షకీలా జీవిత చరిత్రకి గ్రీన్ సిగ్నల్ !

ఒకప్పటి హాట్ బాంబ్ షకీలా జీవిత చరిత్రని సినిమాగా తీస్తున్నామని కన్నడ దర్శకుడు ఇంద్రజిత్ లంకేశ్ గతేడాది బాగానే హడావిడి చేసి.. ఆ తర్వాత ఎందుకో మళ్ళీ షకీలా బయోపిక్ గురించి మళ్ళీ పట్టించుకోలేదు. ఇక ఈ బయోపిక్ అటకెక్కినట్లే అని భావిస్తున్న తరుణంలో ఏకంగా ఈ మూవీ విడుదల గురించి మాట్లాడుతున్నాడు దర్శకుడు ఇంద్రజిత్. బాలీవుడ్ హీరోయిన్ రిచా చద్దా షకీలా పాత్రలో రానున్న ఈ బయోపిక్ ను హిందీ, కన్నడ, తెలుగు, తమిళ, మలయాళ భాషల్లో విడుదలయ్యేలా మేకర్స్ కాస్త గట్టిగానే ప్లాన్ చేస్తున్నారు.

Also Read: మహేష్ బాబు ప్లేస్ లో బాలీవుడ్ స్టార్ !

కాకపోతే ఇప్పటికీ ఈ బయోపిక్ కి అనేక ఆర్థిక సమస్యలు ఉన్నట్లు ఉన్నాయి. ప్రస్తుతం ఆ సమస్యలను సాల్వ్ చేసే పనిలో ఉన్నారు మేకర్స్. దీనికి కరోనా.. దాంతో ఇన్నాళ్లూ విడుదలకు నోచుకోలేదు ఈ సినిమా. కాగా మొత్తానికి “షకీలా” పేరుతోనే రూపొందిన ఈ బయోపిక్ ఈ క్రిస్మస్ కి (డిసెంబర్ 25, 2020) థియేటర్లోకి వస్తుంది అని లేటెస్ట్ గా ఓ పోస్టర్ విడుదల చేసింది టీమ్. ఐతే, అసలు థియేటర్ల వైపు జనం ముఖం చూడని ఈ కరోనా కష్ట కాలంలో.. ఎప్పుడో ఫేడ్ అవుట్ అయిన షకీలా సినిమా చూసేందుకు జనం వస్తారా అనేదే ఇక్కడ పెద్ద ప్రశ్న.

Also Read: ‘సోలో బ్రతుకే’ మిగిలిన సినిమాలకు మార్గదర్శి !

పైగా ఈ సినిమాకి బిజినెస్ కూడా జరగలేదు. అప్పులు చేసి మరి మేకర్స్ ఈ సినిమాని చేశారు. మరి కలెక్షన్స్ ఏ రేంజ్ లో వస్తాయో చూడాలి. ఏది ఏమైనా ఆంధ్రప్రదేశ్ లో పుట్టి పెరిగిన షకీలా 1990లలో శృంగార చిత్రాల క్వీన్ గా వెలుగొంది.. ఆ రోజుల్లో ఒక సంచలనం సృష్టించింది. ముఖ్యంగా మలయాళ చిత్రసీమని ఓ ఊపు ఊపేసింది. అప్పట్లో ఓ రేంజులో ఆమె హవా నడిచినా చివరకు ఆమె జీవితం చాల కష్టాల్లో ఉంది.

మరిన్ని సినిమా వార్తల కోసం బాలీవుడ్ న్యూస్