Kapu Meeting: వైఎస్ఆర్ కాంగ్రెస్ పార్టీ సరికొత్త కుల రాజకీయం మొదలుపెట్టింది. ముఖ్యంగా కాపులపై దృష్టి పెట్టింది. కాపుల్లో చీలిక వస్తే కానీ వచ్చే ఎన్నికల్లో కష్టమన్న నిర్ణయానికి వచ్చిన ఆ పార్టీ.. ఒక డేంజర్ గేమ్ మొదలుపెట్టింది. కాపు ఆత్మీయ సమావేశాల పేరుతో ఇప్పటికే వైసీపీ కాపు నేతలు రంగంలోకి దిగారు. త్వరలో ఉభయగోదావరి తో పాటు విశాఖ భారీ బహిరంగ సభకు ప్లాన్ చేస్తున్నారు. అయితే వైసిపి కాపు నేతలతో పోల్చుకుంటే కూటమి కాపు నేతలు అంత దూకుడు ప్రదర్శించడం లేదు. అదే విషయాన్ని సీఎం చంద్రబాబు మంత్రివర్గ సమావేశంలో సైతం ప్రస్తావించారు. డిప్యూటీ సీఎం పవన్ కళ్యాణ్ను టార్గెట్ చేస్తుంటే మిగతా మంత్రులు ఏం చేస్తున్నారు అని ప్రశ్నించారు. తప్పకుండా కౌంటర్ ఇవ్వాల్సిందేనని తేల్చి చెబుతున్నారు. కానీ నేతల్లో చలనం లేకపోవడం ఆందోళన కలిగిస్తోంది.
* వారంతా దూకుడు..
వైయస్సార్ కాంగ్రెస్ పార్టీలో కాపు నేతలుగా ఉన్నారు అంబటి రాంబాబు, పేర్ని నాని, గుడివాడ అమర్నాథ్, బొత్స సత్యనారాయణ, ఆళ్ల నాని వంటి వారు. అయితే వారు దూకుడుగా ముందుకు వెళుతున్నారు. జగన్మోహన్ రెడ్డి ఇచ్చిన టాస్క్ ను అదే స్థాయిలో పూర్తి చేస్తున్నారు. ఎందుకంటే వారికి ఆప్షన్ లేదు. రాజకీయంగా ప్రత్యామ్నాయం కనిపించడం లేదు. వైసీపీని గెలిపిస్తేనే తమకు రాజకీయ భవిష్యత్తు ఉంటుందని వారు బలంగా భావిస్తున్నారు. అందుకే బలమైన ప్రయత్నం చేస్తున్నారు. కానీ కూటమి నుంచి ఆ స్థాయిలో కౌంటర్ లేకుండా పోతోంది.
* టిడిపి కూటమి నేతలు ఉన్నా..
టిడిపి కూటమికి సంబంధించి ఉత్తరాంధ్ర నుంచి మొదలు పెడితే.. కిమిడి కళా వెంకట్రావు, గంటా శ్రీనివాసరావు, జ్యోతుల నెహ్రూ, మంత్రులు నారాయణ, నిమ్మల రామానాయుడు, జనసేన నుంచి ప్రముఖ నేతలు ఉన్నారు. దాదాపు ఓ 40 మంది ఎమ్మెల్యేలు కూడా ఉన్నారు. కానీ ఏ ఒక్కరూ కౌంటర్ ఇచ్చిన దాఖలాలు లేవు. అనవసరంగా కుల ప్రస్తావనలు ఎందుకులే అన్నట్టు వారి వ్యవహార శైలి ఉంది. అయితే మొన్ననే పవన్ కళ్యాణ్ తన సొంత పార్టీ శ్రేణులపై ఆగ్రహం వ్యక్తం చేశారు. వైసిపి నేతలకు ఎందుకు కౌంటర్ ఇవ్వలేకపోతున్నారని ప్రశ్నించారు. చంద్రబాబు సైతం మంత్రివర్గ సమావేశంలో సహచరులకు దీనిపైనే నిలదీశారు. వైయస్సార్ కాంగ్రెస్ పార్టీని బలంగా ఎదుర్కోవాల్సిన అవసరం ఉందని అభిప్రాయపడ్డారు.
* పవన్ చంద్రబాబు అలెర్ట్
కాపుల విషయంలో వైయస్సార్ కాంగ్రెస్ పార్టీ డేంజర్ గేమ్ ఆడుతోంది. దీనిని గట్టిగా తిప్పి కొట్టకపోతే టిడిపి కూటమికి నష్టం. ఇప్పుడు సాయి కృష్ణ ఉదంతంతో మరింత రెచ్చిపోతోంది వైయస్సార్ కాంగ్రెస్ పార్టీ. వాస్తవానికి సాయి కృష్ణ కు నేరచరిత ఉంది. ఆయనను వెనుకేసుకొస్తున్న వైయస్సార్ కాంగ్రెస్ పార్టీ వైఖరిని ఎండ కట్టాల్సిన అవసరం ఉంది. చట్టానికి విరుద్ధంగా ఒక నేరస్తుడ్ని లాకప్ డెత్ చేయడం అనేది నేరం. దానిపైనే ఇప్పుడు వైసీపీ దృష్టి పెట్టినట్లు కనిపిస్తోంది. త్వరలో ఉభయగోదావరి తో పాటు విశాఖలో భారీ బహిరంగ సభ పెట్టాలని చూస్తోంది. ఇప్పుడు పవన్ తో పాటు చంద్రబాబు అప్రమత్తం కావడంతో కూటమి కాపు నేతలు సైతం రంగంలోకి దిగుతున్నారు. గతంలో వైసిపి హయాంలో కాపులకు ఏ విధంగా అన్యాయం జరిగింది.. కూటమి వచ్చాక దక్కుతున్న గౌరవం పై కాపు సమాజానికి వివరించే ప్రయత్నం చేయనున్నారు. త్వరలో కూటమి కాపు నేతల సభ భారీగా ఉండబోతుందన్న టాక్ ఉంది. చూడాలి మరి ఏం జరుగుతుందో.
నాగ చైతన్య తో రిలేషన్ పై సమంత ఎమోషనల్ కామెంట్స్..ఇంత బాధని ఎలా దాచుకుందో..
Samantha Emotional Comments: కొంత గ్యాప్ తర్వాత సమంత ప్రధాన పాత్ర పోషించిన ‘మా ఇంటి బంగారం’ చిత్రం భారీ అంచనాల నడుమ రీసెంట్ గానే విడుదలై సెన్సేషనల్ బ్లాక్ బస్టర్ గా నిల్చింది. సంక్రాంతి సీజన్ లో వచ్చిన సినిమాల తర్వాత , ఈ చిత్రమే కమర్షియల్ గా భారీ బ్లాక్ బస్టర్ గా నిల్చింది. బయ్యర్స్ కి మూడింతల లాభాలు తెచ్చిపెట్టింది. ఈ సందర్భంగా సమంత తన మూవీ టీం తో కలిసి నిన్న ఏర్పాటు చేసిన ప్రెస్ మీట్ లో ఈ చిత్రం గురించి , అదే విధంగా తన మొదటి వైవాహిక జీవితం లోని అనుభవాలను నేటి తరం స్త్రీలకు చెప్తూ ఆమె మాట్లాడిన కొన్ని మాటలు ఇప్పుడు సోషల్ మీడియా లో బాగా వైరల్ అయ్యాయి.
ఒక రిపోర్టర్ సమంత ని ప్రశ్న అడుగుతూ ‘ప్రతీ మగాడి విజయం వెనుక ఒక స్త్రీ ఉంటుందని అంటుంటారు, కానీ మీ జీవితం లోకి ఆయన వచ్చిన తర్వాత మొదటి సక్సెస్ ని ఎదురుకున్నారు. ఒక అబ్బాయిని ఎంచుకునే అమ్మాయిలు ఈమధ్య చాలా తడబడుతున్నారు, అలాంటి వారికి మోటివేషన్ గా మీరేమి చెప్తారు’ అని అడుగుతారు. అందుకు సమంత సమాధానం చెప్తూ ‘కెరీర్ అనేది మన చేతుల్లోనే ఉంటుంది. కానీ రిలేషన్ షిప్స్ మాత్రం మన చేతుల్లో ఉండదు. నేను నా అనుభవాలతో అర్థం చేసుకున్నది ఏమిటంటే మన మీద మనకు పూర్తిగా ఆత్మవిశ్వాసం ఉండాలి. అప్పుడే మనం సరైన వాళ్ళని మన జీవిత భాగస్వాములు గా ఎంచుకోగలం. కానీ ఎప్పుడైతే మన మీద మనకు నమ్మకం లేకుండా, అసంపూర్ణ భావం తో ఉంటూ , అతను నీ జీవితం లోకి వస్తేనే సంపూర్ణం అవుతుందని అనుకున్నప్పుడే తప్పులు జరుగుతాయి. ఎందుకంటే మనకు జీవిత భాగస్వామి పై అంచనాలు ఎక్కువగా ఉంటాయి కాబట్టి. అది కరెక్ట్ కాదు, నేను మహిళలకు ఇచ్చే అతి ముఖ్యమైన సూచన ఏమిటంటే, ఎదుటి వ్యక్తి మీద ఆధారపడాలి అనుకోకండి, మిమ్మల్ని మీరు బలంగా నమ్మండి’ అంటూ చెప్పుకొచ్చింది సమంత.
ఇదంతా ఆమె నాగ చైతన్య తో వైవాహిక జీవిత అనుభవాలను ఆధారంగా తీసుకొనే చెప్పిందని స్పష్టంగా తెలుస్తోంది. ఇకపోతే గత కొంతకాలం నుండి సమంత గర్భం దాల్చింది అనే ప్రచారం సోషల్ మీడియా బాగా ప్రచారం జరిగిన సంగతి అందరికీ తెలిసిందే. చాలా కాల గ్యాప్ తర్వాత వచ్చారు , ఇకపై గ్యాప్ ఇవ్వకుండా సినిమాలు చేస్తారా అని రిపోర్టర్ అడిగిన ప్రశ్న కి , సమంత సమాధానం చెప్తూ ‘దయచేసి క్షమించండి , ఇప్పుడు గర్భం తో ఉన్నాను , మెటర్నిటీ లీవ్ తీసుకోవాల్సి ఉంటుంది’ అని చెప్పేసింది. స్వయంగా ఆమెనే ఈ విషయాన్ని చెప్పడంతో అభిమానులు సంబరాలు చేసుకుంటున్నారు.