Flight Fuel : కారు, బైక్ లాగే విమానం మైలేజీని ఎలా లెక్కిస్తారు.. దానిలో పోసే ఆయిల్ కాస్ట్ ఎంతో తెలుసా ?

Flight Fuel : మనం కారు లేదా బైక్ మైలేజీ గురించి ఎప్పుడైనా చర్చించినప్పుడు.. కారు లేదా బైక్ ఒక లీటర్ పెట్రోల్‌తో ఎన్ని కిలోమీటర్లు నడుస్తుంది? అయితే విమానం ఎంత మైలేజీ ఇస్తుందని ఎప్పుడైనా ఆలోచించారా ? విమానం కూడా కారు లేదా బైక్ లాంటి ఇంధనాన్ని వినియోగిస్తుందా.. దాని మైలేజ్ ఎంత? ముఖ్యంగా విమానంలో ఎక్కడికో వెళ్తున్నప్పుడు దాని ఇంధన వినియోగం గురించి చాలా మంది మదిలో ఈ ప్రశ్న తలెత్తుతుంది. విమానం మైలేజ్ ఎంత, దానిలో ఎంత ఇంధనం వినియోగించబడుతుందో ఈ కథనంలో తెలుసుకుందాం. సుదూరంగా ప్రయాణించే విమానాలు భారీగా ఇంధనాన్ని నింపుకుంటాయి. కొన్ని విమానాలు తమ ఇంధన ట్యాంకుల్లో గరిష్టంగా 5,000 గ్యాలన్ల ఇంధనంతో బయలుదేరుతాయి. ఇది దాదాపు మూడు ఏనుగుల బరువుతో సమానం.

విమానం మైలేజీ ఎంత?
విమానం మైలేజీని “ఇంధన సామర్థ్యం” ఆధారంగా లెక్కిస్తారు. విమానం ఎన్ని కిలోమీటర్లు ప్రయాణిస్తుందో దానికి ఎన్ని లీటర్ల ఇంధనం అవసరమో తెలియజేస్తుంది. అయినప్పటికీ, విమానం మైలేజ్ కారు, బైక్ మైలేజీకి భిన్నంగా ఉంటుంది. ఎందుకంటే విమానాలు చాలా బరువుతో ఎగురుతాయి. అందుకు ఎక్కువ ఇంజిన్ శక్తి , ఇంధన వినియోగం అవసరం. సాధారణంగా, వాణిజ్య విమానయాన విమానం (బోయింగ్ 737 లేదా ఎయిర్‌బస్ A320 వంటివి) ఇంధన వినియోగం కిమీకి 3 నుండి 4 లీటర్ల మధ్య ఉంటుంది. అంటే విమానం ఒక కిలో మీటరు దూరం ప్రయాణించేందుకు 3 నుంచి 4 లీటర్ల ఇంధనాన్ని వినియోగిస్తుంది. ఇది కారు మైలేజీ కంటే చాలా ఎక్కువ, ఎందుకంటే సాధారణంగా ఒక కారు లీటరు ఇంధనంతో 15 నుండి 20 కిలోమీటర్లు దూరం ప్రయాణిస్తుంది.

ఇంధన ధర ఎంత?
జెట్ ఇంధనం ధర సమయం, ప్రదేశం ప్రకారం మారుతూ ఉంటుంది. అయితే సాధారణంగా 1 లీటర్ జెట్ ఇంధనం ధర రూ.60 నుండి రూ.80 వరకు ఉంటుంది. ఒక గంట విమానానికి సుమారుగా 5000 నుండి 6000 లీటర్ల ఇంధనం అవసరమైతే, అది ప్రయాణించిన విమానం రకం, ప్రయాణించిన దూరాన్ని బట్టి ఇంధన ధర రూ. 3 లక్షల వరకు ఉంటుంది. ఉదాహరణకు, బోయింగ్ 737 ఒక గంట విమానానికి దాదాపు 2500-3000 లీటర్ల ఇంధనాన్ని వినియోగిస్తుంది, అయితే బోయింగ్ 747 వంటి పెద్ద విమానాల కోసం ఈ సంఖ్య 10,000 లీటర్ల వరకు చేరుతుంది.