హైదరాబాద్ లో సచివాలయంను కూల్చేసి, అదే స్థలంలో కొత్త సచివాలయ భవనం కట్టాలని కేసీఆర్ సర్కార్ నిర్ణయించింది. నిజానికి ప్రభుత్వం ఈ నిర్ణయం గత ఏడాది జూన్ లోనే తీసుకుంది. జూన్ 27న ఇదే ప్రాంగణంలో కొంచెం అవతలివైపు సీఎం కేసీఆర్ కొత్త సచివాలయ భవనానికి శంకుస్థాపన చేశారు. ఈలోపు కొందరు సచివాలయ కూల్చివేతకు వ్యతిరేకంగా హైకోర్టులో పిటిషన్లు వేశారు. ఇవి దాదాపు ఏడాదిపాటు నడిచాయి. ఈ భవనాలు బాగానే ఉన్నాయని, వాటిన కూల్చాల్సిన అవసరం లేదని పిటిషనర్లు వాదించారు. చివరికి మూడు నాలుగు రోజుల క్రితం హైకోర్టు ఈ అంశంలో తుది తీర్పు ఇచ్చింది. భవనాల కూల్చివేతలో తాము జోక్యం చేసుకోలేమని, సచివాలయం ఎక్కడ ఉండాలి, ఎక్కడ నిర్మించాలి అనేది ప్రభుత్వం ఇష్టమని తీర్పు ఇచ్చింది. దాంతో సోమవారం అర్థరాత్రి నుంచి ఎవరికీ ఎలాంటి సమాచారం ఇవ్వకుండా అత్యంత రహస్యంగా కూల్చివేత పనులు ప్రారంమయ్యాయి. కూల్చివేత పనులు జరుగుతున్న ప్రాంతం చుట్టూ భారీ బందోబస్తు ఏర్పాటు చేశారు. టీఆర్ఎస్ నేతల నుంచి అందుతున్న సమాచారం ప్రకారం ఏడాదిలోపే కొత్త భవనం నిర్మాణం పూర్తి చేయాలని ముఖ్యమంత్రి భావిస్తున్నట్లు తెలుస్తోంది.
పాత సచివాలయం కూల్చివేతకు కారణాలు?
పాత సచివాలయం దగ్గర పార్కింగ్ స్థలం సరిగ్గా లేదని, విదేశాల నుంచి వచ్చే అతిథులకు ఆతిథ్యం ఇచ్చే సందర్భాల్లోనూ సౌకర్యాల లేమి కొట్టొచ్చినట్లు కనబడుతోందని అప్పట్లో ప్రభుత్వం చెప్పింది. ప్రభుత్వ అవసరాలు తీర్చే సమావేశ మందిరాలు, వీడియో కాన్ఫరెన్స్ హాళ్లు లేవని.. ఉద్యోగులు, ఇతర సందర్శకుల కోసం కెఫెటేరియా, క్యాంటీన్ల లాంటి సదుపాయాలు కొరవడ్డాయని భావించింది. అధికారులు, సిబ్బంది ఒక భవనం నుంచి మరో దానికి వెళ్ళడం కష్టంగా ఉందని, ఫైళ్ల తరలింపులోనూ ఇబ్బందులు ఉంటున్నాయని ప్రభుత్వం గతంలో వివరించింది. ఈ నిర్మాణాలు నేషనల్ బిల్డింగ్, గ్రీన్ బిల్డింగ్ ప్రమాణాలకు లోబడి లేవని, ఏదైనా అగ్ని ప్రమాదం జరిగితే జనం బయటకు పరిగెత్తి ప్రాణాలు కాపాడుకోలేని దుస్థితిలో అవి ఉన్నాయని తెలంగాణ ప్రభుత్వ ఉన్నతాధికారులు గతంలో చెప్పారు.
ఏ లోటుపాట్లు లేకుండా, అంతర్జాతీయ ప్రమాణాలతో కొత్త సమీకృత సచివాలయం నిర్మిస్తామని కేసీఆర్ మొదటి నుంచీ చెబుతున్నారు. తెలంగాణకే తలమానికంగా ఉండేలాగా దానిని నిర్మిస్తామన్నారు. దీనికి తోడు 2014లో తెలంగాణ ఏర్పడినప్పటి నుంచి ప్రభుత్వానికి సంబంధించి ఐకానిక్ భవనాలు ఉండాలని సీఎం కేసీఆర్ భావిస్తూ వచ్చారు. ముఖ్యమంత్రి అధికారిక నివాసం అయిన క్యాంప్ కార్యాలయాన్ని కూడా ఆయన ఆధునీకరించారు. దానికి ప్రగతి భవన్ అనే పేరుపెట్టారు. కేసీఆర్ తర్వాత అసెంబ్లీ, సచివాలయం కలిపి ఒక ఇంటిగ్రేటెడ్ కాంప్లెక్స్ నిర్మించాలని ప్రయత్నించారు. దాని నిర్మాణం కోసం జంట నగరాల్లో చాలా ప్రాంతాలను పరిశీలించారు. సికింద్రాబాద్ పెరేడ్ గ్రౌండ్స్ లేదా జింఖానా గ్రౌండ్స్ లో నిర్మిస్తారని, ఎర్రగడ్డ ఛాతీ ఆస్పత్రిని తరలించి అక్కడ కడతారని, ఎర్రమంజిల్ లో సచివాలయం నిర్మిస్తారని రకరకాల వార్తలు వచ్చాయి. చివరకు పాత సచివాలయం ఉన్నచోటే, ఆ భవనాన్ని కూల్చేసి కొత్త భవనం కట్టడానికి ప్రభుత్వం ఇప్పుడు సిద్ధమైంది.
మేము చదువుకునే రోజుల్లో చైనా అన్నా, చైనా విప్లవమన్నా వల్లమాలిన అభిమానం వుండేది. ‘చైనాపై అరుణతార’ రాసిన ఎడ్గార్ స్నో పుస్తకం అమితాసక్తితో ఒకటికి రెండుమూడుసార్లు చదివాం. చైనా లాంగ్ మార్చ్ కధలు విని ఒళ్ళు పులకించేది. మావో సేటుంగ్ నడిపిన ఎర్రవిప్లవం, రైతాంగ పోరాటం యువకులను ఉర్రూతలూగించాయి. చైనా విప్లవం కలిగించిన స్ఫూర్తి అంతా ఇంతా కాదు. 1962 భారత -చైనా యుద్ధం వరకూ హిందీ-చీనీ భాయ్ భాయ్ డిల్లీ వీధుల్లో మారుమోగింది. 1962 యుద్ధం భారత కమ్యూనిస్టు ఉద్యమంలోనూ మొట్టమొదట సారి విభేదాలు ప్రస్ఫుటంగా ప్రజల ముందు కొచ్చాయి. నాయకుల్లో ఒకవర్గం భారత్ ని సమర్ధిస్తూ చైనాని ఖండిస్తే మరొక వర్గం చైనాని ఖండించటానికి నిరాకరించింది. ఆ వర్గమే తర్వాతదశలో సిపిఎం గా అవతరించింది. అయితే ఆ చీలిక అక్కడితో ఆగకుండా తర్వాతదశలో నక్సలైట్లు గా ఆవిర్భవించింది. మావో సేటుంగ్ నాయకత్వాన నక్సలైట్లను, ఈశాన్య భారత దేశంలో అనేక వేర్పాటువాద సంస్థలను ప్రోత్సహించటం జరిగింది. అయినా మావో సేటుంగ్ పై అభిమానం పూర్తిగా చావలేదు. ఎందుకంటే ఉడుకురక్తం అలాంటిది. వున్న వ్యవస్థలోని లోపాలపై కోపం, చైనా విప్లవంతో ఆ లోపాలు పోయి మంచి ఆదర్శ వ్యవస్థ ఏర్పడుతుందనే నమ్మకం ఆ అభిమానాన్ని చావకుండా ఉంచింది. దానికి తోడు కాలేజీ ల్లో దాన్ని ఆరాధించే సాహిత్యమే అందుబాటులో వుండేది. మా దగ్గర లైబ్రరీ ల్లో సగం పుస్తకాలు చైనా విప్లవాన్ని గురించే వుండేయి. ఆ గుడ్డి ఆరాధన లో మావో అన్నా , చైనా విప్లవమన్నా పడిచచ్చేవాళ్ళం. ఇందులో ఎటువంటి స్వార్ధం లేదు. సమాజం మారాలంటే అదే ఆదర్శమనే భావనలో వుండే వాళ్ళం.
కాంగ్రెస్ కి కనీస నైతిక నియమాలు పాటించాలనేది ఎప్పుడూ గుర్తుకురాదు. స్వాతంత్రం వచ్చిన కొత్త లో ఏమన్నా పాటించిందేమోగానీ తదనంతర చరిత్ర అంతా అధికారమే పరమావధిగా కొనసాగింది. నిన్నటికి నిన్న భారత-చైనా గొడవల్లో దేశం తలమునకలైవుంటే రాహుల్ గాంధీ మాత్రం మోడీని ఎలా ఇరకాటంలో పెట్టాలనేదానిమీదే అస్త్రాలు ఎక్కుపెట్టాడు. అయితే మోడీ తక్కువేమీ తినలేదు. గాంధీ కుటుంబం పెట్టిన మూడు ట్రస్టులపై విచారణ చేపట్టాడు. ఈ ట్రస్టు ల్లో నిధులు ఎలా ఖర్చయ్యాయనేది తేల్చే పనిలో మోడీ-అమిత్ షా ద్వయం నిమగ్నమయ్యింది. ఇంతకు ముందే జివికె రెడ్డి కుటుంబంపై కూడా సిబిఐ , ఇడి దర్యాప్తు చేపట్టారు. జివికె కుమారుడు సంజయ్ రెడ్డి కి కాంగ్రెస్ కోశాధికారి తిక్కవరపు సుబ్బరామి రెడ్డి కూతుర్ని ఇచ్చారు. సుబ్బరామి రెడ్డి కాంగ్రెస్ కి నిధులు సమకూర్చటం లో దిట్ట అని వేరే చెప్పనవసరం లేదు. జివికె కుటుంబం ముంబై విమానాశ్రయం లో మళ్లించిన వందల కోట్ల రూపాయల నిధుల్లో కాంగ్రెస్ నాయకులకు ఎన్ని ముడుపులు అందాయనేది తేల్చటానికే ఈ దర్యాప్తు చేపట్టరనేది ఆనోటా ఈనోటా వినబడుతున్న మాట. ఒకవైపు రాబర్ట్ వాద్రాపై కేసులు, అహ్మద్ పటేల్ పై కేసులు రెండోవైపు ఈ కొత్త కేసులు వెరసి గాంధీ కుటుంబం చుట్టూ మోడీ-అమిత్ షా ద్వయం ఉచ్చు బిగిస్తున్నట్లు తెలుస్తుంది. మోడీకి ఇంకా నాలుగు సంవత్సరాలు టైముంది. ఈ లోపల ఈకేసులన్నీ ఓ కొలిక్కి వస్తాయి. ఇది గ్రహించే సోనియా, రాహుల్ , ప్రియాంక గాంధీలకు భయం పట్టుకుంది. అందుకే సమయం, సందర్భం లేకుండా నిగ్రహం కోల్పోయి మాట్లాడుతున్నారు. మోడీ నిర్వహించిన అఖిలపక్ష వీడియో మీటింగ్ లో సోనియా గాంధీ తప్ప అందరూ దేశ భద్రతకు సంబంధించి మోడీకి బాసటగా నిలిచారు. సోనియా గాంధీ ఒంటరిదయ్యింది. రోజు రోజుకీ గాంధీ పరివారము బలహీనపడుతుంది.
ఈ మధ్య విశాఖపట్నంలో అధికారుల హడావుడి మొదలైనట్లు తెలుస్తోంది. ఇటీవలి కాలంలో ఓ ఉన్నతాధికారి విశాఖ పర్యటించి వచ్చారని, సీఎం కార్యాలయం కోసం సరైన ప్రదేశాన్ని ఎంపిక చేసే పని మీదే ఆయనకు అక్కడ వచ్చారని కొందరు అభిప్రాయ పడుతున్నారు.
సీఎం కేసీఆర్పై తప్పు వార్త రాశారని ఓ జర్నలిస్ట్ ను జూబ్లీహిల్స్ పోలీసులు అరెస్టు చేశారు. ఆదాబ్ హైదరాబాద్ పత్రిక ఈ-పేపర్ లో “సీఎం కేసీఆర్కు కరోనా” ,”హరితహారం కార్యక్రమంలో సోకిందా” వార్త రెండు రోజుల క్రితం పబ్లిష్ అయింది. దాని పేపర్ క్లిప్ సోషల్ మీడియాలో వైరల్ అయ్యింది. దీనిపై హైదరాబాద్ రహమత్ నగర్ కి చెందిన టీఆర్ఎస్ కార్యకర్త మహ్మద్ ఇలియాస్ ఆదివారం జూబ్లీహిల్స్ పోలీసులకు ఫిర్యాదు చేశాడు. దీంతో ఆదాబ్ హైదరాబాద్ జర్నలిస్ట్ వెంకటేశ్వరరావు, యాజమాన్యంపై ఐపీసీ 505(1)(బి), 505(2) రెడ్ విత్34 సెక్షన్లతో డిజాస్టర్ మేనేజ్మెంట్ యాక్ట్ సెక్షన్ 54 కింద కేసు నమోదు చేశారు. వెంకటేశ్వరరావు స్వస్థలం ఖమ్మం జిల్లాకు వెళ్లి ఆయన్ను అరెస్ట్ చేశారు.
