అగ్రరాజ్యం మాజీ అధ్యక్షుడు బరాక్ ఒబామా ఆసక్తికర వ్యాఖ్యలు చేశారు. ది లేట్ షో విత్ జేమ్స్ కార్డన్ అనే కార్యక్రమంలో పాల్గొన్న ఒబామా ఎగిరే పళ్లాలు గురించి షాకింగ్ విషయం వెల్లడించారు. ఈ యూఎఫ్ వోలకు సంబంధించన ఫుటేజీలు, రికార్డులు నిజంగానే ఉన్నాయని కుండబద్దలు కొట్టారు. నేను ఇక్కడ నిజమే చెప్తున్నా ఆకాశంలో ఎగిరే కొన్ని వస్తువులకు సంబంధించిన ఫుటేజీలు రికార్డులు వాస్తవంగానే ఉన్నాయి. కానీ అవేంటో మనకు కచ్చితంగా తెలియదు అని ఒబామా అన్నారు. ఆ ఎగిరే వస్తువులు ఏ శక్తితో ఎగురుతున్నాయో ఎలా కదులుతున్నాయో ఏ మార్గం వెళ్తున్నాయో కూడా మనం వివరించలేమని ఆయన పేర్కొన్నారు.
