Amaravati: శీర్షిక చదివారు కదా.. బాహుబలి సినిమాలోని పాట ఇది. ఆ పాట అర్థం చాలా లోతైనది. అంతకుమించి గొప్పది. ఇప్పుడు అమరావతి విషయంలో కూడా చంద్రబాబు అలానే చేస్తున్నారు. ఒక ముక్కలో చెప్పాలంటే అంతకుమించి చేస్తున్నారు. వైసిపి రకరకాల రూపాలలో విష ప్రచారం చేస్తున్నప్పటికీ.. తెలంగాణలో గులాబీ పార్టీ తెర వెనుక కుట్రలు చేస్తున్నప్పటికీ.. చంద్రబాబు వెనకడుగు వేయడం లేదు. పైగా తన మానస పుత్రిక లాంటి రాజధాని విషయంలో అంతకుమించి చేస్తున్నారు.
అమరావతి చుట్టూ ఔటర్ రింగ్ రోడ్డు నిర్మిస్తున్న విషయం తెలిసిందే. అయితే నగరం భవిష్యత్తును ముందుగానే గురించి ఏకంగా 17 చోట్ల ఇంటర్ చేంజ్ లు ఏర్పాటు చేస్తున్నారు. మొత్తంగా 189.93 కిలోమీటర్ల మేర ఆరు వరసలతో ఈ రోడ్డు నిర్మిస్తున్నారు. మొత్తంగా యాక్సిస్ కంట్రోల్ ఓ ఆర్ ఆర్ లోకి వాహనాలు ప్రవేశించాలి అంటే. . అందులో నుంచి బయటికి రావాలంటే సరే ఇంటర్ చేంజ్ ల వద్ద మాత్రమే అవకాశం ఉంటుంది. ఔటర్ రింగ్ రోడ్డు 6 జాతీయ రహదారులను క్రాస్ చేస్తుంది. వీటిలో 8 చోట్ల డబుల్ ట్రంపెట్ ఇంటర్ చేంజ్ లు నిర్మిస్తున్నారు. రాష్ట్ర.. జిల్లా రోడ్లను క్రాస్ చేసే ప్రాంతాలలో సింగిల్ ఇంటర్ చేంజ్.. 8 రోటరీ ఇంటర్ చేంజ్ లు నిర్మించబోతున్నారు.
గతంలో 19 ప్రాంతాలలో ఇంటర్ చేంజ్ లు నిర్మించాలని అనుకున్నారు. ప్రాజెక్టు ఖర్చు మొత్తం 38,450 కోట్లు ఉండడంతో.. దీనిని తగ్గించాలని నేషనల్ హైవే అథారిటీ ఆఫ్ ఇండియా అధికారుల నుంచి ఆదేశాలు రావడంతో.. మళ్లీ మార్పులు చేశారు.. ఔటర్ రింగ్ రోడ్డు లోపల వైపు మాత్రమే సర్వీస్ రోడ్లు నిర్మిస్తారు. బయటి వైపు సర్వీస్ రోడ్ల ప్రతిపాదనను పూర్తిగా తొలగించినట్లు అధికారులు చెబుతున్నారు అలాగే ఔటర్ రింగ్ రోడ్ లో తెనాలి సమీప నుంచి చెన్నై, కోల్కతా హైవేలో కాజా వరకు దాదాపు 17.5 కిలోమీటర్ల మేర ఆరు వరుసలలో అనుసంధాన రహదారి నిర్మాణాన్ని కూడా పక్కన పెట్టారు. ఫలితంగా రెండు ఇంటర్ చేంజ్ లు తొలగిస్తున్నట్టు అధికారులు చెబుతున్నారు. దీనివల్ల ఇంటర్ చేంజ్ ల సంఖ్య 17 కు తగ్గింది. మొత్తానికి ప్రాజెక్టు ఖర్చు కూడా 30, 491 కోట్లకు పరిమితమైంది.
ఎక్కడి నుంచి ఎక్కడికి వెళ్లాలంటే
మొదటి ఇంటర్ చేంజ్
కంచికచర్ల నుంచి విజయవాడ హైదరాబాద్ హైవే మీద దీన్ని నిర్మిస్తారు. ఇక్కడ డబుల్ ట్రంపెట్ ఇంటర్ చేంజ్ నిర్మిస్తామని అధికారులు చెబుతున్నారు…
రెండవ ఇంటర్ చేంజ్.
కంచికచర్ల మధిర స్టేట్ హైవే క్రాస్ అయ్యే చోట పొన్నవరానికి సమీపంలో ఔటర్ రింగ్ రోడ్డు లోని 3.90 కిలోమీటర్ వద్ద దీనిని నిర్మిస్తారు.
మూడవ ఇంటర్ చేంజ్
విజయవాడ ఖమ్మం నాగపూర్ జాతీయ రహదారి క్రాస్ అయ్యే చోట దుగ్గిరాలపాడు సమీపంలో ఔటర్ రింగ్ రోడ్డు లోని 18.30 కిలోమీటర్ వద్ద డబుల్ ట్రంపెట్ ఇంటర్ చేంజ్ నిర్మించబోతున్నారు.
నాలుగవ ఇంటర్ చేంజ్
ఇబ్రహీంపట్నం నుంచి భద్రాచలం మీదుగా ఉత్తరాఖండ్ వెళ్లే హైవే దగ్గర్లోని డబుల్ ట్రంపెట్ ఇంటర్ చేంజ్ నిర్మిస్తారు. ఇది ఔటర్ రింగ్ రోడ్డు లోని 31.29 కిలోమీటర్ల వద్ద ఉంటుంది. మైలవరం ప్రాంతానికి సమీపంలో ఉంటుంది.
ఐదవ ఇంటర్ చేంజ్
ఔటర్ రింగ్ రోడ్ లోని 42.50 కిలోమీటర్ వద్ద దీనిని నిర్మిస్తారు. ఇది అడవి నెక్కలం. వెల్వడం రోడ్డు పరిధిలో ఉంటుంది.
ఆరవ ఇంటర్ చేంజ్
అగిరిపల్లి సమీపంలో దీనిని నిర్మిస్తారు. ఔటర్ రింగ్ రోడ్ లోని 47.80 కిలోమీటర్ వద్ద దీనిని నిర్మిస్తారు. ఇది విజయవాడ.. నూజివీడు క్రాస్ దగ్గర నిర్మాణం అవుతుంది.
ఏడవ ఇంటర్ చేంజ్
చెన్నై కోల్కతా హైవేలో పొట్టిపాడు దగ్గర దీని నిర్మిస్తారు. ఔటర్ రింగ్ రోడ్ లోని 66.1 0 కిలోమీటర్ వద్ద ఇది నిర్మాణం అవుతుంది ..
ఎనిమిదవ ఇంటర్ చేంజ్
గన్నవరం పుట్టగుంట రోడ్డు క్రాస్ అయ్యే ప్రాంతంలో దీన్ని నిర్మిస్తారు
9వ ఇంటర్ చేంజ్
విజయవాడ గుడివాడ సమీపంలో ఉన్న మానికొండ వద్ద దీని నిర్మిస్తారు.
పదవ ఇంటర్ చేంజ్
విజయవాడలోని మచిలీపట్నం హైవే దగ్గర్లో చలివేంద్రపాలెం ప్రాంతంలో ఇక్కడ డబుల్ ట్రంపెట్ నిర్మిస్తారు.
11వ ఇంటర్ చేంజ్..
గుంటూరులోని హనుమాన్ పాలెం రోడ్డు దగ్గర నందివెలుగు ప్రాంతంలో ఇక్కడ ఇంటర్ చేంజ్ నిర్మిస్తారు…
12వ ఇంటర్ చేంజ్
నారాకోడూరు ప్రాంతంలోని బుడంపాడు సమీపంలో డబుల్ ట్రంపెట్ ఇంటర్ చేంజ్ నిర్మిస్తారు…
13వ ఇంటర్ చేంజ్
అనంతవరప్పాడు మట్లూరు రోడ్డు ప్రాంతంలో దీనిని నిర్మిస్తారు. దీనిని పూర్తిగా రోటరీ ఇంటర్ చేంజ్ విధానంలో నిర్మిస్తారు…
14వ ఇంటర్ చేంజ్
గుంటూరు ప్రతిపాడు పర్చూరు రోడ్డులో పుల్లడిగుడ్డ ప్రాంతం వద్ద ఇక్కడ రోటరీ ఇంటర్ చేంజ్ నిర్మిస్తారు
15వ ఇంటర్ చేంజ్
గుంటూరు కి సమీపంలో ఉన్న పొత్తూరు లింగాయపాలెం రోడ్డులో డబుల్ ట్రంపెట్ ఇంటర్ చేంజ్ నిర్మిస్తారు.
16వ ఇంటర్ చేంజ్
మేడికొండూరు దగ్గరలో ఉన్న వినుకొండ గుంటూరు హైవే సమీపంలో దీనిని నిర్మిస్తారు
17వ ఇంటర్ చేంజ్
సత్తెనపల్లి అమరావతి స్టేట్ హైవే సమీపంలో ఉన్న బలుసు పాడు సమీపంలో రోటరీ విధానంలో ఇంటర్ చేంజ్ నిర్మిస్తారు.
