Prabhas On Baahubali 3: తెలుగు చలన చిత్ర పరిశ్రమకు ‘బాహుబలి’ ఒక వరం లాంటిదని అనడంలో ఎలాంటి సందేహం లేదు. కేవలం తెలుగు సినీ ఇండస్ట్రీ కి మాత్రమే కాదు , ఇండియన్ ఫిలిం ఇండస్ట్రీ కే గర్వకారణం మన బాహుబలి. అప్పటి వరకు ఒక లెక్క, బాహుబలి సిరీస్ వచ్చాక ఒక లెక్క. ఇండియన్ సినిమా ఇండస్ట్రీ అంటే బాలీవుడ్ మాత్రమే అని చెప్పుకునేవాళ్ళు. ఎందుకంటే వాళ్ళ సినిమాల కలెక్షన్స్ ఆ రేంజ్ లో ఉండేవి. కానీ బాలీవుడ్ లో సౌత్ సినిమాల ఆధిపత్యం మొదలైంది మాత్రం ‘బాహుబలి’ సిరీస్ తోనే. ఇక్కడి నుండే కేజీఎఫ్ సిరీస్ లు , పుష్ప సిరీస్ లు వచ్చి బాలీవుడ్ నుండి డామినేట్ చేయడం మొదలు పెట్టాయి. ఇన్నేళ్ల నుండి ఎన్నో సంచలనాత్మక బ్లాక్ బస్టర్స్ వచ్చాయి , కానీ ఒక్క సినిమా కూడా ఇప్పటి వరకు ‘బాహుబలి 2’ ని ముట్టుకోలేకపోయాయ్ అంటేనే అర్థం చేసుకోవచ్చు, ఈ సినిమా సృష్టించిన ప్రభంజనం ఎలాంటిది అనేది.
అయితే ఈ సిరీస్ ‘బాహుబలి 2’ తోనే ముగిసింది అనుకుంటే పెద్ద పొరపాటే, నిన్ననే ఈ చిత్రానికి సంబంధించిన ప్రభాస్, రానా, అనుష్క కలిసి ఒక స్పెషల్ ఇంటర్వ్యూ ఇచ్చారు. ఈ ఇంటర్వ్యూ చివర్లో రానా మాట్లాడుతూ ‘రాజమౌళి ఇక్కడ లేరు, చెప్పొచో లేదో తెలియదు , ఇది ఇప్పట్లో సెట్స్ మీదకు వెళ్లకపోవచ్చు కానీ , బాహుబలి 3 కి మాత్రం ఐడియా సిద్ధం గానే ఉంది. కచ్చితంగా మళ్లీ మీ ముందుకొస్తాము’ అంటూ చెప్పుకొచ్చారు రానా. ఆయన మాట్లాడిన ఈ మాటలు ఇప్పుడు సోషల్ మీడియా లో బాగా వైరల్ అయ్యింది. అయితే రాజమౌళి ఈ చిత్రం చేసేలోపు 2034 అవ్వొచ్చు. ఎందుకంటే వారణాసి తర్వాత ఆయన రామ్ చరణ్ తో ఒక సినిమా చేయబోతున్నాడని టాక్.
ఆ తర్వాత కొన్ని ముఖ్యమైన కమిట్మెంట్స్ ఉన్నాయి , ఇవి పూర్తి అయ్యాక మాత్రమే ఆయన ‘బాహుబలి 2’ గురించి ఆలోచించే అవకాశం ఉంటుంది. ఇక ప్రభాస్ కూడా తన కమిట్మెంట్స్ ని పూర్తి చేయడానికి చాలా సమయం పట్టేలా ఉంది. హను రాఘవపూడి తో చేస్తున్న మూవీ చివరి దశలో ఉంది , అదే విధంగా సందీప్ వంగ తో ‘స్పిరిట్’, ఆ తర్వాత ‘కల్కి 2’, ‘సలార్ 2’, ప్రశాంత్ వర్మ మూవీ , ఇలా బోలెడన్ని ఉన్నాయి. ఇవన్నీ పూర్తి అయ్యి, రాజమౌళి కూడా తన కమిట్మెంట్స్ ని పూర్తి చేసుకున్న రోజు వీళ్లిద్దరి కాంబినేషన్ సెట్స్ మీదకు వెళ్లే అవకాశం ఉంటుంది.
