Best Gaming Phones : స్మార్ట్ఫోన్లో గేమింగ్కు ప్రాధాన్యం ఇచ్చే వారికి రూ.75,000లోపు సెగ్మెంట్లో ప్రస్తుతం ఎన్నో ఆసక్తికరమైన ఆప్షన్స్ అందుబాటులో ఉన్నాయి. పవర్ఫుల్ ప్రాసెసర్లు, హై రిఫ్రెష్ రేట్ డిస్ప్లేలు, పెద్ద బ్యాటరీలు, ఫాస్ట్ ఛార్జింగ్తో పాటు ప్రత్యేక కూలింగ్ సిస్టమ్స్ కూడా ఈ ఫోన్లలో ఉన్నాయి. రోజువారీ వినియోగంతో పాటు హై-ఎండ్ గేమింగ్ను నిర్వహించగల కొన్ని ప్రముఖ మోడల్స్ ఇవే.
iQOO 15
గేమింగ్ ఫోన్లలో iQOO 15 ప్రత్యేకంగా నిలుస్తుంది. ఇందులో Snapdragon 8 Elite Gen 5 ప్రాసెసర్, 16GB వరకు LPDDR5X RAM, 512GB UFS 4.1 స్టోరేజ్ ఉన్నాయి. 6.85 అంగుళాల 2K LTPO AMOLED డిస్ప్లే 144Hz రిఫ్రెష్ రేట్ను అందిస్తుంది. 8K VC కూలింగ్ సిస్టమ్తో హీట్ను నియంత్రించేలా రూపొందించారు.
7,000mAh బ్యాటరీ, 100W వైర్డ్, 40W వైర్లెస్ ఛార్జింగ్ సపోర్ట్ ఉన్నాయి. అయితే దీని ప్రారంభ ధర రూ.76,999 కావడంతో రూ.75 వేల బడ్జెట్ను కొద్దిగా దాటుతుంది.
OnePlus 15R
గేమింగ్ను దృష్టిలో పెట్టుకుని రూపొందించిన మరో ఫోన్ OnePlus 15R. ఇందులో Snapdragon 8 Gen 5 చిప్సెట్, 16GB వరకు RAM, 512GB స్టోరేజ్ ఉన్నాయి. 6.83 అంగుళాల AMOLED స్క్రీన్ 165Hz రిఫ్రెష్ రేట్తో వస్తుంది. ప్రత్యేక Touch Response Chip, G2 Wi-Fi Chip, వేపర్ ఛాంబర్ వంటి ఫీచర్లు గేమింగ్ అనుభవాన్ని మెరుగుపరచడంలో సహాయపడతాయి. 7,400mAh బ్యాటరీ, 80W ఫాస్ట్ ఛార్జింగ్ ఉన్నాయి. దీని ధర రూ.59,999 నుంచి ప్రారంభమవుతుంది.
Motorola Edge 70 Max
Motorola Edge 70 Maxలో Snapdragon 8 Gen 5 ప్రాసెసర్తో పాటు 5,500 చదరపు మిల్లీమీటర్ల వేపర్ ఛాంబర్ ఉంది. 6.8 అంగుళాల QHD+ AMOLED డిస్ప్లే 144Hz రిఫ్రెష్ రేట్ను అందిస్తుంది. 7,100mAh బ్యాటరీ, 90W వైర్డ్, 25W వైర్లెస్ ఛార్జింగ్ సపోర్ట్ ఉన్నాయి. ధర రూ.54,999 నుంచి ప్రారంభమవుతుంది.
Vivo X200T
Vivo X200Tలో MediaTek Dimensity 9400+ చిప్సెట్, 12GB RAM, 512GB వరకు స్టోరేజ్ ఉన్నాయి. 6.67 అంగుళాల AMOLED డిస్ప్లే 120Hz రిఫ్రెష్ రేట్తో వస్తుంది. 6,200mAh బ్యాటరీ, 90W వైర్డ్, 40W వైర్లెస్ ఛార్జింగ్ ప్రత్యేకతలు. దీని ధర రూ.59,999 నుంచి ప్రారంభమవుతుంది.
Poco X8 Pro Max
బడ్జెట్లో భారీ బ్యాటరీ, గేమింగ్ పనితీరు కోరుకునేవారికి Poco X8 Pro Max మరో ఆప్షన్. ఇందులో Dimensity 9500s చిప్సెట్, 12GB RAM, 512GB వరకు స్టోరేజ్ ఉన్నాయి. 6.83 అంగుళాల 1.5K AMOLED డిస్ప్లే 120Hz రిఫ్రెష్ రేట్తో వస్తుంది. ముఖ్యంగా 9,000mAh భారీ బ్యాటరీ, 100W ఫాస్ట్ ఛార్జింగ్, 3D Ice Loop కూలింగ్ సిస్టమ్ ఉన్నాయి. ధర రూ.48,999 నుంచి ప్రారంభమవుతుంది.
మొత్తంగా చూస్తే.. రూ.75 వేలలోపు గేమింగ్ ఫోన్ కొనాలనుకునేవారికి ప్రాసెసర్, డిస్ప్లే రిఫ్రెష్ రేట్, కూలింగ్ సిస్టమ్, బ్యాటరీ సామర్థ్యం వంటి అంశాలను బట్టి వివిధ ఆప్షన్స్ అందుబాటులో ఉన్నాయి.
