Albino Hog Deer In Kaziranga National Par: అది దట్టమైన అడవి.. మండు వేసవిలో కూడా పచ్చగా కనిపిస్తోంది. అటువంటి అడవిలో ఒక శ్వేత వర్ణంలో ఉన్న జంతువు కనిపించింది. ఆ జంతువు కాస్త అడవిలో స్వేచ్ఛగా తిరగడం మొదలుపెట్టింది. పచ్చని గడ్డిని ఆరగించడం ప్రారంభించింది. ఆ జంతువు గెంతుతూ సందడి చేస్తున్న దృశ్యాలు అడవిలో ఏర్పాటుచేసిన సీక్రెట్ కెమెరాలలో రికార్డు అయ్యాయి. దీంతో ఒక్కసారిగా చర్చ మొదలైంది.
మనదేశంలోని ఈశాన్య రాష్ట్రాలలో ప్రముఖమైనది అస్సాం. ఇక్కడ కజరంగ నేషనల్ పార్క్ ప్రపంచ ప్రఖ్యాతి పొందింది. ఈ పార్కులో ఖడ్గమృగాలనుంచి మొదలు పెడితే పులుల వరకు ఉంటాయి.. విస్తారంగా అడిగి ఉండడంతో జీవ వైవిధ్యం కూడా మెరుగ్గా ఉంటుంది. పైగా ఇక్కడ జంతువులకు ఆహారం సమృద్ధిగా లభిస్తూ ఉంటుంది. ఇప్పటివరకు ఈ ప్రాంతంలో అరుదైన జంతువులను అనేకం కనుగొన్నారు. కానీ ఇంతవరకు శాస్త్రవేత్తలకు.. పర్యావరణవేత్తలకు కనిపించని ఒక జంతువు.. సీసీ కెమెరాలలో రికార్డు అయింది. ఆ జంతువు పేరే ఆల్ బినో హాగ్ డీర్.
దీనిని శ్వేత వర్ణ జింక అని పిలుస్తుంటారు. మనదేశంలో కనిపించే జింకలు గాడమైన రంగులో ఉంటాయి. పైగా అవి దేహం పై మచ్చలను కలిగి ఉంటాయి. కానీ ఈ జింక మాత్రం పూర్తిగా శ్వేత వర్ణంలో కనిపిస్తోంది. పైగా దాని నేత్రాలు అత్యంత విశాలంగా ఉన్నాయి. కొమ్ములు కూడా నిటారుగా ఉన్నాయి. దాని చూపు అత్యంత పారదర్శకంగా ఉంది. అది వేగంగా పరుగులు పెడుతూ ఉంది. మిగతా జింకలతో పోల్చి చూస్తే అది అత్యంత బలిష్టంగా ఉంది. శ్వేత వర్ణంలో ఉన్న జింకను చూడటం ఇదే తొలిసారి అని కజిరంగా నేషనల్ పార్క్ సిబ్బంది చెబుతున్నారు.
అస్సాం ముఖ్యమంత్రి హిమంత ఈ వీడియోను తన సోషల్ మీడియాలో పోస్ట్ చేశారు. శ్వేత వర్ణంలో జింక కనిపించడం అస్సాం రాష్ట్రం ఘనతకు గర్వకారణమని పేర్కొన్నారు. కజిరంగా నేషనల్ పార్కులో ఇటువంటి అద్భుతాలు ప్రతి రోజు కనిపిస్తాయని ఆయన చెప్పుకొచ్చారు. ఇవన్నీ కూడా ప్రభుత్వం తీసుకున్న నిర్ణయాల ఫలితం అని ఆయన వెల్లడించారు. ఇటువంటి అరుదైన జంతువులను కాపాడేందుకు తమ ప్రభుత్వం కృషి చేస్తుందని ఆయన వెల్లడించారు. అయితే ఈ శ్వేత వర్ణంలో ఉన్న జింక ఇక్కడికి ఎలా వచ్చింది.. జింకలలో ఏవైనా జన్యుపరమైన మార్పులు చోటు చేసుకుంటే పుట్టిందా.. లేదా ఏదైనా అద్భుతం జరిగిందా.. అనే కోణాలలో శాస్త్రవేత్తలు పరిశీలన జరుపుతున్నారు.
శ్వేత వర్ణంలో కనిపించే జింకలు అత్యంత అరుదైనవని శాస్త్రవేత్తలు చెబుతున్నారు. ఇవి విదేశాలలో మాత్రమే ఉంటాయని.. మన దేశ భౌగోళిక వాతావరణానికి ఇవి తట్టుకోలేవని చెబుతున్నారు. అయితే ఈ శ్వేత వర్ణంలో ఉన్న జింక మాత్రం అత్యంత ఆరోగ్యంగా ఉంది. అడవిలో స్వేచ్ఛగా విహరిస్తోంది. ఒకవేళ దీనిని గనుక సంరక్షిస్తే.. శ్వేత వర్ణంలో ఉన్న జింకల సంఖ్య పెరుగుతుందని పర్యావరణవేత్తలు చెబుతున్నారు.
