Hyundai i20 4th generation: హ్యుందాయ్ మోటార్స్ నుంచి ఇప్పటి వరకు ఎక్కువగా మిడిల్ క్లాస్ పీపుల్స్ కోసం హ్యాచ్ బ్యాక్ కార్లు మార్కెట్లోకి వచ్చాయి. అయితే ఇప్పుడు తన పాపులర్ ప్రీమియం హ్యాచ్బ్యాక్ i20ని గ్లోబల్ మార్కెట్లో లాంచ్ చేయడానికి సిద్ధం చేస్తోంది. అధికారికంగా విడుదల కావడానికి ముందే ఈ ఫోర్త్-జనరేషన్ హ్యుందాయ్ i20కి సంబంధించిన పూర్తి ప్రొడక్షన్-స్పెక్ ఫోటోలు ఇంటర్నెట్లో లీక్ అయ్యాయి. ప్రస్తుత మోడల్తో పోలిస్తే ఈ కొత్త కారు డిజైన్, ఇంటీరియర్ పరంగా భారీ మార్పులతో సరికొత్తగా రూపుదిద్దుకుంది. ఈ కారు ఎలా ఉండబోతుందంటే?
హ్యుందాయ్ ఇప్పటి వరకు పాటించిన తన సంప్రదాయ హ్యాచ్బ్యాక్ శైలిని పక్కనపెట్టి, ప్రస్తుత మార్కెట్ ట్రెండ్కు అనుగుణంగా దీనికి కాంపాక్ట్ SUV లేదా క్రాస్ ఓవర్ రూపాన్ని ఇచ్చినట్లు స్పష్టమవుతోంది. కారు ముందు భాగంలో బాక్సీ డిజైన్, నిలువుగా ఉండే బానెట్ లైన్, సరికొత్త పారామెట్రిక్ గ్రిల్ను అందించారు. వీల్ ఆర్చ్లు, బంపర్లు, డోర్ సిల్స్ చుట్టూ అమర్చిన బ్లాక్ ప్లాస్టిక్ క్లాడింగ్ కారుకు మరింత రగ్గడ్ తో పాటు మస్క్యులర్ లుక్ను తీసుకువచ్చింది.
కొత్త i20 ఎక్స్టీరియర్లో అత్యంత ఆకర్షణీయమైన మార్పును గమనించవచ్చు. గీని లైటింగ్ సిస్టమ్ లో భాగంగా కారు ముందు భాగంలో ఒక వైపు నుండి మరో వైపునకు సాగే కనెక్టెడ్ LED లైట్ బార్ ను అమర్చారు. ఇది ‘Y’ ఆకారంలో ఉంటూ డేటైమ్ రన్నింగ్ లైట్లతో కూడిన యారోహెడ్ హెడ్ల్యాంప్స్ను కలుపుతుంది. అలాగే వెనుక భాగంలో కూడా వెడల్పాటి కనెక్టెడ్ LED టెయిల్ ల్యాంప్ స్ట్రిప్స్ కూడా ఉంటుంది. ట్రయాంగిల్ హౌసింగ్ , కొత్త డ్యూయల్-టోన్ అల్లాయ్ వీల్స్ కారుకు ప్రీమియం రోడ్ ప్రెజెన్స్ను ఇస్తున్నాయి.
ఎక్స్టీరియర్ కంటే కూడా ఇంటీరియర్ క్యాబిన్లో హ్యుందాయ్ భారీ అప్గ్రేడ్స్ చేసింది. డ్యాష్బోర్డ్ పై సరికొత్త డ్యూయల్ స్క్రీన్ కర్వ్డ్ డిస్ప్లే సెటప్ను అందించారు. ఇందులో డిజిటల్ ఇన్స్ట్రుమెంట్ క్లస్టర్, ఇన్ఫోటైన్మెంట్ సిస్టమ్ ఒకే గ్లాస్ ప్యానెల్లో కలిసి ఉంటాయి. దీంతో పాటు కొత్త త్రీ-స్పోక్ స్టీరింగ్ వీల్, వర్టికల్ ఎయిర్ వెంట్స్, ఐవరీ/గ్రే డ్యూయల్-టోన్ కలర్ థీమ్, టచ్-బేస్డ్ క్లైమేట్ కంట్రోల్ ప్యానెల్ వంటివి క్యాబిన్ను మరింత లగ్జరీగా మార్చాయి. రోజువారీ సౌలభ్యం కోసం అవసరమైన కొన్ని ముఖ్యమైన ఫిజికల్ బటన్లను అలాగే ఉంచడం విశేషం.
మెకానికల్ పరంగా ఈ ఫోర్త్ జెన్ i20లో హ్యుందాయ్ పెద్దగా మార్పులు చేయకపోవచ్చని తెలుస్తోంది. ప్రస్తుతం అందుబాటులో ఉన్న 1.2-లీటర్ న్యాచురల్లీ ఆస్పిరేటెడ్ పెట్రోల్, 1.0-లీటర్ టర్బో పెట్రోల్ ఇంజన్ ఆప్షన్లను ఇందులోనూ కొనసాగించే అవకాశం ఉంది. కొన్ని గ్లోబల్ మార్కెట్లలో మైల్డ్ హైబ్రిడ్ టెక్నాలజీని కూడా జోడించవచ్చు. ఈ కారు 2027 ప్రారంభంలో భారత మార్కెట్లోకి వచ్చే అవకాశాలు ఉన్నాయి. ఇది మార్కెట్లోకి వస్తే మారుతి సుజుకి బాలెనొ, టయోటా గ్లాంజా వంటి ప్రీమియం హ్యాచ్బ్యాక్లకు గట్టి పోటీ ఇవ్వనుంది.
