Sakkani Na Bava Aligindu: ఒకప్పుడు జానపద పాటలు గ్రామీణ ప్రాంతాలకు మాత్రమే పరిమితమయ్యేవి. కానీ డిజిటల్ మీడియాలో ఇవి వస్తూ.. సంగీత ప్రియులను ఉర్రూతలూగిస్తున్నాయి. ముఖ్యంగా యూట్యూబ్, ఇన్స్టాగ్రామ్, షార్ట్ వీడియో ప్లాట్ఫామ్ల ద్వారా జానపద గీతాలు కోట్లాది మంది ప్రేక్షకులను చేరుకుంటున్నాయి. సినిమా పాటలకు ఏమాత్రం తీసిపోకుండా ఫోక్ సాంగ్స్ ను భారీ ఖర్చు పెట్టి తీస్తున్నారు. దీంతో ఇవి వ్యూయర్స్ ను విపరీతంగా ఆకట్టుకుంటున్నాయి. ఇటీవల ఓ సాంగ్ మిలియన్ల వ్యూస్ తో దూసుకుపోతుంది. ఆ సాంగ్ వివరాల్లోకి వెళితె..
ఇటీవల యూట్యూబ్ లో విడుదలైన ‘సక్కని నా బావ అలిగిండు’ పాట ప్రస్తుతం సోషల్ మీడియాలో, యూట్యూబ్లో ట్రెండింగ్గా మారింది. విడుదలైన కొద్ది రోజుల్లోనే ఈ పాట మిలియన్ల సంఖ్యలో వ్యూస్ సాధిస్తూ దూసుకుపోతోంది. ప్రేక్షకులు ఈ పాటను పదేపదే వింటూ, షేర్ చేస్తూ వైరల్ చేస్తున్నారు. పాటలోని సాహిత్యం, సంగీతం, విజువల్స్ ప్రేక్షకులను బాగా ఆకట్టుకుంటున్నాయి. ఈ పాటకు హేమ రెడ్డి సాహిత్యం అందించగా..మమత రమేష్ తన గాత్రంతో ప్రత్యేక ఆకర్షణగా నిలిచారు. డీజే శేఖర్ ఇచ్చోడ అందించిన సంగీతం పాటకు మరింత ఊపు తెచ్చింది. అలాగే మాధురి రాథోడ్, రౌడీ హరీష్ నటన కూడా ప్రేక్షకుల ప్రశంసలు అందుకుంటోంది.
తెలంగాణ, ఆంధ్రప్రదేశ్ ప్రాంతాల్లో జానపద సంస్కృతికి ప్రత్యేక స్థానం ఉంది. గ్రామీణ జీవితం, ప్రేమ, కుటుంబ బంధాలు, పండుగలు, సంప్రదాయాలను ప్రతిబింబించే పాటలు ప్రజలకు త్వరగా కనెక్ట్ అవుతాయి. అందుకే ఫోక్ సాంగ్స్ వినగానే తమ మట్టివాసన, పల్లె జ్ఞాపకాలు గుర్తుకొస్తాయని చాలా మంది చెబుతున్నారు. ఈ భావోద్వేగ అనుబంధమే ఫోక్ పాటలను మరింత ప్రజాదరణ పొందేలా చేస్తోంది.
ఫోక్ సాంగ్స్ విజయంలో యూట్యూబ్ కీలక పాత్ర పోషిస్తోంది. ఒక మంచి పాట విడుదలైతే ప్రేక్షకులు వెంటనే దానిని సోషల్ మీడియాలో పంచుకుంటున్నారు. రీల్స్, షార్ట్ వీడియోలు, స్టేటస్ల రూపంలో పాటలు మరింత వేగంగా వైరల్ అవుతున్నాయి. ఒకసారి పాట ట్రెండ్లోకి వస్తే లక్షల నుంచి కోట్ల వ్యూస్ సాధించడం ఇప్పుడు సాధారణ విషయంగా మారింది. దీంతో నిర్మాతలు, గాయకులు, సంగీత దర్శకులు కూడా ఫోక్ సాంగ్స్పై ఎక్కువ దృష్టి పెడుతున్నారు.
గతంలో ప్రేక్షకుల దృష్టి ప్రధానంగా సినిమా పాటలపైనే ఉండేది. కానీ ఇప్పుడు ఫోక్ సాంగ్స్ కూడా అదే స్థాయిలో ఆదరణ పొందుతున్నాయి. కొన్ని జానపద పాటలు అయితే సినిమా పాటల కంటే ఎక్కువ వ్యూస్ సాధిస్తున్నాయి. తక్కువ బడ్జెట్తో రూపొందించినా, మంచి సాహిత్యం, ఆకట్టుకునే ట్యూన్ ఉంటే ప్రేక్షకులు వాటిని విపరీతంగా ఆదరిస్తున్నారు. దీంతో ఫోక్ మ్యూజిక్ ఇండస్ట్రీ వేగంగా విస్తరిస్తోంది.
