Ilayaraja New Song: మాస్ట్రో ఇళయరాజా.. సౌత్ సినీ ఇండస్ట్రీలో ఆయన ఓ లెజెండ్. సౌత్ సినీ సంగీత ప్రపంచంలో తిరుగులేని స్టార్ ఆయన. నేటికీ మేటిగా ఆయన ముద్ర చూపిస్తూనే ఉన్నారు. అయితే, ఇప్పుడు ఆయన ఖాతాలో మరో ఘనత కూడా చేరబోతోంది. ఇక నుంచి ఇళయరాజా సంగీతం అంతరిక్షంలోనూ మారుమోగనుంది. తమిళనాడుకు చెందిన ఓ విద్యార్థుల బృందం అత్యంత చిన్న శాటిలైట్ తయారు చేసి ఈ ప్రయోగం చేస్తున్నారు.
Also Read: వాళ్ళు డబ్బు కోసం ఏదైనా చేస్తారు – అనసూయ
భారతదేశ 75వ స్వతంత్య్ర దినోత్సవం సందర్భంగా ఈ ఆగస్టు 15న నాసా సహకారంతో అంతరిక్షంలోకి ఈ అత్యంత చిన్న శాటిలైట్ ను పంపనున్నారు. అయితే, ఈ అత్యంత చిన్న శాటిలైట్ విశేషమేమిటంటే.. ఈ శాటిలైట్ లో మనదేశం గొప్పతనాన్ని తెలియజేస్తూ గీత రచయిత స్వనంద్ కిర్కిరే రాసిన హిందీ పాట ప్లే అవుతుంది. కాగా ఈ పాటకు ఇళయరాజా బాణీలు కట్టబోతున్నారు. పైగా పాట తమిళ వెర్షన్ ను ఆలపించడానికి కూడా ఇళయరాజా రెడీ అవుతున్నారు.
మొత్తమ్మీద ఇళయరాజా సంగీతం ఆకాశ తరంగాలను తాకబోతుంది. ఇక ఇళయరాజా గీతాలకు ఎలా స్వరకల్పన చేశారో తెలుసా ? ముందుగా ఆయన ఏ బాషా పాటను అయినా తమిళంలో రాసుకుంటారు. నిజానికి ఇళయరాజా గారికి తెలుగు బాగా తెలుసు. ఒకవేళ అర్థంకాని మాండలిక పదాలు ఉంటే తెలుసుకుంటారు. పాటలోని పదాలు అర్థాలు అర్ధం చేసుకున్న తర్వాత, ఆ పాటకు బాణీ కడతారు. ఇలా అన్నీ పాటలకు పకడ్బందీగా సంగీతం సమకూరుస్తారు.
Also Read: వినుకొండలో ఘనంగా ‘అఖండ’ వేడుకలు !
