Skoda : టాటా నెక్సాన్, కియా సోనెట్ వంటి ఎస్యూవీ కార్లకు ప్రస్తుతం మార్కెట్లో చాలా పోటీ ఉంది. అలాంటి ఒక కారు స్కోడా కైలాక్ ఇప్పుడు మరింత చౌకగా లభిస్తోంది. కంపెనీ దీన్ని ఏప్రిల్ 30 వరకు ప్రారంభ ధరకే విక్రయించింది. దీంతో మే నెలలో ఈ కారు ధర పెరగాల్సి ఉండగా, ఊహించని విధంగా కొన్ని వేరియంట్ల ధరలు తగ్గాయి. విడుదలైన కొద్ది నెలల్లోనే ఈ కారు ఒక మైలురాయిని చేరుకుంది. ఒక నెలలో ఏకంగా 5,000 యూనిట్లకు పైగా అమ్ముడయ్యాయి.
Also Read : కొత్త స్కోడా కొడియాక్ వచ్చేసింది.. ఫీచర్లు చూస్తే ఫిదా అవ్వాల్సిందే!
స్కోడా ఆటో ఇటీవల తన వ్యూహాన్ని మార్చుకుంది. గత కొన్నేళ్లుగా ఎస్యూవీ సెగ్మెంట్లో అనేక కార్లను విడుదల చేసింది. స్కోడా కైలాక్ దాని తాజా, ధరల రేంజ్ లో ఎంట్రీ-లెవెల్ కారు. దీని టాప్ వేరియంట్ ధర ఇప్పుడు మునుపటి కంటే చాలా తక్కువగా ఉంది. కంపెనీ స్కోడా కైలాక్, క్లాసిక్, సిగ్నేచర్ వేరియంట్ల (తక్కువ వేరియంట్లు) ధరలను పెంచింది. అయితే సిగ్నేచర్ ప్లస్, ప్రెస్టీజ్ వేరియంట్ల (టాప్ వేరియంట్లు) ధరలను తగ్గించింది. మే నెలలో చేసిన మార్పుల తర్వాత ఇప్పుడు స్కోడా ధర రూ.8.25 లక్షల నుంచి రూ.13.99 లక్షల వరకు ఉంది. ఈ ధరలన్నీ ఎక్స్-షోరూమ్.
ఇప్పుడు ఎవరి ధర ఎంత?
* స్కోడా కైలాక్ బేస్ వేరియంట్ ‘క్లాసిక్’ ధర రూ.7.89 లక్షల నుంచి రూ.8.25 లక్షలకు పెరిగింది. అంటే ధర రూ.36,000 పెరిగింది.
* స్కోడా కైలాక్ ‘సిగ్నేచర్’ వేరియంట్ ఇప్పుడు రూ.26,000 ఎక్కువ ధర పలుకుతోంది. దీని ధర రూ.9.59 లక్షల నుంచి రూ.9.85 లక్షలకు పెరిగింది.
* స్కోడా కైలాక్ ‘సిగ్నేచర్’ ఆటోమేటిక్ ధర రూ.36,000 పెరిగింది. ఇది ఇంతకు ముందు రూ.10.59 లక్షలు ఉండగా ఇప్పుడు రూ.10.95 లక్షలకు చేరుకుంది.
ఈ ఎస్యూవీ ‘సిగ్నేచర్ ప్లస్’ వేరియంట్ ఇప్పుడు రూ.15,000 చౌకగా లభిస్తోంది. ఇది ఇప్పుడు రూ.11.25 లక్షలు, ఇంతకు ముందు రూ.11.40 లక్షలు ఉండేది. ఆటోమేటిక్ గేర్బాక్స్తో వచ్చే స్కోడా కైలాక్ ‘సిగ్నేచర్ ప్లస్’ వేరియంట్ ఇప్పుడు రూ.12.35 లక్షలు, ఇంతకు ముందు రూ.12.40 లక్షలు ఉండేది. అంటే రూ.5,000 ఆదా చేసుకోవచ్చు.
ఈ కారు టాప్ మోడల్ ‘ప్రెస్టీజ్’ వేరియంట్ ఇప్పుడు రూ.12.89 లక్షలకు లభిస్తుంది. ఇది దాని పాత ధర రూ.13.35 లక్షల కంటే రూ. 46,000 తక్కువ.
ఇదే ‘ప్రెస్టీజ్’ వేరియంట్ ఆటోమేటిక్ వెర్షన్ రూ.41,000 చౌక అయింది. ఇది రూ.14.40 లక్షల నుంచి రూ.13.99 లక్షలకు తగ్గింది.
Also Read : ఒక్క ఛార్జ్తో 449 కి.మీ… ఆగకుండా ఇక లాంగ్ డ్రైవ్ వేసేయొచ్చు
నెలలో 5000 యూనిట్లకు పైగా అమ్మకాలు
స్కోడా కైలాక్ అమ్మకాలు స్కోడా ఆటో అదృష్టాన్ని కూడా మార్చేశాయి. మార్చి 2025లో ఈ కారు మొత్తం 5,327 యూనిట్లు అమ్ముడయ్యాయి. దీంతో స్కోడా మొత్తం అమ్మకాలు ఒక నెలలో 7,409 యూనిట్లకు చేరుకున్నాయి. ఇది భారతదేశంలో గత 25 ఏళ్లలో ఒక నెలలో అత్యధిక అమ్మకాలు. స్కోడా కైలాక్లో 1.0 లీటర్ టర్బో-పెట్రోల్ ఇంజన్ ఉంది. ఇది 115 PS పవర్, 178 Nm టార్క్ను ఉత్పత్తి చేస్తుంది. ARAI ప్రకారం ఈ కారు లీటరుకు 19.05 నుంచి 19.68 కిమీ వరకు మైలేజ్ ఇస్తుంది.
