Srikakulam Viral Song: వేసవి సెలవులు ముగుస్తున్నాయి. ఈనెల 12న విద్యాసంస్థలు తెరుచుకోనున్నాయి. విద్యార్థుల తల్లిదండ్రులు ఇప్పటికే సన్నాహాలు ప్రారంభించారు. పిల్లలకు అవసరమైన సామాగ్రిని కొనుగోలు చేసే పనిలో ఉన్నారు. సెలవుల్లో బంధువుల ఇంటికి, విహారయాత్రలకు వెళ్లిన వారు ఇంటి ముఖం పడుతున్నారు. ఈ తరుణంలో సోషల్ మీడియాలో ఓ వీడియో విపరీతంగా వైరల్ అవుతోంది. శ్రీకాకుళం జిల్లాకు చెందిన కొందరు ఈ వీడియోను సోషల్ మీడియాలో పోస్ట్ చేశారు. ప్రభుత్వ పాఠశాలలతో పాటు ప్రైవేటు పాఠశాలలను చూపుతూ సాగిన ఈ వీడియో ప్రత్యేక ఆకర్షణగా నిలుస్తోంది.
భీమ్లా నాయక్ పాటతో..
పవన్ కళ్యాణ్ నటించిన భీమ్లా నాయక్ సూపర్ డూపర్ హిట్ అయింది. అందులో టైటిల్ సాంగ్ ను జతచేస్తూ.. పాఠశాలలు సిద్ధంగా ఉన్నాయని.. పిల్లలు రావాలని సూచిస్తూ సాగిన పాట.. తెర వెనుక ప్రభుత్వ పాఠశాలలు, ప్రైవేటు పాఠశాలలను చూపుతూ సాగిన ఈ పాట ఎంతగానో ఆకట్టుకుంటుంది. శ్రీకాకుళం జిల్లాకు చెందిన ఔత్సాహిక యువకులు ఈ పాటను రూపొందించి.. సోషల్ మీడియాలో పెట్టారు. ఇప్పుడు ఇనిస్టా తో పాటు రీల్స్ లో ఈ పాట దుమ్ము దులుపుతోంది. విద్యార్థులను ఎంతగానో ఆకట్టుకుంటుంది.
ముగుస్తున్న సెలవులు..
వేసవి సెలవులు ముగుస్తున్నాయి. విద్యార్థులకు అవసరమైన పుస్తకాల సేకరణలో తల్లిదండ్రులు నిమగ్నమయ్యారు. బ్యాగులు, షూస్, యూనిఫారం వంటివి సేకరిస్తున్నారు. ఏప్రిల్ 24 నుంచి పాఠశాలలకు వేసవి సెలవులు ప్రకటించారు. సాధారణంగా వేసవి సెలవులు అంటేనే విహారయాత్రలకు, బంధువుల ఇంటికి వెళ్లేందుకు ఎక్కువ మంది ఇష్టపడతారు. అయితే ఇప్పుడు పాఠశాలలు తెరిచే సమయం సమీపిస్తుండడంతో విద్యార్థుల తల్లిదండ్రుల్లో ఒక రకమైన ఆందోళన. ఫీజులతోపాటు ఇతర ఖర్చులు అధికంగా ఉంటాయి ఈ నెలలో. పెరిగిన ఖర్చులను ఊహించుకుని తల్లిదండ్రులు బాధపడుతున్నారు. మరోవైపు విద్యార్థులు సైతం తమకు ఇష్టమైన సెలవులు ముగిస్తుండడంతో వారి ముఖంలో కూడా కాస్త బాధ కనిపిస్తోంది. కానీ పాఠశాలలకు పిల్లలను స్వాగతిస్తూ భీమ్లా నాయక్ తరహాలో వైరల్ అవుతున్న ఆ పాట మాత్రం ఆకట్టుకుంటోంది.
View this post on Instagram
