Motorola Edge 70 Max: Motorola కంపెనీ తన ప్రీమియం ఎడ్జ్ సిరీస్లో సరికొత్త ఫ్లాగ్షిప్ స్మార్ట్ఫోన్ను పరిచయం చేయడానికి సిద్ధమవుతోంది. ఇందులో భాగంగా Motorola Edge 70 Max మోడల్, ఇప్పుడు ఏకంగా రెండు ప్రముఖ గ్లోబల్ సర్టిఫికేషన్ వెబ్సైట్లలో కనిపించడంతో ఈ ఫోన్ రావడానికి దారులు పడ్డాయని తెలుస్తోంది. ఈ కొత్త ఫోన్ భారత్తో పాటు అంతర్జాతీయ మార్కెట్లలో అతి త్వరలోనే విడుదల కాబోతోందని తెలుస్తోంది. ఈ ఫోన్ ఎలా ఉండబోతుందో చూద్దాం..
మోటోరోలా ఎడ్జ్ 70 మ్యాక్స్ మోడల్ నంబర్ XT2611 తో లిస్ట్ అయింది. ఈ లిస్టింగ్ ద్వారా ఫోన్లో 25W వైర్లెస్ చార్జింగ్ సపోర్ట్ ఉన్నట్లు తెలుస్తోంది. ఐఫోన్లలో ఉండే మ్యాగ్సేఫ్ లాగా, ఈ ఫోన్ లోపలే ఇన్బిల్ట్ అయస్కాంతాలు ఉంటాయి. దీనివల్ల ఎలాంటి ప్రత్యేకమైన కవర్లు లేకుండానే మోటోరోలా ఫోన్ నేరుగా మేగ్నెటిక్ చార్జర్లు, పవర్బ్యాంకులకు సులభంగా కనెక్ట్ అవుతుంది.
ఈ ఫోన్ స్క్రీన్ అత్యుత్తమ కలర్ ప్రొడక్షన్, బ్రైట్నెస్ ను అందించనుంది. అయితే దీని డిజైన్ విషయంలో కాస్త గందరగోళం నెలకొంది. ఈ ఫోన్ ఫ్లాట్ స్క్రీన్, ఫ్లాట్ అల్యూమినియం ఫ్రేమ్తో రానుందని చూపించగా.. WPC సర్టిఫికేషన్ ఇమేజ్లో మాత్రం కర్వ్డ్ డిస్ప్లే కనిపిస్తోంది. బహుశా మోటోరోలా ప్రయోగాత్మకంగా టెస్ట్ చేసిన మోడల్ ఇమేజ్ అయి ఉండొచ్చని, ఫైనల్ వేరియంట్ ఫ్లాట్ బాక్సీ డిజైన్తోనే వచ్చే ఛాన్స్ ఉందని నిపుణులు భావిస్తున్నారు.
పనితీరు విషయానికి వస్తే.. మోటోరోలా ఎడ్జ్ 70 మ్యాక్స్ అత్యంత శక్తివంతమైన Qualcomm Snapdragon 8 Gen 5 ఫ్లాగ్షిప్ చిప్సెట్తో రన్ కానుంది. భారీ గేమింగ్, మల్టీటాస్కింగ్ , అడ్వాన్స్డ్ ఆర్టిఫిషియల్ ఇంటెలిజెన్స్ (AI) ఫీచర్లను ఈ ప్రాసెసర్ చాలా ఈజీగా హ్యాండిల్ చేయగలదు. సాఫ్ట్వేర్ పరంగా ఇది లేటెస్ట్ ఆండ్రాయిడ్ 16 ఆధారిత ‘హెల్లో యూఐ’ (Hello UI) ఆపరేటింగ్ సిస్టమ్తో పనిచేయనుంది.
ఫోటోగ్రఫీ కోసం ఈ ఫోన్ వెనుక భాగంలో స్క్వేర్ షేప్ కెమెరా మాడ్యూల్లో ట్రిపుల్ రియర్ కెమెరా సెటప్ ఉండబోతోంది. ఇందులో ఒక హై-రెజల్యూషన్ ప్రైమరీ కెమెరా, ఒక అల్ట్రా-వైడ్ యాంగిల్ లెన్స్ మరియు పోర్ట్రెయిట్ షాట్స్, జూమింగ్ కోసం ఒక అంకితమైన టెలిఫోటో లెన్స్ ఉంటాయని సమాచారం. ఇప్పటికే ఈ సిరీస్లో ఎడ్జ్ 70 ఫ్యూజన్, ప్రో మోడల్స్ అందుబాటులో ఉండగా, ఈ సరికొత్త ‘మ్యాక్స్’ వేరియంట్ వాటికంటే అత్యంత ప్రీమియం ధరలో, రాబోయే కొన్ని వారాల్లోనే మార్కెట్లోకి లాంచ్ అయ్యే అవకాశాలు ఉన్నాయి.
