Pawan Kalyan pet animal: ‘ఓజీ 2’ చిత్రం త్వరలోనే మొదలు అవ్వబోతుంది అనే వార్త వచ్చినప్పటి నుండి సోషల్ మీడియా లో ఈ సినిమా మేనియా ఏ రేంజ్ లో కొనసాగుతుందో మన కళ్లారా చూస్తూనే ఉన్నాం. ఎక్కడ చూసినా ఈ చిత్రం గురించే చర్చ, గంటల వ్యవధి లో లక్షల పోస్టులు పడుతున్నాయి. మన టాలీవుడ్ లో ప్రస్తుతం ఉన్న పాన్ ఇండియన్ బడా చిత్రాలకు మంచి హైప్ ఉంది , అందులో ఎలాంటి సందేహం లేదు , కానీ ‘ఓజీ 2’ కి వచ్చినంత క్రేజ్ ఏ చిత్రానికి రాలేదు అనడంలో ఎలాంటి సందేహం లేదు. నిన్న ఈ చిత్రానికి సంబంధించి పవన్ కళ్యాణ్ , సుజిత్ మధ్య జరిగిన స్టోరీ మీటింగ్ వీడియో బయటకు వచ్చింది. అంతే ఒక్కసారిగా సోషల్ మీడియా బ్లాస్ట్ అయిపోయింది. ఎక్కడ చూసినా ఈ వీడియో గురించే చర్చ .
ముఖ్యంగా ఇందులో డైరెక్టర్ సుజిత్ పవన్ కళ్యాణ్ కి కథ ని వివరిస్తూ ‘స్నో మొత్తం బ్లడ్ అయిపోయి ఉంటుంది, అప్పుడు ఓజాస్ గంభీర ఇంట్రడక్షన్ షాట్’ అని అంటాడు , దానికి మంచి రెస్పాన్స్ వచ్చింది , అదే వీడియో లో ‘అతనికి ఒక పెట్ (పెంపుడు జంతువు ) ఉంటుంది అన్నమాట’ అని సుజిత్ అనగానే, వెనుక డ్రాగన్ ఫోటో ని చూపిస్తారు. డ్రాగన్ లాంటి పవర్ ఫుల్ జంతువూ పేర్లతో సినిమాలు తీస్తుంటే , ఇక్కడ ఏకంగా అలాంటి జంతువూ ని హీరో పెంచుకుంటున్నట్టు చూపించారు, ఇది మామూలు మాస్ ఎలివేషన్ కాదు , థియేటర్స్ లో ఈ సన్నివేశం వచ్చినప్పుడు పరిస్థితి ఊహిస్తేనే దిమ్మి తిరిగి పోతుంది అంటూ సోషల్ మీడియా లో ఫ్యాన్స్ , నెటిజెన్స్ కామెంట్స్ చేస్తున్నారు. ఇక సోషల్ మీడియా లో ఉండే ఎడిటర్స్ టాలెంట్ ఎలాంటిదో తెలిసిందే కదా.
పైగా ఇప్పుడు AI అందుబాటులోకి వచ్చింది. దీంతో ఒక్కొక్కరు తమ అద్భుతమైన క్రియేటివిటీ ని బయటకు తీస్తూ , డ్రాగన్ ని పవన్ కళ్యాణ్ ఎలా పెంచుకున్నాడో ఊహిస్తూ ఎడిటింగ్స్ చేస్తున్నారు. వాటికి నెటిజెన్స్ నుండి సెన్సేషనల్ రెస్పాన్స్ వచ్చింది. మీమ్ పేజీలు అయితే అసలు ఆగడం లేదు. ప్రతీ గంటకు ఒక పోస్టు దింపుతూనే ఉన్నారు. వీటిని అన్నిటిని చూసాక అభిమానుల్లో ఒక కొత్త టెన్షన్ మొదలైంది, ఓజీ 2 లో డ్రాగన్ గురించి ఇంత హైప్ ఇస్తున్నారు , ఒకవేళ డ్రాగన్ ని సినిమాలో చూపించకపోతే పరిస్థితి ఏంటి?, అభిమానులు బాగా నిరాశకు గురి అవుతారేమో అంటూ పవన్ ఫ్యాన్స్ కొంత మంది సోషల్ మీడియా ద్వారా తమ అనుమానం వ్యక్తం చేస్తున్నారు.
మొన్న ట్రంప్కు.. నేడు నాటో చీఫ్కు.. వరుసగా ఇచ్చిపడేస్తున్న మోలోనీ!
Giorgia Meloni Comments NATO Chief: ఇటలీ ప్రధాని జార్జియా మెలోనీ ఇటీవల అగ్రరాజ్యం అమెరికా అధ్యక్షుడు డొనాల్డ్ ట్రంప్కు మాటకు మాట సమాధానం ఇచ్చారు. ఇటీవల ఫ్రాన్స్లో జరిగిన జీ7 సదస్సుకు ఇద్దరు దేశాధినేతలు హాజరయ్యారు. సదస్సు అనంతరం అమెరికా వెళ్లిన ట్రంప్ తన సొంత సోషల్ మీడియా ట్రూత్లో సమావేశం సందర్భంగా మెలోనీ తనతో ఫొటో దిగాలని ప్రాధేయపడిందని పేర్కొన్నారు. తర్వాత ఓ మీడియా సమావేశంలోనూ ఇదే వ్యాఖ్యలు చేశారు. దీంతో మెలోనీ దీటుగా సమాధానం ఇచ్చారు. ఇటలీ ఎవరినీ ప్రాధేయపడదని స్పష్టం చేశారు. ఎవరికోసం పాకులాడదని వెల్లడించారు. చీప్ మెంటాలిటీ తనది కాదని స్పష్టం చేశారు. దీంతో ట్రంప్ నోరు మూసుకున్నారు.
తాజాగా నాటో చీఫ్ వ్యాఖ్యలు..
తాజాగా నాటో ప్రధాన కార్యదర్శి మార్క్ రుట్టే అమెరికా మీడియాకు ఇచ్చిన ఇంటర్వ్యూలో అమెరికా ఇరాన్పై చేపట్టిన సైనిక చర్యల సందర్భంగా యూరప్లోని అమెరికా స్థావరాల నుంచి వేలాది విమానాలు ఎగిరాయని, వాటిలో ఇటలీలోని స్థావరాల నుంచి వందల సంఖ్యలో విమానాలు బయలుదేరాయని పేర్కొన్నారు. ఈ మాటలు ఇటలీ నేరుగా యుద్ధంలో పాల్గొన్నట్లు అభిప్రాయం కలిగించాయి.
ఖండించిన మోలోనీ..
ఫ్రాన్స్తో జరిగిన ద్వైపాక్షిక సమావేశం ముగింపులో మీడియాతో మాట్లాడిన ఇటలీ ప్రధాని జార్జియా మెలోనీ రుట్టే వ్యాఖ్యలను తీవ్రంగా తిరస్కరించారు. ఆయన ఉత్సాహంగా మాట్లాడుతూ వేర్వేరు విషయాలను ఒకటిగా కలిపేశారని, ఇటలీ అనుమతించిన విమానాల స్వభావాన్ని తప్పుగా గ్రహించారని స్పష్టం చేశారు. ఇరాన్పై జరిగిన సైనిక దాడుల్లో ఇటలీ ఎలాంటి నేరుగా పాల్గొనలేదని ఆమె గట్టిగా చెప్పారు.
ఇటలీ ఇచ్చిన అనుమతులు ఏమిటి?
ఇటలీ రక్షణ శాఖ వెంటనే స్పందిస్తూ, అమెరికా స్థావరాల నుంచి కేవలం సాంకేతిక, లాజిస్టిక్, నిర్వహణ సంబంధిత విమానాలకు మాత్రమే అనుమతి ఇచ్చినట్లు తెలిపింది. యుద్ధ కార్యకలాపాలు, దాడులు లేదా ఆయుధ మద్దతుకు సంబంధించిన ఎలాంటి అనుమతి ఇవ్వలేదని స్పష్టం చేసింది. ఇదంతా దేశ రాజ్యాంగం, అంతర్జాతీయ ఒప్పందాల పరిధిలోనే జరిగిందని ప్రభుత్వం నొక్కి చెప్పింది.
విదేశాంగ మంత్రి కూడా..
ఇటలీ విదేశాంగ మంత్రి అంటోనియో తజానీ రుట్టే వ్యాఖ్యలను అతిగా అర్థం చేసుకోవాల్సిన అవసరం లేదని అన్నారు. ఆయన ఉద్దేశం లాజిస్టిక్ సహకారం గురించి మాత్రమేనని, ఇటలీ యుద్ధంలో పాల్గొన్నట్లు చెప్పడం సరైనది కాదని వివరించారు. ఈ వివాదం ఇటలీలోని ప్రతిపక్షాలు ప్రభుత్వం నిజాలు చెప్పిందా అనే సందేహాలు లేవనెత్తడంతో రాజకీయంగా చర్చనీయాంశమైంది. అయితే మెలోనీ నేతృత్వంలోని ప్రభుత్వం మళ్లీ ఇరాన్ సంఘర్షణలో దేశానికి నేరుగా పాత్ర లేదని స్పష్టం చేస్తోంది.
మెలోనీ తన స్థిరమైన ధోరణితో శక్తివంతుల ముందు కూడా నిజాలను బయటపెట్టడంలో వెనకాడట్లేదు. మొన్నటి ట్రంప్ సంభాషణల్లో చూపించిన ధైర్యం ఇప్పుడు నాటో చీఫ్ విషయంలో కూడా కనిపిస్తోంది.