Today 2 November 2025 Horoscope: గ్రహాల మార్పుతో కొన్ని రాశులపై ప్రభావం ఉంటుంది. ద్వాదశ రాశులపై ఆదివారం పూర్వాభాద్ర నక్షత్ర ప్రభావం ఉండనుంది. దీంతో కొన్ని రాశుల వ్యాపారులకు వద్దన్నా డబ్బు వచ్చే అవకాశం ఉంటుంది. ఉద్యోగులకు అనుకూలమైన వాతావరణము ఉండాలని ఉంది. మేషంతో సహా మీనం వరకు మొత్తం రాశుల ఫలితాలు ఎలా ఉన్నాయో చూద్దాం.
మేష రాశి (అశ్విని, భరణి,1,2,3,4) : ఈరోజు జీవిత భాగస్వామితో సంతోషంగా ఉండగలుగుతారు. పిల్లల కెరీర్ పై కీలక నిర్ణయం తీసుకుంటారు. ఉద్యోగులకు అనుకూలమైన వాతావరణం ఉంటుంది. పెండింగ్ ప్రాజెక్టులను ఈరోజు పూర్తి చేస్తారు. తోటి వారి సహాయంతో అనుకున్న పనులన్నీ పూర్తవుతాయి. దీంతో అధికారుల నుంచి ప్రశంసలు పొందుతారు. సాయంత్రం స్నేహితులతో ఉల్లాసంగా ఉంటారు. వ్యాపారులు కొత్త వ్యక్తులను నమ్మద్దు.
వృషభరాశి( కృత్తిక 2,3,4 రోహిణి) : విద్యార్థులు పోటీ పరీక్షలో పాల్గొంటారు. ఇదే సమయంలో వారి భవిష్యత్తు గురించి తల్లిదండ్రులు కీలకమైన నిర్ణయాలు తీసుకుంటారు. నిరుద్యోగులు శుభవార్తలు అందుకుంటారు. ఉద్యోగులకు పదోన్నతి వచ్చే అవకాశాలు ఉన్నాయి. ఆధ్యాత్మిక కార్యక్రమాల్లో పాల్గొంటారు. సమాజ సేవ చేయడంతో గుర్తింపు వస్తుంది. దీంతో అనుకున్న పనులను పూర్తి చేయగలుగుతారు.
మిథున రాశి( మృగశిర 3,4 అరుద్ర): ఈ రాశి వారికి ఈ రోజు సమాజంలో గుర్తింపు వల్ల లభిస్తుంది. దీంతో రాజకీయాల్లోకి వెళ్లాలనుకునే వారికి అనుకూలమైన వాతావరణం ఉంటుంది. వ్యాపారులకు కొత్త వ్యక్తులు పరిచయమవుతారు. వీరితో అదనపు వ్యాపారం చేయడానికి ఆసక్తి చూపుతారు. ఉద్యోగులకు అధికారుల మద్దతు ఉంటుంది. దీంతో అనుకున్న పనులను పూర్తి చేసి వారి నుంచి ప్రశంసలు పొందుతారు.
కర్కాటక రాశి(పునర్వసు 4, పుష్యమి, అశ్లేష) : . ఈ రాశి వారు పెండింగ్ పనులను విజయవంతంగా పూర్తి చేస్తారు. కుటుంబ సభ్యులతో సంతోషంగా ఉంటారు. గతంలో కంటే వ్యాపారులకు ఇప్పుడు ఆదాయం పెరుగుతుంది. పూర్వికుల ఆస్తికి సంబంధించి శుభవార్తను వింటారు. సోదరుల మధ్య ఉన్న విభేదాలు తొలగిపోతాయి. జీవిత భాగస్వామి కోసం విలువైన వస్తువులు కొనుగోలు చేస్తారు. కుటుంబంలో సమస్యలు ఎదురైతే వాదనలు చేయకుండా ఉండాలి.
సింహా రాశి( ముఖ, పుబ్బ, ఉత్తర 1) : ఈ రాశి వారు ఈరోజు ప్రత్యర్థులను ఎదుర్కోవాల్సి వస్తుంది. కొత్త వ్యక్తులతో ఆర్థిక వ్యవహారాలు జరిపేటప్పుడు జాగ్రత్తగా ఉండాలి. పిల్లల భవిష్యత్తు కోసం కీలక నిర్ణయం తీసుకుంటారు. వ్యాపారులకు ఈరోజు లాభాలు ఉంటాయి. ఉద్యోగులు అదనపు ఆదాయం కోసం చేసే ప్రయత్నాలు పలుస్తాయి. సమాజంలో గౌరవం పెరుగుతుంది. విద్యార్థులు పోటీ పరీక్షలో పాల్గొంటే విజయం సాధిస్తారు.
కన్యరాశి(ఉత్తర 2,3,4 హస్త చిత్త 1,2) : కన్య రాశి వారికి ఈరోజు అనుకూలమైన వాతావరణం ఉంటుంది. కుటుంబ సభ్యుల మధ్య ప్రేమానుబంధాలు పెరిగిపోతాయి. జీవిత భాగస్వామి కోసం విలువైన వస్తువులు కొనుగోలు చేస్తారు. వ్యాపారులకు అడ్డంకులు తొలగిపోతాయి. దీంతో ఊహించని దానికంటే ఎక్కువగా లాభాలు వస్తాయి. అయితే ఇదే సమయంలో కొందరితో వాదనలు చేయాల్సి వస్తుంది. ఉద్యోగులు అనుకున్న పనులను పూర్తి చేయడంతో సంతృప్తిగా ఉంటారు.
తుల రాశి(చిత్త 3,4, స్వాతి: విశాఖ 1,2,3) : ఈ రాశి విద్యార్థులు ఈరోజు సంతోషంగా ఉండగలుగుతారు. గతంలో పోటీ పరీక్షలో పాల్గొన్న ఫలితాలు వచ్చే అవకాశం ఉంది. భవిష్యత్తు కోసం కీలక నిర్ణయం తీసుకుంటారు. కొందరు విదేశాలకు వెళ్లేందుకు ప్రయత్నిస్తారు. కుటుంబ సభ్యుల నుంచి శుభవార్తలు వింటారు. వ్యాపారులకు శత్రువుల బెడద తొలగిపోతుంది. గతంలో కంటే ఇప్పుడు లాభాలు పొందుతారు.
వృశ్చిక రాశి(విశాఖ 4, అనురాధ, జ్యేష్ఠ) : ఈ రాశి వారు ఈ రోజు దూర ప్రయాణాలు చేయాల్సివస్తే జాగ్రత్తగా ఉండాలి. సొంత వాహనాలపై వెళ్లకపోవడమే మంచిది. సాయంత్రం స్నేహితులతో ఉల్లాసంగా ఉంటారు. సామాజిక కార్యక్రమాల్లో పాల్గొనడంతో గుర్తింపు వస్తుంది. దీంతో కొన్ని పనులు పూర్తవుతాయి. పెండింగ్లో ఉన్న డబ్బు వసూలు అవుతుంది. ఆధ్యాత్మిక కార్యక్రమాల్లో పాల్గొంటారు. ఉద్యోగులు కార్యాలయాల్లో జాగ్రత్తగా ఉండాలి.
ధనస్సు రాశి ( మూల, పుర్వాషాఢ, ఉత్తరాషాడ 1) : ఈ రాశి వారు ఏదైనా వివాదంలో చిక్కుకుంటే ఈరోజు బయటపడతారు. కుటుంబ జీవితం సంతోషంగా ఉంటుంది. పెండింగ్లో ఉన్న పనులు ఈరోజు పూర్తవుతాయి. బంధువులతో వివాదం ఏర్పడే అవకాశం ఉంటుంది. అయితే ఏదైనా మాట్లాడేటప్పుడు జాగ్రత్తగా ఉండాలి. పెద్దల ఆరోగ్యం పై ప్రత్యేక దృష్టి పెట్టాలి. అదనపు ఆదాయం కోసం ప్రయత్నం చేసే ఉద్యోగులు ఈరోజు శుభవార్తలు వింటారు.
మకర రాశి (ఉత్తరాషాఢ 2,3,4 శ్రవణం, ధనిష్ఠ 1,2) : ఈ రాశి వారు ఈరోజు కొన్ని విజయాలను అందుకుంటారు. బంధువుల నుంచి దనా సహాయం అందుతుంది. ఆర్థిక పరిస్థితులు మెరుగుపడతాయి. పెండింగ్ పనులను పూర్తి చేసుకుంటారు. పిల్లల భవిష్యత్తుపై ఈరోజు కీలక నిర్ణయం తీసుకుంటారు. వీరు పోటీ పరీక్షలో పాల్గొంటే విజయం సాధిస్తారు. ఆధ్యాత్మిక కార్యక్రమంలో పాల్గొనడంతో మనసికంగా ప్రశాంతంగా ఉంటారు.
కుంభ రాశి (ధనిష్ఠ 3,4 శతభిష పూర్వాభాద్ర 1,2,3) : ఈ రాశి వ్యాపారులకు ఈరోజు అనుకూలమైన వాతావరణం. ఉద్యోగులకు తోటి వారి సహాయం ఉంటుంది. నాణ్యమైన సమయాన్ని వృధా చేసుకోకుండా ఉండాలి. ఖర్చులు పెరిగే అవకాశం. కుటుంబ సభ్యులతో కలిసి విహారయాత్రలకు వెళ్తారు. వ్యాపారులు కొత్తగా వ్యాపారం ప్రారంభించే అవకాశం ఉంటుంది. వీరికి కుటుంబ సభ్యుల మద్దతు ఉంటుంది. స్నేహితులతో సరదాగా ఉంటారు.
మీనరాశి (పూర్వాభద్ర 4, ఉత్తరాభాద్ర రేవతి ) : ఈ రాశి వారికి ఈ రోజు మిశ్రమ ఫలితాలు ఉండలు ఉన్నాయి. వ్యాపారులు కొత్త వ్యక్తులతో జాగ్రత్తగా ఉండాలి. ఉద్యోగులకు అదనప ఆదాయం వచ్చే అవకాశం ఉంటుంది. స్నేహితులతో ఉల్లాసంగా ఉంటారు. కుటుంబ సభ్యులతో కలిసి విహారయాత్రలకు వెళ్తారు. ప్రియమైన వారికోసం వస్తువులు కొనుగోలు చేస్తారు. అనవసరపు వివాదాల్లోకి తలదూర్చకుండా ఉండాలి.
