బిగ్ బాస్-4: ఇద్దరిని లైన్లో పెడుతున్న అవినాష్.. అవమానించిన దివీ..!

తెలుగు రియల్టీ షోలలో ‘బిగ్ బాస్’ అదిరిపోయే టీఆర్పీతో దూసుకెళుతోంది.  కరోనా సమయంలోనూ బుల్లితెర ప్రేక్షకులను అలరిస్తోంది. ఇప్పటికే మూడు సీజన్లను పూర్తి చేసుకున్న ‘బిగ్ బాస్’ తాజాగా నాలుగో సీజన్ ప్రారంభించింది. ఇప్పటికే బిగ్ బాస్-4 ఐదువారాలకు పూర్తి చేసుకోవడంతో కంటెస్టుల మధ్య పోటీ రసవత్తరంగా మారుతోంది.

Also Read: ‘రామాయణం’లో.. రాముడిగా మహేష్ రావణుడిగా ఎన్టీఆర్ ?

బిగ్ బాస్-4లోకి వైల్డ్ కార్డుతో జబర్దస్త్ కామెడీయన్ అవినాష్ ఎంట్రీ ఇచ్చారు. గత కొన్ని వారాలుగా బిగ్ బాస్ హౌస్ కొనసాగుతున్న అవినాష్ ప్రస్తుతం స్ట్రాంగ్ కంటెస్టుగా మారాడు. బిగ్ బాస్ లో అవినాష్ ఆడుతున్న గేమ్ అందరినీ ఆకట్టుకుంటోంది. తోటి కంటెస్టులతో తనదైన కామెడీ చేస్తూ ప్రేక్షకులను అలరిస్తున్నాడు. దీంతో అతడు మరికొన్ని రోజులు బిగ్ బాస్ హౌస్ లోనే కొనసాగేలా కన్పిస్తున్నాడు.

బిగ్ బాస్ హౌస్ లో అవినాష్ ఇద్దరు అమ్మాయిలను లైన్లో పెట్టేందుకు ప్రయత్నిస్తున్నట్లు కన్పిస్తోంది. సొట్టబుగ్గల చిన్నది దివీ.. యాంకర్ అరియానాలతో అవినాష్ తరుచూ చేస్తున్న చిలిపి పనులు బిగ్ బాస్ ప్రేక్షకులను అలరిస్తున్నాయి. దివీ మాత్రం అవినాష్ ను పెద్దగా పట్టించుకోవడం లేదని తెలుస్తోంది. తాజాగా ఆమె అందరి ముందే అవినాష్ ను అవమానించడంతో అతడు హర్ట్ అయ్యాడు.

కంటెస్టులందరీ ముందు అవినాష్ ను ఓ కామెడీ పీస్ అంటూ దివీ అవమానించింది. దీంతో అవినాష్ ఆమెతో వాదనకు దిగాడు. తనను కామెడీ పీస్ అనుకూడదని.. కామెడీయన్ అనాలని సూచించాడు. దీనికి దివీ స్పందిస్తూ మనం ఎదుటవాళ్లపై జక్స్ వేస్తున్నప్పుడు.. వాళ్లు మనపై వేసే జోక్స్ కూడా రిసీవ్ చేసుకునేలా ఉండాలంటూ పంచ్ ఇచ్చింది.

Also Read: కోరిక తీరకుండానే కన్నుమూసిన నృత్య మహారాణి !

ఇక అవినాష్ అరియానాకు స్వయంగా మేకప్ వేశాడు. పనిలో పనిలో నీవ్వు చాలా అందంగా ఉన్నవంటూ పులిహోర కలిపాడు. నేను లేకపోతే నువ్వు ఏమైపోతావో అంటూ అరియానాతో అనగా.. నువ్వు లేకపోయినా నేను బాగానే ఉంటా అంటూ ఆమె సమాధానం ఇచ్చింది. మొత్తంగా బిగ్ బాస్ ఇద్దరు ముద్దుగుమ్మలను లైన్లో పెట్టేందుకు యత్నిస్తూ ఆకట్టుకుంటున్నాడు. వీరిద్దరిలో ఒకరైనా అవినాష్ కు దగ్గరవుతారో లేదో వేచిచూడాల్సిందే..!