Employee laptop theft incident: పాపమని పాతబట్టలు ఇస్తే గోడచాటుకు పోయి కోలుచుకున్నాడట వెనుకటికి ఒకడు. ఇతడి యవ్వారం పై సామెత మాదిరిగానే ఉంది. ఉద్యోగాలున్నాయి.. అర్హతలున్న వారు దరఖాస్తు చేసుకోండి. మెరుగైన జీతం,ఇతర ప్రయోజనాలు కల్పిస్తామని ఉబర్ కంపెనీ ప్రకటన ఇచ్చింది. ఆ ప్రకటన ఇవ్వడమే ఆ కంపెనీ పాలిటి శాపమైంది.
ఉబర్ కంపెనీ మనదేశంలో కొంతకాలంగా కార్యకలాపాలు సాగిస్తోంది. ఆన్ లైన్ లో ఫుడ్, ట్రావెలింగ్ వంటి విభాగాలలో సేవలు అందిస్తోంది. ఈ కంపెనీ ఇటీవల ఉద్యోగాలకు ప్రకటన ఇచ్చింది. ఆ ప్రకటన ఇవ్వడమే ఆ కంపెనీ పాలిట పాపమైంది. కంపెనీ ఇంటర్వ్యూకు ఓ యువకుడు హాజరయ్యాడు. అన్ని రౌండ్లను క్లియర్ చేశాడు. అంతే కాదు, వెళ్తూవెళ్తూ కంపెనీ కొత్త మ్యాక్ బుక్ ను చోరీ చేశాడు. హైదరాబాద్ నగరంలో ఈ సంఘటన చోటు చేసుకుంది.
ఉబర్ కంపెనీలో ఈ సంఘటన చోటు చేసుకోవడం సంచలనం కలిగిస్తోంది. దీనిపై రిక్రూటర్ చేసిన వ్యక్తి లింక్డ్ ఇన్ లో ఓ పోస్ట్ చేశాడు. అది కాస్త సోషల్ మీడియాలో సంచలనం కలిగిస్తోంది. ‘ఫోన్ స్విచ్చాప్,లింక్ డ్ ఇన్ ప్రొఫైల్ కనిపించడం లేదు. ల్యాప్ టాప్ పంపించిన చిరునామాలో వెతికితే అక్కడ అతడు లేడు. పైగా అతడు ఆ రూమ్ ను ఖాళీ చేశాడు. ల్యాప్ టాప్ ను అతడు ఫ్యాక్టరీ రీసెట్ చేశాడు. ఇదంతా ఒక ప్రణాళిక మాదిరిగా కనిపిస్తోందని’ ఆ వ్యక్తి పేర్కొన్నాడు.
ఇటీవల కాలంలో కంపెనీలు ఉద్యోగార్థులు ఎటువంటి మోసాలు చేయకుండా ఉండేందుకు ఇంటర్వ్యూల సమయంలో ల్యాప్ టాప్ లను నేరుగా వారి దగ్గరికి పంపిస్తున్నాయి. ఈ సమయంలో కొంతమంది ల్యాప్ టాప్ లను చోరీ చేస్తున్నారు. తాజాగా ఉబర్ కంపెనీకి ఈ పరిణామం ఎదురుకావడం ఆశ్యర్యాన్ని కలిగిస్తోంది. ఇటువంటి సంఘటనలు మళ్లీ జరగకుండా ఉండేందుకు కంపెనీలు కఠిన చర్యలు తీసుకోవాలని నెటిజన్లు డిమాండ్ చేస్తున్నారు. ఇటువంటి వ్యక్తుల వల్ల అంతర్జాతీయంగా హైదరాబాద్ నగరం పరువుపోతుందని వారు కామెంట్లు చేస్తున్నారు. ఇంటర్వ్యూ ల సమయంలో అభ్యర్థుల ప్రవర్తన, వ్యవహార శైలి మీద ఫోకస్ పెట్టాలని వారు సూచిస్తున్నారు.
ప్రభాస్ తో ఫ్రెండ్షిప్ చేస్తే మామూలుగా ఉండదంటున్న స్టార్ హీరో..
Prabhas friendship with star heroes: యంగ్ రెబల్ స్టార్ ప్రభాస్ హీరోగా చేసిన చాలా సినిమాలు అతన్ని టాప్ లెవెల్లో నిల్చో బెట్టాయి. బాహుబలి సినిమాతో పాన్ ఇండియా బాక్సాఫీస్ ను షేక్ చేయడమే కాకుండా బాలీవుడ్ హీరోలకు సైతంకి పోటీని ఇచ్చాడు. ప్రస్తుతం పాన్ ఇండియాలో నెంబర్ వన్ హీరోగా కొనసాగుతున్నాడు. ఇక బాహుబలి నుంచి ఇప్పటి వరకు ప్రభాస్ క్రేజ్ ను టచ్ చేయడం బాలీవుడ్ హీరోల వల్ల కావడం లేదు. ఇక ఏది ఏమైనా కూడా ప్రభాస్ ఈ మధ్యకాలంలో చేస్తున్న సినిమాల విషయంలో స్పెషల్ కేర్ తీసుకుంటున్నాడు. అందుకే ఆయన చాలావరకు సక్సెస్ లను సాధిస్తున్నాడు… ప్రభాస్ తో ఫ్రెండ్షిప్ చేయడం చాలా కష్టమని చాలా మంది చెబుతూ ఉంటారు. కారణం ఏంటి అంటే ప్రభాస్ హీరో గానే కాకుండా ఒక మంచి ఫ్రెండ్ గా కూడా కొనసాగుతున్నాడు. ప్రతి ఒక్కరికి ఏ ప్రాబ్లం ఉన్నా అతనే దగ్గరుండి సాల్వ్ చేస్తూ ఉంటాడు.
ఇక ఇలాంటి క్రమంలోనే ఫ్రెండ్స్ అందరికి విపరీతంగా భోజనం పెట్టించేస్తుంటాడట. తన ఇంట్లోనే డిఫరెంట్ కర్రీస్ ను చేయించి ఫ్రెండ్స్ కి దగ్గరుండి మరి తనే వడ్డిస్తూ వాళ్ళందరికీ ఫుల్లుగా తినిపిస్తుంటాడట. దీనివల్ల కొన్ని సందర్భాల్లో తమ ఫ్రెండ్స్ కి చాలా ఇబ్బంది అవుతుందని అయినప్పటికి ప్రభాస్ వదలకుండా గట్టిగా తినాలని చెబుతూ ఉంటాడట.
ఇక ఏది ఏమైనా కూడా ప్రభాస్ తో ఫ్రెండ్షిప్ చేయడం అన్ని విధాలుగా ప్లస్ అయినప్పటికి భోజనం విషయంలో మాత్రం చాలా వరకు ఇబ్బందులు ఎదుర్కోక తప్పదని స్టార్ హీరో గోపీచంద్ సైతం పలు సందర్భాల్లో తెలియజేశారు. నిజానికి ప్రభాస్ గోపీచంద్ మధ్య చాలా మంచి ఫ్రెండ్షిప్ ఉందనే విషయం మనందరికి తెలిసిందే. వీరిద్దరు వర్షం సినిమాలో కలిసి నటించారు. ఇక అప్పటినుంచి వీళ్ల మధ్య విపరీతమైన బాండింగ్ ఏర్పడింది.
ఒకరకంగా చెప్పాలంటే యూవీ క్రియేషన్స్ లో గోపీచంద్ ను హీరోగా పెట్టి చాలా సినిమాలను నిర్మించడానికి కారణం ప్రభాస్ అనే చెప్పాలి. ఇక ఏది ఏమైనా కూడా వీళ్ళిద్దరి మధ్య ఉన్న బాండింగ్ ఇలానే కలకాలం కొనసాగాలని అభిమానులు కూడా కోరుకుంటున్నారు…