Today 19 August 2025 Horoscope: గ్రహాల మార్పుకు అనుగుణంగా కొన్ని రాశులపై ప్రభావం పడుతుంది. దీంతో ఆయా రాశులు కలిగిన వారి జీవితాల్లో ఊహించని సంఘటనలు ఎదురవుతాయి. మంగళవారం మేషం నుంచి మీనం వరకు రాశుల ఫలితాలు ఎలా ఉన్నాయో చూద్దాం..
Also Read: సినీ కార్మికుల కష్టాలను తెలుసుకున్న చిరంజీవి… సమ్మె ఎత్తేస్తున్నారా..?
మేష రాశి (అశ్విని, భరణి,1,2,3,4) : ఉద్యోగులు ఈరోజు ఉల్లాసంగా ఉంటారు. అధికారుల నుంచి ప్రశంసలు వస్తాయి. వీలైనంత త్వరగా ఇతరుల అప్పును తీర్చాలి. లేకుంటే తీవ్ర సమస్యలు వచ్చే అవకాశం ఉంది. స్నేహితులతో ఉల్లాసంగా ఉంటారు. వ్యాపారుల ఆదాయం పెరుగుతుంది. కుటుంబ సభ్యుల మధ్య విభేదాలు తొలగిపోతాయి. నిరుద్యోగులు శుభవార్తలు వింటారు.
వృషభరాశి( కృత్తిక 2,3,4 రోహిణి) : ఉద్యోగులకు ఈరోజు పదోన్నతి వచ్చే అవకాశాలు ఎక్కువగా ఉన్నాయి. విద్యార్థులకు ప్రోత్సాహం ఎక్కువగా ఉంటుంది. దీంతో పోటీ పరీక్షలో విజయం సాధించే అవకాశం ఉంది. గతంలో కంటే ఇప్పుడు ఆరోగ్యం మెరుగుపడుతుంది. నిరుద్యోగులు శుభవార్తలు వింటారు. బంధువుల్లో జరిగే ఓ పెళ్లి కోసం బిజీగా మారిపోతారు.
మిథున రాశి( మృగశిర 3,4 అరుద్ర): అధికారుల అండదండలతో ఉద్యోగులు లక్ష్యాలను పూర్తి చేస్తారు. వ్యాపారుల ఆదాయం పెరుగుతుంది. కొత్త భాగస్వాములు చేరుతారు. దీంతో వ్యాపారాన్ని విస్తరిస్తారు. కొత్తగా పెట్టుబడులు పెట్టేవారు పెద్ద సలహా తీసుకోవాలి. ఉద్యోగులు లక్ష్యాలను పూర్తి చేయడంలో బిజీగా ఉంటారు. పిల్లల ఆరోగ్యం పై ప్రత్యేక దృష్టి పెట్టాలి. ఏ చిన్న సమస్య వచ్చినా వెంటనే వైద్యులను సంప్రదించాలి.
కర్కాటక రాశి(పునర్వసు 4, పుష్యమి, అశ్లేష) : వ్యాపారులకు ఆశించిన లాభాలు వస్తాయి. ఆర్థిక వ్యవహారాల్లో జీవిత భాగస్వామి సలహా ఉంటుంది. పెండింగ్ పనులను పూర్తి చేస్తారు. బంధుమిత్రుల నుంచి శుభవార్తలు వింటారు. పిల్లల చదువుపై ప్రత్యేక శ్రద్ధ పెడతారు. దూర ప్రయాణాలు చేయాల్సి వస్తే జాగ్రత్తగా ఉండాలి. వ్యాపారులకు కొత్త అవకాశాలు వస్తాయి. కొత్త భాగస్వాములతో జాగ్రత్తగా ఉండాలి.
సింహా రాశి( ముఖ, పుబ్బ, ఉత్తర 1) : ఈ రాశి వారు ఈ రోజు ఆరోగ్యం పై ప్రత్యేక దృష్టి పెట్టాలి. అధికారుల నుంచి ఉద్యోగులకు ఒత్తిడి ఉంటుంది. అయితే తోటి వారి సహాయంతో కొన్ని పనులను పూర్తిగా చేయగలుగుతారు. నిరుద్యోగులకు అనుకున్న అవకాశాలు లభిస్తాయి. దీంతో ఉల్లాసంగా ఉంటారు. అనుకోకుండా దూర ప్రయాణాలు చేయాల్సి వస్తుంది. మానసికంగా ఉల్లాసంగా ఉంటారు.
కన్యరాశి(ఉత్తర 2,3,4 హస్త చిత్త 1,2) : ఉద్యోగ ప్రయత్నాల్లో ఉండేవారు శుభవార్తను వింటారు. ఆరోగ్య విషయంలో ప్రత్యేక దృష్టి పెట్టాలి. బంధువుల నుంచి ధన సహాయమందుతుంది. ఇతరులకు డబ్బు ఇవ్వాల్సి వస్తే ఆలోచించాలి. వ్యాపారులు ప్రత్యర్థులపై కన్నేసి ఉంచాలి. అవసరపు వివాదాల్లో తలదూర్చకుండా ఉండాలి. డబ్బు విషయంలో జీవిత భాగస్వామి సలహా పాటించడం మంచిది.
తుల రాశి(చిత్త 3,4, స్వాతి: విశాఖ 1,2,3) : వ్యాపారులు దూర ప్రయాణాలు చేస్తారు. ఈ ప్రయాణం వల్ల వారికి లాభాలు అధికంగా ఉంటాయి. పెండింగ్లో ఉన్న డబ్బు వసూలు అవుతుంది. కొన్ని సమస్యల నుంచి బయటపడతారు. నిరుద్యోగులకు ఊహించని అవకాశాలు అందుతాయి. జీవిత భాగస్వామితో సంతోషంగా ఉండగలుగుతారు. అనుకున్న ఆదాయం రావడంతో వ్యాపారులు సంతోషంగా ఉంటారు.
వృశ్చిక రాశి(విశాఖ 4, అనురాధ, జ్యేష్ఠ) :. వ్యాపారం సాధారణంగా ఉంటుంది. ఆర్థిక వ్యవహారాలు జరిపేటప్పుడు పెద్దల సలహా తీసుకోవాలి. జీవిత భాగస్వామితో వ్యాపారం చేసేవారు ఆదాయం ఎక్కువగా పొందుతారు. దూర ప్రయాణాలు వెళ్లేవారు సొంత వాహనాలపై వెళ్లకుండా ఉండాలి. కుటుంబ జీవితం సంతోషంగా ఉంటుంది. ఇంట్లో జరిగే శుభకార్యం కారణంగా బిజీగా మారిపోతారు.
ధనస్సు రాశి ( మూల, పుర్వాషాఢ, ఉత్తరాషాడ 1) : అర్హులైన వారికి వివాహ ప్రతిపాదనలు వస్తాయి. ఉద్యోగులు శుభవార్తలు వింటారు. అధికారుల అండదండలతో పదోన్నతులు పొందే అవకాశం ఉంది. ఆరోగ్య విషయంలో ప్రత్యేక దృష్టి పెట్టాలి. పెద్దల సలహాతో కొత్త పెట్టుబడులు పెడతారు. విద్యార్థులు పోటీ పరీక్షల పాల్గొంటే విజయం సాధిస్తారు.
మకర రాశి (ఉత్తరాషాఢ 2,3,4 శ్రవణం, ధనిష్ఠ 1,2) : వ్యాపారులు ఎక్కువగా శ్రమించాల్సి వస్తుంది. ఆర్థిక పరిస్థితి అనుకున్న దానికంటే ఎక్కువగా లాభం ఉంటుంది. ఉద్యోగులు చేసే ప్రయత్నాలు సక్సెస్ అవుతాయి. ఇంటికి సంబంధించిన వస్తువులు కొనుగోలు చేస్తారు. గతంలో చేపట్టిన పనులు విజయవంతంగా పూర్తి చేస్తారు. కుటుంబ విషయాల్లో జాగ్రత్తగా ఉండాలి. వివాదం తలెత్తితే మౌనంగా ఉండడమే మంచిది.
కుంభ రాశి (ధనిష్ఠ 3,4 శతభిష పూర్వాభాద్ర 1,2,3) : అధికారులతో ఈరోజు సంతోషంగా ఉండగలుగుతారు. నిరుద్యోగులు ఉద్యోగ ప్రయత్నాలు చేస్తారు. వ్యాపారులు కొంచెం కష్టపడాల్సి వస్తుంది. ప్రయాణాల్లో జాగ్రత్తగా ఉండాలి. ఆరోగ్యం కుదుటపడుతుంది. విద్యార్థుల పోటీ పరీక్షలో పాల్గొంటే విజయం సాధిస్తారు.
మీనరాశి (పూర్వాభద్ర 4, ఉత్తరాభాద్ర రేవతి ) : ఆర్థికంగా అభివృద్ధి చెందుతారు. విలాసవంతమైన జీవితం ఉంటుంది. ఖర్చుల విషయంలో జాగ్రత్తగా ఉండాలి. అనుకోకుండా కొన్ని వివాదాలు చుట్టుముడతాయి. అయితే జీవిత భాగస్వామితో కలిసి కొన్ని సమస్యలను పరిష్కరిస్తారు. స్నేహితుల నుంచి ధన సహాయం అందుతుంది.
