కరోనాను కట్టడి చేసేందుకు ఎన్ని వేల కోట్లు అయినా ఖర్చు పెడుతానన్నసీఎం కేసీఆర్… ఇప్పుడు ఎందుకు ప్రభుత్వ ఉద్యోగుల వేతనాలను కట్ చేస్తున్నారని బిజెపి సీనియర్ నేత, మాజీ మంత్రి డి కె అరుణ ప్రశ్నించారు.
ధనిక రాష్ట్రం అని పదే పదే చెప్పుకునే కేసీఆర్ ఇప్పుడు ఆర్థిక లోటు అనటం విడ్డురంగా ఉందని అరుణ ధ్వజమెత్తారు. కేవలం వారం రోజులు లిక్కర్ షాపులు బంద్ చేస్తే రాష్ట్రంలో ఆర్థిక లోటు వచ్చిందా అని ప్రశ్నించారు. వారం రోజుల లాక్ డౌన్ కే ఇలాంటి నిర్ణయాలు తీసుకుంటే ఎలా…ఇక ముందు ఎలాంటి పరిస్థితులు ఉంటాయో తెలియదని, మరి వాటిని ఎలా ఎదుర్కొంటారని ఆమె దుయ్యబట్టారు.
ప్రభుత్వ ఉద్యోగుల జీతాలకు సగం మేర కొత్త విధించాలని కేసీర్ ప్రభుత్వం తీసుకున్న నిర్ణయంతో ఉద్యోగులు భయబ్రాంతులకు గురవుతున్నారని అరుణ విమర్శించారు. అసలు రాష్ట్రంలో ఇలాంటి ఆర్ధిక పరిస్థితి రావడానికి మీరు తీసుకున్న అనాలోచిత నిర్ణయాలే కారణమని ఆరోపించారు.
ప్రతి రోజు పోరాడుతున్న ఉద్యోగులకు మీరిచ్చే బహుమానం ఇదేనా అని ఆమె నిలదీశారు. నెల జీతంపై ఆధారపడి బతికే ఉద్యోగుల వేతనాల్లో ఏక పక్షంగా 50 శాతం కోత విధిస్తే కుటుంబాల జీవన పరిస్థితి దారుణంగా తయారవుతుందని ఆమె ఆందోళన వ్యక్తం చేశారు.
దేశంలో కరోనా మహమ్మరి విజృంభిస్తుంది. కరోనా నివారణకు కేంద్రం ఇప్పటికే లాక్డౌన్ చేపట్టింది. ఈ నేపథ్యంలో సినిమా షూటింగ్లు, సినిమా థియేటర్లు మూతపడటంతో సినీ స్టార్లు ఇంటికే పరిమితమయ్యారు. పలువురు సెలబ్రెటీలు సోషల్ మీడియాలో కరోనాపై అవగాహన కల్పిస్తున్నారు. ఇటీవల టాలీవుడ్ స్టార్లు కరోనాపై ఓ వీడియో సాంగ్ విడుదల చేశారు. ఇందులో మెగాస్టార్ చిరంజీవి, కింగ్ నాగార్జున్, వరుణ్ తేజ్, సాయిధరమ్ తేజ్, మ్యూజిక్ డైరెక్టర్ కోటి నటించారు. ఈ పాటకు అభిమానుల నుంచి మంచి స్పందన వచ్చింది.
బ్యాంకింగ్ రంగంలో తెలుగువారికో గుర్తింపు, గౌరవం అన్నట్లు ఇన్నాళ్లు కొనసాగిన ఆంధ్రాబాంక్ అధ్యాయం ఇక ముగిసినట్టే. 98 ఏళ్ళుగా సేవలందిస్తున్న ఈ ఆర్థిక రంగ సంస్ధ నేటి నుంచి కనుమరుగయ్యింది. బ్యాంకుల విలీన ప్రక్రియలో భాగంగా కేంద్ర ప్రభుత్వం ఆంధ్రాబ్యాంక్, కార్పొరేషన్ బ్యాంకులను యూనియన్ బ్యాంక్లో విలీనం చేసిన విషయం తెలిసిందే. ఈ ప్రక్రియ ఏప్రిల్ ఒకటి నుంచి అమల్లోకి రావడంతో ఇకపై ఆంధ్రాబ్యాంక్ లోగోకు బదులు యూనియన్ బ్యాంకు లోగో లేదా కొత్త లోగో దర్శనమిస్తుంది. ప్రముఖ స్వాతంత్య్ర సమరయోధుడు డాక్టర్ భోగరాజు పట్టాభి సీతారామయ్య 1923 నవంబరులో ఆంధ్రా బ్యాంక్ను స్థాపించారు. 1980 ఏప్రిల్లో జాతీయ బ్యాంకుగా అవతరించింది. 2019 మార్చి నాటికి 26 రాష్ట్రాలు, మూడు కేంద్ర పాలిత ప్రాంతాల్లో 2,885 శాఖలు, 3,798 ఏటీఎంలకు ఆంధ్రాబ్యాంకు విస్తరించింది. 1981లో దేశంలో తొలిసారిగా క్రెడిట్ కార్డుల వ్యాపారాన్ని ప్రారంభించింది ఆంధ్రాబాంకే. అంతటి చరిత్ర ఉన్న బ్యాంకు విలీనాన్ని వ్యతిరేకిస్తూ చాలారోజులపాటు ఉద్యోగులు ఆందోళనలు చేసినా కేంద్ర ప్రభుత్వం పట్టించుకోలేదు. తననుకున్నట్టే విలీన ప్రక్రియను పూర్తిచేసింది. అయితే లోగో మారినా బ్యాంక్ జోనల్ కార్యాలయాలు, లీడ్ బ్యాంకు కార్యాలయాలు యథావిధిగా అదే భవనాల్లో కొనసాగనున్నాయని అధికారులు తెలిపారు.
కరోనా వైరస్ ఎప్పుడు ఎవరి మీద పంజా విసురుతుందో తెలియట్లేదు. టాప్ సెలెబ్రిటీల మొదలు సామాన్యులు దాకా గొప్ప బీదా అనే తేడా లేకుండా అందరినీ కబళిస్తోంది ప్రపంచ వ్యాప్తంగా సినీ రంగానికి చెందిన అనేక మంది ఇప్పటికే దీని బారిన పడ్డారు. ఇక ఇండియాలో ప్రముఖ సింగర్ కనికా కపూర్ కరోనా బారిన పడి చికిత్స పొందుతోంది. కొన్ని రోజుల క్రితం హాలీవుడ్ స్టార్ హీరో టామ్ హాంక్స్ అతని భార్య షూటింగ్ నిమిత్తం ఆస్ట్రేలియా వెళ్లి కరోనా పాజిటివ్ గా మారారు ఆ తరవాత వైద్యం చేయించుకొని కోలుకున్నారు. కాగా మరో హాలీవుడ్ నటుడు కరోనా కారణంగా చనిపోవడం జరిగింది.
కరోనా లాక్ డౌన్ అంటూ సినీ పరిశ్రమకి థియేటర్ లు దూరమయ్యాయి. అనూహ్య పరిణామాలతో దేశ వ్యాప్తంగా సినీ ఇండస్ట్రీకి కూడా కోలుకోలేని దెబ్బ తగిలింది . కరోనా దెబ్బకు సినిమాని ప్రేక్షకులకి చేరవేసే దారులన్నీ మూసుకు పోయాయి. సింగల్ థియేటర్స్ దగ్గర నుంచి మల్టీప్లెక్స్ థియేటర్స్ దాకా అన్నీ క్లోజ్ చేసేశారు. టాలీవుడ్ , బాలీవుడ్ , కోలీవుడ్ మల్లువుడ్ , శాండల్ వుడ్ ఇలా అన్ని భాషాల చిత్రాలు విడుదలకు నోచుకోక విముక్తికోసం ఎదురు చూస్తున్నాయి.
మూడు వరాల పాటు లాక్ డౌన్ ను ప్రకటించడంతో కరోనా వైరస్ మహమ్మారి వ్యాప్తి అదుపులోకి వస్తున్నదని దేశ ప్రజలు ఊపిరి పీల్చుకొంటున్న సమయంలో భారత్ ను ఇప్పుడు ‘మర్కజ్’ ప్రకంపనలు కుదిపివేస్తున్నాయి. ఢిల్లీలోని నిజాముద్దీన్ ప్రాంతం.. దేశంలో కరోనా వ్యాప్తికి తాజా కేంద్రంగా మారింది.