు.

పైగా కరీనా కపూర్ లాంటి ముదిరిపోయిన బ్యూటీ కంటే, అసలు సిసలు ‘హిందూ నారి’ అయిన కంగనా రనౌత్ ను సీత పాత్ర కోసం తీసుకోండి అంటూ ఉచిత సలహాలు ఇస్తున్నారు నెటిజన్స్. మరి మేకర్స్ నెటిజన్ల సలహాను ఫాలో అవుతారా లేదా అనేది చూడాలి. నిజంగా మార్కెట్ పరంగా చూసుకున్నా.. కరీనా కపూర్ కంటే కూడా, కంగనా రనౌతే బెటర్ ఆప్షన్. మరి చూడాలి మేకర్స్ ఎవరితో ముందుకు పోతారో.