Vivo V70 FE price in India: Vivo వినియోగదారులు ఎదురుచూస్తున్న కొత్త ఫోన్ రానే వచ్చింది. ఏప్రిల్ 9 నుంచి భారత దేశంలో V70 FE మొబైల్ కొనేందుకు అవకాశం ఇచ్చారు. దీంతో ఇప్పటివరకు ఈ ఫోన్ గురించి తెలుసుకున్నవారు ఇప్పుడు దీనిని కొనుగోలు చేసేందుకు రెడీ అవుతున్నారు. ఈ కొత్త ఫోన్లో ఆకర్షణీయమైన ఫీచర్లతో పాటు అందుబాటులో ధర ఉన్నట్లు ఇప్పటికే ప్రకటించారు. అయితే గురువారం రిలీజ్ చేసినా సందర్భంగా దీనిపై భారీ ఆఫర్లు ప్రకటించారు. ఆ ఆఫర్లు ఏవో ఎప్పుడో చూద్దాం..
Vivo v70 FE మొబైల్ ధర 8జిబి రామ్, 128 జీబీ స్టోరేజ్ కలిగినది అయితే రూ.37,999 గా ఉంది. అలాగే 8 జిబి రామ్, 256 జీబీ స్టోరేజ్ మొబైల్ ధర రూ.40,999 తో విక్రయిస్తున్నారు. 12 జిబి రామ్, 256 జీబీ స్టోరేజ్ కలిగిన ఫోన్ ను రూ.44,999 తో సేల్స్ చేస్తున్నారు. అయితే ఈ వేరియంట్లలో ఏది కొనుగోలు చేసిన దీనిపై ఇన్స్టాల్ డిస్కౌంట్ రూ.4,100 వరకు పొందవచ్చు. యాక్సిస్, కొటక్, హెచ్డిఎఫ్సి, ఎస్బిఐ క్రెడిట్ కార్డులు ఉన్నవారికి మాత్రమే ఇది వర్తిస్తుంది. వీటితోపాటు యూపీఐ పేమెంట్స్ పై కూడా ఆఫర్లు పొందవచ్చు. అయితే ఈ ధర ఒకేసారి చెల్లించకుండా ఈఎంఐ ద్వారా పొందిన కూడా నో కాస్ట్ ఈఎంఐ ని పొందవచ్చు. వీటితోపాటు షీల్డ్ స్క్రీన్ పై 40% వరకు తగ్గింపు, బై బ్యాక్ ఆప్షన్ రూ.399, జియో ద్వారా 18 నెలల పాటు 2000 జిబి క్లౌడ్ స్టోరేజ్ వంటి ప్రయోజనాలు కూడా ఉన్నాయి.
ఈ మొబైల్ లో అద్భుతమైన ఆకట్టుకునే ఫీచర్లు ఉన్నాయి. ఇందులో 6.83 అంగుళాల OLED డిస్ప్లే ఉండనుంది. ఇది 1.5 కే Resolution తో పనిచేస్తుంది. ఇది 120 Hz రిఫ్రెష్ రేట్ తో పనిచేస్తుంది. 1900 nits బ్రైట్నెస్ తో పనిచేసే ఈ మొబైల్ లో 7360 డైమెన్సిటీ ప్రాసెసర్ ఉండనుంది. అలాగే ఇందులో ట్రిపుల్ కెమెరాను చూడవచ్చు. 200 మెగాపిక్సల్ బ్యాక్ కెమెరా ఉండగా.. 8 ఎంపీ అల్ట్రా వైడ్ సెన్సార్ కెమెరా పనిచేస్తుంది. ఫ్రంట్ కెమెరాతో పాటు వీడియో కాలింగ్ కోసం 50 ఎంపీ కెమెరా పనిచేస్తుంది.
ఈ కొత్త మొబైల్ లో బ్యాటరీ వ్యవస్థ కూడా మెరుగానే ఉన్నట్లు తెలుస్తోంది. ఇందులో 7000 mAh బ్యాటరీ ఉండనుంది. ఈ బ్యాటరీ 90 W ఫాస్టెస్ట్ చార్జింగ్ సపోర్ట్ తో పనిచేస్తుంది. వీటితోపాటు డ్యూయల్ బ్యాండ్ వైఫై, బ్లూటూత్ 5.4, జిపిఎస్ వంటి ఫీచర్లు కూడా ఉన్నాయి.
