అమెరికా అధ్యక్ష్యుడు డొనాల్డ్ ట్రంప్ మరోసారి మాజీ అమెరికా అధ్యక్ష్యుడు ఒబామాపై విరుచుకుపడ్డారు. తాజాగా అమెరికా వైట్ హౌస్ లో ఏర్పాటు చేసిన మీడియా సమావేశంలో అధ్యక్ష్యుడు డొనాల్డ్ ట్రంప్ మాట్లాడుతూ.. మాజీ అమెరికా అధ్యక్ష్యుడు బరాక్ ఒబామా ఓ అసమర్థ అధ్యక్ష్యుడని దుయ్యబట్టారు. ఆయన గూర్చి అంతకన్నా ఎక్కువుగా చెప్పలేనని చెప్పారు.
అయితే శనివారం ఒబామా ఓ కార్యక్రమంలో కరోనా కట్టడిలో అమెరికా ప్రభుత్వ తీరు పట్ల అసహనం వ్యక్తం చేశారు. కరోనా మహమ్మారి అమెరికా నాయకత్వాన్ని బహిర్గతం చేసిందని అన్నారు. అన్నింటికీ మించి భాధ్యతాయుత పదవుల్లో ఉన్న వారు తమ భాద్యతను ఏ విధంగా సమర్థంగా నిర్వహిస్తున్నారో చెప్పాలని పేరు చెప్పకుండా ట్రంప్ పై ప్రశ్నలు సంధించారు. అలాగే చాలా మంది భాద్యత వహిస్తున్నట్లు నాటకం ఆడుతున్నారని విమర్శించారు. దీనిపై ఘాటుగా స్పందించాడు ట్రంప్..”ఒబామా ఒక అసమర్థ అధ్యక్షుడు.. ఆయన గురించి అంతకన్నా ఏం చెప్పలేను’ అని తీవ్రంగా స్పందించారు.
మరోవైపు అమెరికాలో ఇంకా వైరస్ ఉద్ధృతి కొనసాగుతూనే ఉంది. ఇప్పటివరకు అక్కడ నమోదైన కేసుల సంఖ్య 15.26 లక్షలు దాటింది. తాజాగా, 24 గంటల్లో 18 వేలకు పైగా కేసులు నమోదయ్యాయి. మొత్తం మృతుల సంఖ్య 90,931కి చేరువైంది. ప్రపంచంలోనే అత్యధిక కరోనా కేసులు, మరణాలు నమోదైన దేశంగా అగ్రరాజ్యం కొనసాగుతోంది. ఇక రష్యా, స్పెయిన్, ఇంగ్లాండ్, బ్రెజిల్ దేశాల్లోనూ వైరస్ ఉగ్రరూపం కొనసాగుతోంది. అగ్రరాజ్యం తర్వాత ఈ దేశాల్లో అత్యధిక కేసులు నమోదవుతున్నాయి.