Bigg Boss 10 Nagarjuna remuneration: కోట్లాది మంది బుల్లితెర ప్రేక్షకులు ఎప్పుడెప్పుడా అని వెయ్యి కళ్ళతో ఎదురు చూస్తున్న ‘బిగ్ బాస్ 10’ ప్రారంభానికి అన్ని విధాలుగా సిద్ధం అవుతున్నారు మేకర్స్. గత సీజన్ లో లాగానే , ఈ సీజన్ లో కూడా ‘అగ్నిపరీక్ష’ షో ద్వారా సామాన్యులను ఎంపిక చేసి బిగ్ బాస్ హౌస్ లోకి పంపబోతున్నారు. అందుకు సంబంధించిన దరఖాస్తులు కూడా ఈ నెల 12 నుండి స్వీకరిస్తున్నారు మేకర్స్. మరో 10 గంటల సమయం మాత్రమే మిగిలి ఉంది. ఎవరైనా బిగ్ బాస్ లోకి వెళ్లాలని అనుకుంటే , వెంటనే దరఖాస్తు చేసుకోండి , జియో హాట్ స్టార్ లో ఈ వెసులుబాటు ఉంటుంది. ఇకపోతే ఈ సీజన్ కి సంబంధించి కొన్ని ఆసక్తికరమైన విషయాలు తెలిసాయి. ఈసారి మేకర్స్ సెలబ్రిటీ కంటెస్టెంట్స్ ని మామూలు రేంజ్ ఉన్నవాళ్ళని తీసుకొని రావడం లేదు.
జనాల్లో మంచి పాపులారిటీ , ఫ్యామిలీ ఆడియన్స్ లో విపరీతమైన క్రేజ్ ఉన్నవాళ్ళని తీసుకొస్తున్నారు. వాళ్ళు ఎవరెవరు అనేది కొద్దిరోజుల్లోనే స్పష్టమైన క్లారిటీ రానుంది. 10 మంది సెలబ్రిటీలు , 10 మంది కామనర్స్ తో ఈ సీజన్ ని మొదలు పెట్టబోతున్నారని టాక్. వైల్డ్ కార్డు ఎంట్రీలు కూడా ఉంటాయట. ఇకపోతే ఈ సీజన్ కి కూడా అక్కినేని నాగార్జున నే హోస్ట్ గా వ్యవహరించబోతున్నాడు. గత సీజన్ పెద్ద బ్లాక్ బస్టర్ అవ్వడం తో , అక్కినేని నాగార్జున ఈ సీజన్ కోసం దాదాపుగా 40 కోట్ల రూపాయిల రెమ్యూనరేషన్ ని తీసుకోబోతున్నారు అట. నాగార్జున సినిమాలకు కూడా ఈ రేంజ్ రెమ్యూనరేషన్ తీసుకోవడం లేదు. ఆయన నాలుగు సినిమాల రెమ్యూనరేషన్స్ కలిపినా ఇంత రెమ్యూనరేషన్ రాదట. అంతే కాదు , బిగ్ బాస్ అన్ని భాషలకు సంబంధించిన సీజన్స్ హోస్టులు కూడా ఈ రేంజ్ రెమ్యూనరేషన్స్ ని అందుకోవడం లేదట.
నాగార్జున కి ఈ రేంజ్ రెమ్యూనరేషన్ ఇవ్వడానికి కారణం , ఆయన హోస్టింగ్ ఫ్యామిలీ ఆడియన్స్ కి బాగా నచ్చడం వల్లే. కంటెస్టెంట్స్ మీద నోరు పారేసుకోకుండా, ఒక పెద్ద మనిషి తరహా లో వాళ్ళు చేస్తున్న తప్పులని వేలెత్తి చూపిస్తూ , తన హోస్టింగ్ ని గత 7 సీజన్స్ ని కొనసాగిస్తూ వస్తున్నాడు నాగార్జున. ఆయనకు అత్యంత ఆదరణ లభిస్తుండడం వల్లే, ఇప్పటికీ హోస్ట్ గా కొనసాగుతున్నాడు , అడిగినంత రెమ్యూనరేషన్ ఇస్తున్నారు. ఈ సీజన్ కూడా హిట్ అయితే ఇక రాబోయే రోజుల్లో ఏ రేంజ్ డిమాండ్ చేస్తాడో చూడాలి. సెప్టెంబర్ 6 నుండి ఈ సీజన్ మొదలు కానుంది. అదే విధంగా ‘అగ్నిపరీక్ష 2’ ప్రోగ్రాం జులై 25 నుండి మొదలు అవ్వబోతుందట.
