Adarsha Kutumbam Movie: మాటల మాంత్రికుడిగా తనకంటూ ఒక ప్రత్యేకమైన ఇమేజ్ ను సంపాదించుకున్న రచయిత త్రివిక్రమ్ శ్రీనివాస్…కెరియర్ మొదట్లో ఎంతో మంది హీరోలకు తన కథలతో భారీ విజయాలను అందించిన త్రివిక్రమ్…దర్శకుడిగా మారిన తర్వాత స్టార్ హీరోలందరిని తనవైపు తిప్పుకున్నాడు. ఇక ప్రతి ఒక్కరు తనతో సినిమాలు చేయడానికి చాలా వరకు ఆసక్తి చూపించే రేంజ్ కు వెళ్లిపోయాడు. ఇక ప్రస్తుతం ఆయన వెంకటేష్ తో ‘ఆదర్శ కుటుంబం’ అనే సినిమా చేస్తున్నాడు. ఈ సినిమాతో భారీ విజయాన్ని తన ఖాతాలో వేసుకొని తనకంటూ ఒక ఐడెంటిటిని సంపాదించుకోవాలని చూస్తున్నాడు. ఇంతకుముందు మహేష్ బాబుతో చేసిన ‘గుంటూరు కారం’ సినిమా ఆశించిన మేరకు విజయాన్ని సాధించలేదు. దాంతో ఎలాగైనా సరే ఈ సినిమాతో సూపర్ సక్సెస్ ని సాధించి తన రేంజ్ ను పెంచుకోవాలనే ప్రయత్నంలో ఉన్నాడు…
ఇక ఇప్పుడు అందుతున్న సమాచారం ప్రకారం ఆదర్శ కుటుంబం సినిమాని పూర్తి యాక్షన్ ఎంటర్ టైనర్ గా తెరకెక్కిస్తున్నాడట. ఇందులో కామెడీ మిస్ అవుతుందని, ఇది త్రివిక్రమ్ మార్క్ సినిమా కాదంటూ కొన్ని వార్తలైతే వస్తున్నాయి. నిజానికి వెంకటేష్ త్రివిక్రమ్ అంటే కామెడీ ఎంటర్ టైనర్ వస్తుందని ప్రతి ఒక్కరు ఎక్స్పెక్ట్ చేస్తారు. ఎందుకంటే వీళ్ళ కాంబినేషన్లో ఇంతకుముందు నువ్వు నాకు నచ్చావ్, మల్లీశ్వరి లాంటి సినిమాలు వచ్చి సూపర్ సక్సెస్ ని సాధించాయి.
ఈ సినిమాలకు త్రివిక్రమ్ దర్శకుడు కాకపోయినా రచయితగా వ్యవహరించాడు. కాబట్టి తను రాసిన కథ మాటలే వెంకటేష్ నోట్లో నుంచి వచ్చాయి. కాబట్టి ఆ సినిమా భారీ విజయాన్ని సాధించిందని ఇప్పుడు కూడా వీళ్ళ కాంబినేషన్ కి చాలా మంచి క్రేజ్ ఉందని దాన్ని పర్ఫెక్ట్ గా స్క్రీన్ మీద ప్రజెంట్ చేయగలిగితే సినిమా నెక్స్ట్ లెవెల్లో సక్సెస్ ని సాధిస్తుందని చాలామంది భావిస్తున్నారు.
కానీ ఈ సినిమాలో త్రివిక్రమ్ మార్క్ అయితే మిస్ అవుతుందని, త్రివిక్రమ్ ఏదో డిఫరెంట్ గా ట్రై చేస్తున్నట్టుగా తెలుస్తుందని మరి కొంత మంది చెబుతున్నారు. చూడాలి మరి ఈ సినిమాతో అటు వెంకటేష్, ఇటు త్రివిక్రమ్ ఎలాంటి సక్సెస్ ను సాధిస్తారు. తద్వారా వీళ్ళ కాంబినేషన్ కి ప్రేక్షకుల్లో ఎలాంటి మార్కులు పడతాయి అనేది…
