IPL playoff qualification scenarios 2026: ఐపీఎల్ ప్రథమార్ధం ముగింపు దశకు చేరుకుంది.. ఇప్పటికే కొన్ని జట్లు వరుస విజయాలతో ముందు వరుసలో ఉంటే.. మిగతా జట్లు ఓటములతో ఇబ్బందులు పడుతున్నాయి.. వాస్తవానికి ఐపీఎల్ అంటేనే పోటీ విపరీతంగా ఉంటుంది. ఈ క్రమంలో ఓడిపోయిన జట్లు సత్తా చూపించాల్సిన సందర్భం వచ్చేసింది.
2026 ఐపిఎల్ లో పాయింట్లు పట్టికలో చివరి మూడు స్థానాల్లో లక్నో, ముంబై, కోల్ కతా నైట్ రైడర్స్ జట్లు కొనసాగుతున్నాయి. ఈ జట్లకు ప్రతి మ్యాచ్ చావో రేవో లాంటిదే. ప్లే ఆఫ్ దాకా వెళ్లాలంటే కచ్చితంగా ఈ జట్లు వరుస విజయాలు సాధించాలి. భారీ అంతరంతో గెలుపును దక్కించుకోవాలి.. లక్నో జట్టుకు ఇంకా ఐదు మ్యాచ్లు ఉన్నాయి. ముంబై జట్టుకు నాలుగు మ్యాచ్లు ఉన్నాయి. కోల్ కతా నైట్ రైడర్స్ జట్టు కు ఐదు మ్యాచ్లు ఉన్నాయి. వీటన్నిటిలో కూడా ఈ జట్లు గెలవాలి. అదే కాదు భారీ అంతరంతో విజయం సాధించిన తర్వాత.. ఇతర జట్ల ఫలితాల మీద ఆధారపడాలి.
ముంబై జట్టు మంగళవారం జరిగిన మ్యాచ్లో లక్నోపై అద్భుతమైన విజయం సాధించింది. ఈ విజయం మాత్రమే కాకుండా.. ఇంకా చాలా గెలుపులు సాధించి.. నెట్ రన్ రేట్ పెంచుకోవాలి. ఇతర జట్ల ఫలితాలను కూడా తనకు అనుకూలంగా వచ్చేలా కోరుకోవాలి. ముంబై మాత్రమే కాదు, లక్నో, కోల్ కతా నైట్ రైడర్స్ జట్ల పరిస్థితి కూడా ఇలానే ఉంది. ఈ నేపథ్యంలో రిషబ్ పంత్, హార్దిక్ పాండ్యా, రహానే వ్యూహాలు పకడ్బందీగా ఉంటేనే ఈ జట్లు గెలిచే అవకాశం ఉంది.
ఇక పంజాబ్, రాయల్ చాలెంజర్స్ బెంగళూరు ఐదింటిలో రెండు మ్యాచ్లు గెలవాలి. అలా గెలిస్తే అవి ప్లే ఆఫ్ వెళ్లిపోతాయి. హైదరాబాద్, రాజస్థాన్, గుజరాత్ టైటాన్స్ తలా నాలుగు మ్యాచ్లు ఆడాల్సి ఉంది. కనీసం రెండు మ్యాచ్లలో అద్భుతమైన విజయాలు అందుకుంటే ఈ జట్లు ప్లే ఆఫ్ వెళ్లిపోతాయి.. చెన్నై సూపర్ కింగ్స్, హెలికాపిటల్స్ ఇంకా ఐదు మ్యాచ్లు ఆడాల్సి ఉంది. ఒక్కో జట్టు నాలుగు మ్యాచ్లు కచ్చితంగా గెలవాలి. అందులో కూడా భారీ అంతరంతో విజయం సాధించాలి. అప్పుడే ఆ జట్లు ప్లే ఆఫ్ వెళ్లిపోతాయి.
ఇటీవల పంజాబ్, రాజస్థాన్, బెంగళూరు, హైదరాబాద్ జట్లు ఊహించని విధంగా ఓటములు ఎదుర్కొన్నాయి. ఈ ఓటములు ఆ జట్ల గణాంకాలలో పెద్దగా మార్పులు తీసుకురాలేకపోయినప్పటికీ.. ఐపీఎల్ పోటీని మాత్రం రసవత్తరంగా మార్చేశాయి. ఈ క్రమంలో తదుపరి మ్యాచ్లలో పది జట్లు ఎలా ఆడతాయి.. అభిమానులకు ఎలాంటి క్రికెట్ వినోదాన్ని అందిస్తాయనేది చూడాల్సి ఉంది.
