Cooler Grass Pad Vs Honeycomb Pad: వేసవికాలం రాగానే చల్లదనం కోసం ఆరాటపడుతూ ఉంటారు. ఒకప్పుడు గ్లోబలైజేషన్ తక్కువగా ఉండడంతో వేడి తక్కువగా ఉండేది. దీంతో ఫ్యాన్లతో చల్లదనం సరిపోయేది. కానీ ఇప్పుడు పట్టణీకరణ, నగరికరణ పెరిగిపోవడంతో కూలర్లు, ఏసీలు తప్పనిసరిగా అవసరం ఏర్పడుతున్నాయి. అయితే మధ్యతరగతి ప్రజలు ఎక్కువగా కూలర్ల కొనుగోలుకే ప్రాధాన్యత ఇస్తారు. కానీ వీటి ధరలు కూడా ఇప్పుడు పెరిగిపోతున్నాయి. ధరల విషయం పక్కన పెడితే ఇందులో రకరకాల మోడల్స్ వచ్చాయి. వీటిలో ఏది బెటర్? అన్న సందేహం ఏర్పడుతోంది. అంటే కూలర్లు రెండు రకాలుగా తయారు చేయబడతాయి. వీటిలో చల్లదనాన్ని ఇచ్చే ప్యాడ్స్ ఒకటి హానీకోoబ్, మరొకటి గ్రాస్ ప్యాడ్ ఉంటాయి. అయితే వీటిలో ఏది ఎక్కువ ప్రయోజనాలు ఇస్తుంది? అనేది చూద్దాం..
సాధారణంగా ప్రతి కూలర్ లలో చల్లని గాలి అందించేందుకు గ్రాస్ ప్యాడ్ ఉంటుంది. ఇది వాటర్ తో తడిచినప్పుడు చల్లటి గాలి అందిస్తుంది. అయితే ఈ గ్రాస్ ప్యాడ్ ప్రతి సంవత్సరం మార్చాల్సి ఉంటుంది. దీనిని ఎండు గడ్డితో తయారుచేస్తారు. ఈ గడ్డి మందం ఎక్కువగా పెరిగితే ఇందులో నుంచి గాలి లోపలికి వచ్చే అవకాశాలు తక్కువగా ఉంటాయి. అంతేకాకుండా ఈ గడ్డిలో ఎక్కువగా బాక్టీరియా చేరే అవకాశం ఉంటుంది. అందువల్ల ప్రతిరోజు నీటిని మార్చాల్సిన అవసరం ఉంటుంది. అయితే దీని ధర తక్కువగా ఉంటుంది.
హానీ కాంబ్ ప్యాడ్ ప్రత్యేక ఆకృతిని కలిగి ఉంటాయి. ఇవి తేనె పట్టు ఆకారంలో ఉంటాయి. దీనిని ఒక్కసారి కొనుగోలు చేస్తే మూడేళ్ల వరకు వాడుకోవచ్చు. కానీ నీటిని శుభ్రం చేసుకోవాల్సి ఉంటుంది. ఇది వేడి గాలిని తీసుకొని చల్లటి గాలిని లోపలికి అందిస్తుంది. ఈ ప్యాడ్ యాంటీ బ్యాక్టీరియల్ లక్షణాలను కలిగి ఉంటుంది. ఫలితంగా వీటిపై ఎలాంటి దుమ్ము, బ్యాక్టీరియా చేరకుండా ఉంటుంది. అంతేకాకుండా దీని ద్వారా వచ్చే గాలి విపరీతమైన చల్లదనాన్ని ఇస్తుంది. అయితే దీని ధర కాస్త ఎక్కువగానే ఉంటుంది.
బడ్జెట్ కు అనుగుణంగా ఏర్పాటు చేసుకోవాలంటే గ్రాస్ ప్యాడ్ కొనుగోలు చేయవచ్చు. కానీ మన్నిక కావాలంటే మాత్రం హనీ కాంబో ప్యాడ్ తీసుకోవడం బెటర్. హనీ కాంబో ప్యాడ్ ఏర్పాటు చేసుకోవడం వల్ల ప్రతి సంవత్సరం కూలర్ కు రిపేరు చేయించాల్సిన అవసరం ఉండదు. కానీ ప్రతి ఏడాది గ్రాస్ ప్యాడ్ కచ్చితంగా మార్చాలి. అంతేకాకుండా గ్రాస్ ప్యాడ్ కు నాచు చేరడంతో దుర్వాసన వచ్చే అవకాశం ఉంటుంది. హనీ కాంబో ప్యాడ్ కు ఆ అవకాశం లేదు.
