Rohit Sharma : రోహిత్ శర్మ రిటైర్ అవుతాడా? మెల్‌బోర్న్‌ టెస్టులో తన ప్రదర్శన చూసి అభిమానులు ఏమంటున్నారంటే ?

Rohit Sharma : రోహిత్ శర్మ బహుశా తన కెరీర్‌లో గడ్డు రోజులు ఎదుర్కొంటున్నాడు. ఇటీవలి కాలంలో అతని బ్యాటింగ్ , కెప్టెన్సీ రెండూ చాలా దారుణంగా ఉన్నాయి. ఒకవైపు అతడి బ్యాట్‌ నుంచి పరుగులు రావడం లేదు. మరోవైపు అతని సారథ్యంలో టీమ్‌ఇండియా వరుసగా పరాజయాలను ఎదుర్కొంటోంది. మెల్‌బోర్న్ టెస్టులో పేలవమైన కెప్టెన్సీ తర్వాత తొలి ఇన్నింగ్స్‌లో కేవలం 3 పరుగులకే ఔట్ అయిన తర్వాత అతని రిటైర్మెంట్ గురించి సోషల్ మీడియాలో చర్చ జరుగుతోంది. ఇప్పుడు ఈ మ్యాచ్ తర్వాత రిటైర్మెంట్ తీసుకోనున్నట్లు తెలుస్తోంది. దీని వెనుక పెద్ద కారణమే ఉన్నట్లు తెలుస్తోంది.

రోహిత్ రిటైర్మెంట్ వెనుక కారణం ఏంటి ?
రోహిత్ శర్మ పేలవ ప్రదర్శన కారణంగా అభిమానులు తనను రిటైర్మెంట్ కోరుతున్నారు. ఇప్పుడు ఈ విషయం కూడా నిజమేనని తేలింది. అయితే దీని వెనుక కారణం అతని ప్రదర్శన కాదు స్టీవ్ స్మిత్ సెంచరీ. నిజానికి 14 ఏళ్ల తర్వాత ఓ భారీ కారణం వెలుగులోకి వచ్చింది. 2014 ఆస్ట్రేలియా పర్యటనలో బాక్సింగ్ డే టెస్టులో స్మిత్ సెంచరీ సాధించినప్పుడు, భారత కెప్టెన్ ఎంఎస్ ధోనీ టెస్టు నుండి రిటైర్ అయ్యాడు. రెండు టెస్టుల్లో ఓడిపోయిన తర్వాత ధోనీ కూడా మెల్బోర్న్ చేరుకున్నాడు. మ్యాచ్ ముగిసిన తర్వాత, అతను డిసెంబర్ 30న రిటైర్మెంట్ ప్రకటించాడు.

బాక్సింగ్ డే టెస్టులో భారత్‌పై స్మిత్ మరోసారి సెంచరీ సాధించాడు. తన కెప్టెన్సీలో రెండు టెస్టుల్లో ఓడిపోయిన రోహిత్ కూడా మెల్బోర్న్ చేరుకున్నాడు. ఈ ఘటన, అతని ప్రదర్శన చూస్తుంటే, ఈ మ్యాచ్ తర్వాత రోహిత్ కెప్టెన్సీ నుండి తప్పుకుంటాడని భావిస్తున్నారు. అతను టెస్టు క్రికెట్‌కు రిటైర్మెంట్ కూడా ప్రకటించవచ్చు. అయితే, వారు ఏం నిర్ణయం తీసుకుంటారో సమయం వచ్చినప్పుడు మాత్రమే తెలుస్తుంది.

రోహిత్ పేలవ ప్రదర్శన
రోహిత్ శర్మ నిరంతరం పేలవ ప్రదర్శన ఇస్తున్నాడు. ప్రస్తుత సిరీస్‌లో అతను 4 ఇన్నింగ్స్‌ల్లో 5.5 సగటుతో 22 పరుగులు మాత్రమే చేశాడు. ఈ సమయంలో అతను 3,6,10 , 3 పరుగులను మాత్రమే సాధించాడు. కాగా, టెస్టు చివరి 14 ఇన్నింగ్స్‌ల్లో అతను 11.07 సగటుతో 155 పరుగులు మాత్రమే చేయగలిగాడు. అతని బ్యాట్ నుండి కేవలం 1 అర్ధ సెంచరీ మాత్రమే వచ్చింది. ఈ 14 ఇన్నింగ్స్‌ల్లో రోహిత్ 5 సార్లు డబుల్ ఫిగర్స్‌ను తాకగా, 10 పరుగుల వ్యవధిలో 9 సార్లు ఔట్ అయ్యాడు. ఇటీవల న్యూజిలాండ్‌తో జరిగిన టెస్టు సిరీస్‌ను 0-3 తేడాతో కోల్పోయింది. ప్రస్తుతం ఆస్ట్రేలియాతో జరుగుతున్న సిరీస్‌లో 2 మ్యాచ్‌లు ఓడిపోయింది.