Donald Trump : ట్రంప్‌ రివర్స్‌ గేర్‌.. కెనడాపై డబుల్‌ సుంకాల విషయంలో వెనక్కు తగ్గిన అగ్రరాజ్యాధినేత!

Donald Trump : కెనడా, మెక్సికో, చైనాలపై సుంకాలను రెట్టింపు చేసిన అమెరికా అధినేత డొనాల్డ్‌ ట్రంప్‌.. ఇప్పుడు యూటర్న్‌ తీసుకున్నారు. కెనడాపై డబుల్‌ సుంకాల (టారిఫ్‌లు) విషయంలో ‘రివర్స్‌ గేర్‌‘(Revarse Gare) వేసి ఆర్థిక చర్చల్లో ముఖ్యాంశంగా నిలిచింది. కెనడా నుంచి వచ్చే స్టీల్‌ అల్యూమినియం దిగుమతులపై సుంకాలను రెట్టింపు చేస్తానని మొదట ప్రకటించి, కొన్ని గంటల్లోనే ఆ నిర్ణయాన్ని వెనక్కి తీసుకున్నారు. ఈ విషయం అమెరికా–కెనడా వాణిజ్య సంబంధాల్లో అనిశ్చితిని సృష్టించింది. ట్రంప్‌ తన పదవీ ఆరంభం నుంచి సుంకాలను ఆర్థిక విధానంలో కీలక ఆయుధంగా ఉపయోగిస్తున్నారు. మార్చి 4, 2025న, కెనడా(Canada), మెక్సికో(Mexico)పై 25% సుంకాలను విధించారు, దీనిని ఫెంటానిల్‌ డ్రగ్‌ ట్రాఫికింగ్‌ , అక్రమ వలసలను అరికట్టడానికి తీసుకున్న చర్యగా వివరించారు. ఈ సుంకాలు అమలులోకి వచ్చిన తర్వాత, కెనడా వాటిని ‘అన్యాయం‘ అని విమర్శిస్తూ, అమెరికా నుండి దిగుమతి అయ్యే వస్తువులపై 25% ప్రతీకార సుంకాలను విధించింది. ఈ వాణిజ్య యుద్ధం మధ్యలో, ఒంటారియో ప్రీమియర్‌ డగ్‌ ఫోర్డ్‌ అమెరికాకు విద్యుత్‌ ఎగుమతులపై 25% సర్‌చార్జ్‌ విధిస్తానని ప్రకటించారు, ఇది మిచిగాన్, మిన్నెసోటా, న్యూయార్క్‌లోని 15 లక్షల మంది వినియోగదారులను ప్రభావితం చేస్తుంది.

Also Read : తప్పుకున్న జస్టిన్‌ ట్రూడో.. అసాధారణ రీతిలో ప్రధాని కార్యాలయం నుంచి నిష్క్రమణ

డబుల్‌ సుంకాల ప్రకటన రివర్స్‌
ట్రంప్‌ ఒంటారియో విద్యుత్‌ సర్‌చార్జ్‌కు ప్రతిస్పందనగా కెనడా స్టీల్, అల్యూమినియంపై సుంకాలను 50%కి పెంచుతానని ట్రూత్‌ సోషల్‌లో పోస్ట్‌ చేశారు. ఈ ప్రకటన వెంటనే స్టాక్‌ మార్కెట్‌లో అలజడి సృష్టించింది, –్క 500 సూచిక 0.8% పడిపోయింది. కానీ, కొన్ని గంటల్లోనే డగ్‌ ఫోర్డ్‌ సర్‌చార్జ్‌ను సస్పెండ్‌ చేస్తున్నట్లు ప్రకటించడంతో ట్రంప్‌ కూడా 50% సుంకాల నిర్ణయాన్ని వెనక్కి తీసుకున్నారు. బదులుగా, మిగిలిన దేశాలతో సమానంగా 25% సుంకాలు మాత్రమే కెనడాపై అమలులోకి వస్తాయని వైట్‌ హౌస్‌ తెలిపింది.

ఎందుకు రివర్స్‌ గేర్‌?
ఆర్థిక ఒత్తిడి: డబుల్‌ సుంకాలు అమెరికా ఆటోమొబైల్‌ పరిశ్రమను దెబ్బతీస్తాయని, ఎందుకంటే కెనడా అమెరికాకు అతిపెద్ద స్టీల్, అల్యూమినియం సరఫరాదారు. ఈ రంగంలో ఉద్యోగాలు, ఉత్పత్తి ఖర్చులపై ప్రభావం ఉంటుందనే ఆందోళనలు వచ్చాయి.

కెనడా స్పందన: ఫోర్డ్‌ వెనక్కి తగ్గడం, యూఎస్‌ కామర్స్‌ సెక్రటరీ హోవార్డ్‌ లుట్నిక్‌తో చర్చలకు అంగీకరించడం ట్రంప్‌కు ఒక తాత్కాలిక విజయంగా కనిపించింది.

మార్కెట్‌ అస్థిరత: స్టాక్‌ మార్కెట్‌లో వచ్చిన తీవ్రమైన పతనం ట్రంప్‌ పరిపాలనపై ఒత్తిడి తెచ్చింది, దీంతో వెనక్కి తగ్గడం అవసరమైంది.

ట్రంప్‌ ‘రివర్స్‌ గేర్‌‘ తాత్కాలిక ఉపశమనం ఇచ్చినప్పటికీ, ట్రంప్‌ యొక్క సుంకాల విధానం యొక్క అనిశ్చితి కొనసాగుతోంది. కెనడా, అమెరికా మధ్య వాణిజ్య సంబంధాలు ఒత్తిడిలో ఉన్నాయి. ఏప్రిల్‌ 2, 2025న ‘రెసిప్రొకల్‌ టారిఫ్‌ డెడ్‌లైన్‌‘ కోసం చర్చలు జరుగుతాయి. ఈ ఘటన ట్రంప్‌ యొక్క వాణిజ్య విధానంలో ఊగిసలాటను, అతని నిర్ణయాల తీసుకోవడంలో ఆకస్మికతను సూచిస్తుంది.

Also Read : ట్రంప్‌ను వ్యతిరేకిస్తే యోధుడే.. ప్రపంచ వ్యాప్తంగా ఇలాంటి నేతలకు పెరుగుతున్న ఆదరణ..!