Jana Nayagan : ఒకప్పుడు టాక్ , డైరెక్టర్ , హైప్ తో సంబంధం లేకుండా సౌత్ ఇండియా లోని స్టార్ హీరోలకు తిరుగులేని ఓపెనింగ్స్ వచ్చేవి. కానీ ఇప్పుడు ఆ సంస్కృతి పోయింది. ఎంత పెద్ద సూపర్ స్టార్ సినిమాకు అయినా, ఆసక్తికరమైన కంటెంట్ లేకపోతే హైప్ క్రియేట్ అవ్వలేని పరిస్థితి ఏర్పడింది. పైగా ఈ పాన్ ఇండియా యుగం లో సరికొత్తగా ప్రయత్నం చెయ్యాలి , భారీ బడ్జెట్ విజువల్ వండర్స్ ని తెరకెక్కించాలి , అప్పుడే ఆడియన్స్ ఓపెనింగ్స్ ని అందిస్తున్నారు. కానీ ఇవేమి లేకపోయినప్పటికీ కూడా, ఒక సినిమాకు క్రేజ్ , హైప్ ని రప్పించగల సత్తా ఉన్న ఏకైక హీరో ప్రస్తుతం ఎవరైనా ఉన్నారా అంటే , అది తమిళనాడు ముఖ్యమంత్రి విజయ్ మాత్రమే. సినిమా గ్లామర్ తో ఏకంగా ఆయన ముఖ్యమంత్రి స్థానంలో కూర్చున్నాడంటే, ఆయన క్రేజ్ , ఫ్యాన్ ఫాలోయింగ్ ఎలాంటిదో అర్థం చేసుకోవచ్చు.
ఆయన హీరో గా నటించిన చివరి చిత్రం ‘జన నాయగన్’. మన తెలుగు లో సూపర్ హిట్ గా నిల్చిన ‘భగవంత్ కేసరి’ చిత్రానికి ఇది రీమేక్. ఎప్పుడో జనవరి 9 న విడుదల అవ్వాల్సిన సినిమా ఇది. కానీ సెన్సార్ సభ్యులు ఈ సినిమాలోని అనేక సన్నివేశాలకు అడ్డం చెప్తూ , సెన్సార్ సర్టిఫికేట్ ఇవ్వకపోవడం తో విడుదల ఆపేయాల్సి వచ్చింది . ఇక అప్పటి నుండి సెన్సార్ క్లియరెన్స్ రావడానికి ఆరు నెలల సమయం పట్టింది. ఎట్టకేలకు ఈ చిత్రం సెన్సార్ కార్యక్రమాలను పూర్తి చేసుకొని , ఈ నెల 23 న ప్రాంపంచ వ్యాప్తంగా తెలుగు , తమిళం మరియు మలయాళం భాషల్లో విడుదల కాబోతుంది. దీంతో ఈ చిత్రానికి సంబంధించిన అడ్వాన్స్ బుకింగ్స్ కూడా నెమ్మదిగా ఒక్కో ప్రాంతం లో ప్రారంభిస్తున్నారు. ముందుగా కర్ణాటక లో అడ్వాన్స్ బుకింగ్స్ మొదలు పెట్టారు.
అప్పుడే 30 వేలకు పైగా టికెట్స్ అమ్ముడుపోయాయి , గ్రాస్ వసూళ్లు 2 కోట్ల 50 లక్షల వరకు వచ్చిందట. నిన్న కేరళ లో కూడా అడ్వాన్స్ బుకింగ్స్ మొదలు పెట్టారు. కేవలం 2 గంటల్లోనే కోటి రూపాయలకు పైగా గ్రాస్ వసూళ్లు వచ్చాయట. ఓవరాల్ గా ఈ చిత్రానికి ఇండియా వైడ్ గా ఇప్పటి వరకు జరిగిన అడ్వాన్స్ బుకింగ్స్ ద్వారా వచ్చిన గ్రాస్ 5 కోట్ల 11 లక్షల రూపాయిలు అట. 1,56,352 టికెట్స్ అమ్ముడుపోయాయి అట. ఇది కేవలం ఆరంభం మాత్రమే పూర్తి స్థాయి బుకింగ్స్ ప్రారంభం అవ్వలేదు. తమిళనాడు, తెలుగు రాష్ట్రాల్లో బుకింగ్స్ ప్రారంభించాల్సి ఉంది. అవి మొదలయ్యాక ఏ రేంజ్ గ్రాస్ వస్తుందో చూడాలి. విడుదలకు ముందే ఆన్లైన్ లో ఈ చిత్రం లీక్ అయ్యినప్పటికీ కూడా, ఈ రేంజ్ బుకింగ్స్ జరుగుతున్నాయంటే విజయ్ ని మించిన సౌత్ ఇండియన్ హీరో ప్రస్తుతానికి లేరని అంటున్నారు ట్రేడ్ విశ్లేషకులు.
