రెండో తుపాకీ రెడీ చేస్తున్న విజయ్

తమిళ స్టార్ హీరో విజయ్ కథానాయకుడిగా మురుగదాస్ దర్శకత్వంలో గతంలో ‘కత్తి’ .. ‘తుపాకి’ .. ‘సర్కార్’ సినిమాలు తెరకెక్కాయి. అవన్నీ కూడా విభిన్నమైన కథా కథనాలతో రూపొంది సంచలన విజయాలు సాధించాయి . ఈ సినిమాలు విజయ్ కెరియర్లో చెప్పుకోదగినవిగా నిలిచిపోయాయి. అలాంటి సినిమాలు అందించిన ఈ ఇద్దరి కాంబినేషన్లో త్వరలో మరో సినిమా రాబోతుంది. అయితే ఆ చిత్రం ‘తుపాకి’ సీక్వెల్ గా రాబోతుంది అని తెలుస్తోంది .

తమిళ స్టార్ హీరో విజయ్ – మురుగదాస్ కాంబినేషన్లో వచ్చిన ‘తుపాకి’ చిత్రం 2012లో విడుదలై భారీ విజయాన్ని సాధించింది. ఆ సినిమా తెలుగులో అనువదించబడి ఇక్కడ కూడా మంచి విజయం సాధించింది. ఆ తరవాత హిందీలో రీమేక్ కాబడి అక్కడ కూడా ఘన విజయం సాధించింది అలా పలు సంచలనాలకు కారణమైన ఆ సినిమాకి సీక్వెల్ చేయడానికి మురుగదాస్ రంగం సిద్ధం చేస్తున్నాడు ఆ క్రమంలో ఆల్రెడీ విజయ్ తో కథా చర్చలు కూడా జరిగినట్టుగా తెలిసింది. గతంలో ‘తుపాకి’ సినిమాను నిర్మించిన ‘వి’ క్రియేషన్స్ వారే ఈ సీక్వెల్ చిత్రాన్ని కూడా నిర్మించనున్నారు. త్వరలోనే ఈ ప్రాజెక్టుకు సంబంధించిన పూర్తి వివరాలు మనకు తెలిసే అవకాశముంది.
Sequels are safe bets